الفصل#36#
بدأ قاسم بشرح خطته لمراد قائلا/أول حاجة لازم نعملها نبعد فايز تماما عن اللي بيحصل.
مراد/وده ازاي.
قاسم/هنخليه يسافر ولازم حد غيرنا هو اللي يقنعه بده.
حازم/والمشكلة اننا مش عارفين مين ممكن يساعدنا في ده.
مراد/بس أنا عارف.
قاسم/مين.
مراد/كامل.
حازم/كامل مين؟
قاسم/قصدك كامل صاحب فايز.
مراد/آه.
حازم/وتعرفه منين ده.
مراد/هو ايه اللي أعرفه منين،كامل صاحبي وكان دفعتي في الجامعه ولحد دلوقتي بتواصل معاه،حتي هو الشخص اللي اتأكد منه من موضوع جاسر يوميها..فاكر ياقاسم.
قاسم/الشخص ده كان كامل.
مراد/آه.
حازم/انت واثق انه هيساعدنا في الموضوع ده.
مراد/واثق مليون في الميه انه هيساعدنا،لانه أصلا مستني لحظة دمار جاسر دي من زمان لانه مايحبهوش زينا بالظبط.
قاسم/طالما كده اتصل بيه وخلينا نقابله بكره.
مراد/ماشي.
قاسم/كده دي أول حاجة لازم تتنفذ،تاني حاجة لازم نتأكد ان جاسر مايعرفش أي حاجة عني،أنت كلمت فاتن وقلتلها ماتقولش لحد.
مراد/أه ونبهت كمان علي الآمن إن لو حد غريب سأل عليك ولا كده يقولوله إنك مش وجود.
قاسم/كويس،وعمي كمان كلم مدير المستشفي.
حازم/أيوه وطمني وقالي إنهم مابيطلعوش معلومات المرضي لأي حد،وقالي إن لو حتي حد جه وسأل عنك هيقولوله معندناش حد بالاسم ده.
قاسم/تمام...كده مافضلش غير الشركة.
مراد/مالها الشركة،ما الكل عارف انك هتسافر.
قاسم/لأ لازم الكل في الشركة يعرف إن عمي حازم هو اللي هيروح ويحضر الافتتاح مش أنا.
مراد/تمام بابا اللي هيسافر وانت هترتاح صح.
قاسم/لأ هروح الشغل عادي.
انصدم مراد للحظات ثم قال/انت بتهزر.
قاسم/لأ انا بتكلم بجد...أنا هروح الشغل عادي.
مراد/هتروح وانت في الحالة دي.
قاسم/أنا كويس.
مراد/بقيت كويس في يوم وليلة.
قاسم/آه.
مراد/طب لو حد سأل عن اصابتك.
قاسم/قلتلك قبل كده ان نقولهم اني وقعت.
أنت تقرأ
ماضي الإخوة (جاري تعديل السرد)
General Fictionنشاؤا معاً،وعاشوا في المنزل ذاته،ولكن رغم تقارب المسافات بين الأجساد كانت هناك مئات الكيلومترات بين القلوب... إلا أن حدث شيئ جعل أجسادهم تبتعد كما قلوبهم تماماً... وعندما يعود الزمن ليجمعهم ثانية كانت قد ماتت مشاعرهما تجاه بعضهما،وأصبح البرود هو الس...
