ماضي الإخوة (جاري تعديل السرد)

ماضي الإخوة

#الفصل 30#

بدا مراد بالتحدث قائلا(بهدوء)/كانت علاقتنا كويسه وما كانش فيها اي مشاكل حتى بعد ما دخلنا الجامعه فضلت ممتازه....، كنا بنعمل كل حاجه تقريبا مع بعض نلعب ونتمرن ونسهر ونادرا كنا بنذاكر مع بعض....،كل ده كنا بنعمله مع بعض وفضلنا كده فتره طويله جدا لحد ما في يوم كنا سهرانين انا وهو مع جماعه اصحابنا،وفجاه دخل علينا ثلاث شباب وكان من ضمنهم جاسر...،بدا يتعرف علينا واحنا كمان اتعرفنا عليه، هو كان معانا في نفس السنة ولكن في الأصل هو أكبر مننا بسنتين، المهم بدا يظهر في حياتنا اكثر،بقي معانا في نفس القسم وبقينا لمانروح اي مكان بنلاقيه..،وبصراحه كنت بشوف انها مش صدفه...المهم بدا يتقرب مننا اكتر واكتر،بقي يخرج معانا في كذا ميعاد في كذا سهره،وساعات كان بيطلع مع فايز بس..،فضلنا على الحال ده سنه كامله،وبقي جاسر صديق مقرب أوي لفايز،في الوقت إلا أنا كنت حاسس ان هو مش سالك....،لحد ما في يوم دخلت البيت اللي كنا ساكنين فيه أنا وفايز وقتها،ولقيت جاسر قدامي وخبّي حاجة ورا ضهره،كان باين عليه التوتر أوي ومالحقتش أسأله ماله،ولقيت محفظة فايز واقعة وراه،قربت منه واخد المحفظة من علي الارض ولما فتحتها لقيتها فاضية تماما.

قاسم/قصدك ان هو.

مراد/آه أخد كل الفلوس اللي في المحفظة.

قاسم/طب ايه اللي حصل بعدين.

مراد/بعدين سألته عن اللي هو مخبيه ورا ضهره،بس هو انكر انه ماخبي حاجة،ومع ذلك أنا حاولت أعرف وفضلت أحاول أشوف ايده،ومن محاولتي معاه وقعت الفلوس منه غصب عنه في نفس اللحظة اللي خرج فيها فايز من الحمام وسأل عن اللي بيحصل،فاحكيتله كل حاجة.

قاسم/وفايز عمل ايه.

مراد/عمل حاجة ماكنتش اتوقعها...،قرب من جاسر وقاله بكل حنية انت لو كنت طلبت مني ماكنتش هتأخر عليك،فالباشا استغل حنية أخوك وأقعد يعتذرله ويقوله انه ماكنش عايز يسرق بس كان غصب عنه لانه كان محتاج فلوس وكان مكسوف ييجي يطلب منه لانه طلب منه قبل كده كتير.....،علي اساس انه كان مكسوف يطلب منه فلوس وومش مكسوف من نفسه انه سرقه،المهم اخوك راح لامم الفلوس وادهاله وقاله امتي ماتعوز ماتترددش انك تجيلي.

قاسم/جايز فعلا اضطر انه يسرق لانه كان محتاج فلوس ضروري.

مراد/ما أنا شكيت للحظة في ده،بس فورا غيرت رأيي لان قلبي ماكنش مستريحله خالص،واتأكدت من احساسي ده في نفس اليوم بالليل.

قاسم/ليه ايه اللي حصل.

مراد/كنا خارجين انا وفايز نسهر كعادتنا،وسبقته أنا وقتها ودخلت قبله،بس أول مادخلت المكان لقيت جاسر قاعد قدامي بالظبط مع شوية شباب.

قاسم/جايز هما اللي عزمينه.

مراد/ما ده اللي فكرت فيه وقتها علشان الشك اللي في دماغي،بس ماكملتش عشر ثواني وسمعته هو بيقول بأعلي صوت انه عازم كل الموجودين علي حسابه،وطبعا مابقاش عندي ذرة شك واحدة لاني بقيت متأكد مية في المية من اللي بفكر فيه،علشان كده لقيت نفسي ماسك في خناقه،وساعتها جه فايز وحكيتله كل اللي شوفته واللي سمعته،وقلتله انه جاسر بيسرقه وبيستغله علشان ياخد فلوسه.