#الفصل العشرين#
دخل مراد علي قاسم في غرفته وقال/إلحقني يا قاسم.
قاسم/في ايه يا مراد خوفتني.
مراد/بكره عيد ميلاد بابا.
قاسم/وايه المشكله دي مناسبه سعيده المفروض تبقى فرحان مش متوتر.
مراد/المشكله مش انه عيد ميلاد بابا،المشكله انه بكره.
ابتسم قاسم ثم قال/فهمت دلوقتي نسيت كالعاده مش كده.
مراد/أيوه نسيت انه بكره ما جبتش هديه.
قاسم/انا مش شايف ان في مشكله..،لسه فاضل وقت كتير هتقدر فيه تجيب له هديه.
مراد/علشان كده انا جيتلك،انا عايزك تساعدني اني اختار له هديه كويسه..،عصرت دماغي وما لقيتش هديه مناسبه.
قاسم/فكر كويس اكيد هتلاقي هديه مناسبه ليه
مراد/فكرت كتير أوي وما لقيتش.
قاسم/مراد عمي حازم ما بيهتمش بقيمه الهديه ولا سعرها وانت عارفه اكثر مني.
مراد/عارف بس المشكله ان كل ما بفكر في هديه بكتشف اني جبتها له قبل كده...،مثلا فكرت اني اجيب له ساعه..، بس تصدق اني اكتشفت اني جبت له اربع ساعات قبل كده.
قاسم/وايه المشكله جيب له الخامسه.
مراد/انت بتهزر يا قاسم.
قاسم/وانت عايزني اقول لك ايه...،ازاي في كل مره كنت بتجيب له ساعه.
مراد/مش عارف كنت بنسى ازاي...، على العموم سيبنا من ده دلوقتي فكر معايا اجيب له ايه.
قاسم/بصراحه مش مصدق ان مراد ملك الافكار ما عندوش فكره عن هديه ليه باباه.
مراد/وانا كمان مش عارف ازاي خلصت افكاري بالطريقه دي.
قاسم/اكيد في حاجه تقدر تجيبها له.
مراد/قلت لك ان كل الهدايا اللي فكرت اني اجيبها له اكتشفت اني كنت جايبها له قبل كده.
قاسم/كلها كلها.
مراد/آه كلها..،انت عارف اني كنت بجيب هديه لبابا في كل مناسبه.
قاسم/انت هتقول لي انت كنت بتجيب له هدايا حتي من غير اي مناسبه.
مراد/واضح ان مزاجك عالي أوي...،باين الفضفضه جابت نتيجه ولا ايه.
ضحك قاسم ثم قال/خلينا في موضوعنا قررت تعمل ايه.
مراد/قررت أمشي .
قاسم/استنى رايح فين...،انا هساعدك انك تلاقي هديه مناسبه لعمي.
ضم مراد قاسم ثم قال/كنت متاكد انك مش هتخذلني ابدا.
قاسم/انا مستحيل اخذلك ابدا انت أعز أصدقائي يا مراد....،بس..
مراد/بس ايه
أنت تقرأ
ماضي الإخوة (جاري تعديل السرد)
Genel Kurguنشاؤا معاً،وعاشوا في المنزل ذاته،ولكن رغم تقارب المسافات بين الأجساد كانت هناك مئات الكيلومترات بين القلوب... إلا أن حدث شيئ جعل أجسادهم تبتعد كما قلوبهم تماماً... وعندما يعود الزمن ليجمعهم ثانية كانت قد ماتت مشاعرهما تجاه بعضهما،وأصبح البرود هو الس...
