#الفصل 31#
انصدم الجميع من أن قاسم وتلك الفتاة يعرفون بعضهم،فقال هشام/هو انتوا تعرفوا بعض.
قاسم/اتقابلنا امبارح صدفة.
الفتاة/ودلقت عليه القهوة بالغلط،اسفة.
قاسم/انت لسه فاكره،خلاص الموضوع عدّي.
مراد/لحظة واحدة هو انتي شريكة هشام.
هشام/آه...،أعرفكم..،رقية الوالي شريكتي وأختي.
انصدم الجميع ثم قال مراد/أختك!
هشام/آه.
ثم مدّ قاسم يده ل رقية قائلا/أهلا وسهلا..أنا قاسم.
ثم مدّت رقية يدها وصافاحتهم ثم بدؤا الاجتماع.
🕳🕳🕳🕳🕳🕳🕳🕳🕳🕳🕳🕳🕳🕳🕳🕳
وبعد دقائق من بدا الاجتماع.
هشام/احنا كده مش هنعرف نتفق.
مراد/ماحضرتك مش عايز تقولنا انت عايز ايه بالضبط.
هشام/أنا قولتلكم إني عايز نتعاقد مع بعض في مشروع.
قاسم/المشكلة ياهشام ان المشاريع اللي انت بتتكلم عليها تخص ناس،ومش سهل أقولهم إني هيبقي في تعاقد بينا وبينكم علشان ننفذها،وخاصة ان معظهم هيخاف من الفكرة دي.
رقية/أنا شايفه انه معاك حق،لان فعلا اكتر العملاء بيخافوا يتعاملوا مع شريكتين كان بينهم منافسة،لانهم بيخافوا ده يأثر علي شغلهم والمشاريع الخاصة بيهم.
قاسم/تماما،ومش عملائنا بس اللي هيخافوا من الموضوع ده عملائكم كمان.
مراد/وبعدين انا مش فاهم لحد دلوقتي احنا ليه عايزين نمضي عقد شراكة مع إن مفيش مشكلة في أي واحدة من الشركتين.
هشام/أنا بالعقد ده بثبت للكل اننا مفيش مشاكل بينا،علشان لو حصلت مشكلة لاي واحد فينا مايحملوش التاني المسئولية،زي ماكان بيحصل الاول.
مراد/كده فهمت.
سكت هشام قليلا ثم قال/أنا عندي حل للموضوع ده..،انا عرفت ان انتوا داخلين في مشروع يخصكم انتوا بس.
مراد(بصوت منخفض)/ماكنت تقول من ساعتها انك حاطت عينك عليه.
ثم قال حازم ل هشام/قصدك علي المجمع السكني.
هشام/صح،انا بقول يعني لو اتعاقد معاكم فيه.
قاسم/اعذرني ياهشام،للأسف مش هينفع.
هشام/ليه بس المشكلة كانت في العملاء،والمشروع يخصكم يعني مش شايف مشاكل تاني.
قاسم/صح مفيش مشاكل بس الموضوع اني عايز المشروع يبقي تحت ادارة شركتنا من الألف إلى الياء ،يعني مش عايز يبقي في تدخل من أي شركة تانية.
مراد/وكمان احنا جهزنا كل حاجة، من عمال ومواد وغيره،فاضلنا بس التنفيذ،يعني مش هنستفاد بالتعاقد بأي شكل.
أنت تقرأ
ماضي الإخوة (جاري تعديل السرد)
Beletrieنشاؤا معاً،وعاشوا في المنزل ذاته،ولكن رغم تقارب المسافات بين الأجساد كانت هناك مئات الكيلومترات بين القلوب... إلا أن حدث شيئ جعل أجسادهم تبتعد كما قلوبهم تماماً... وعندما يعود الزمن ليجمعهم ثانية كانت قد ماتت مشاعرهما تجاه بعضهما،وأصبح البرود هو الس...
