ماضي الإخوة (جاري تعديل السرد)

ماضي الإخوة

#الفصل الثامن عشر#

جاء لقاسم اتصال هاتفي ورد عليه قائلا/إيه......قصدك إيه باللي أنت بتقوله ده.

ثم قال(بغضب)/أنت بتهزر يامراون،مش أنت قولت إنك حجزت لي في طيارة النهاردة......مش ممكن أستنى لحد بكره،المفروض أوصل لندن النهاردة....... أسفك ده مش هيفيدني بحاجه........ماشي بكره بكره بقى ما قدامناش حل تاني.....تمام...تمام،باي.

ثم أقفل الهاتف.

حازم/إيه اللي حصل يا قاسم.

قاسم/لسوء حظي مش هسافر النهارده.

مراد/بجد يا سلام على حظنا الحلو يا بابا.

حازم/رحلتك اتلغت ولا ايه.

قاسم/لا ما اتلغتش لأن ما كانش في رحلة أصلا،مروان اللي كان حاجز لي التذكرة ماخدش باله إن موعد الطياره بكره مش النهارده،ولما اكتشف اتصل بي علشان يقول لي.

مراد/ابقى عرفني على الراجل ده انا عايز أشكره بجد على غلطه الجميل ده.

قاسم/أنت بتهزر يا مراد،بسببه دلوقتي هضطر استنى لحد بكره.

حازم(بهدوء)/مراد معاه حق على فكره ده علشان حظنا الحلو،دلوقتي هتفضل معانا يوم كمان....،مراد دخل شنطة قاسم.

قاسم/لا يا مراد ما دخلش حاجة...،أسف يا عمي بس ماأقدرش أفضل هنا،وبصراحة كده ولا هما هيستحملوني ولا انا هستحملهم.

مراد/خلاص هتروح معانا بيتنا.

قاسم/لا يا مراد ما اقدرش أروح أقعد في بيتكم من غير ما تبقوا موجودين فيه.

حازم/لو كان بإيدي كنا روحنا معاك،بس النهارده بالذات ما نقدرش نروح ونسيب كل حاجه هنا.

قاسم/عارف يا عمي مش محتاج تشرح لي حاجه،انا مقدر أنكم عايزين تساعدوني بس انا مش محتاج حاجة بجد.

مراد/طب انت هتعمل إيه دلوقتي.

قاسم/حاليا أنا مخنوق فهستغل اليوم ده واتمشى شويه،وبعدين هروح هقضي الليلة في الفندق وخلاص.

مراد/طب انا هاجي معاك.

قاسم/لا ما ينفعش فايز محتاج لك اكتر مني دلوقتي.

حازم/لا ياقاسم مراد هيجي معاك،وفايز مش لوحده انا هفضل معاه والكل معاه،وعلشان تطمن مراد هيجي بالليل يقعد شويه وبعدين يرجع لك تاني.

قاسم/بس بالشكل ده مراد هيتعب

مراد/ولا تعب ولا حاجه،كله فداك يا عم.

سكت قاسم ليفكر قليلا ثم قال/ماشي خلاص هروح أنا ومراد وأمري لله.

حازم/كويس بس

قاسم/بس ايه...،ماأديني وافقت أهو.

حازم(بهدوء)/فاضل ليا عندك كمان موافقة بس.