#الفصل 26#
في المساء كان قاسم يجلس في غرفته يشرب قهوته ويقرأ كتاب وعندما كان مندمج في القراءة،وفجأة دخل عليه مراد وهو يقول/مساء الخير.
سكت قاسم قليلا ثم قال/مساء النور.
مراد/ايه القعدة دي.
قاسم/مالها.
مراد/مملة أوي.
قاسم/عجباني.
مراد/طب يلا قوم.
قاسم/ليه.
مراد/مش أنا قلتلك إني هروق عليك،يلا بقى علشان نسهر.
قاسم/ماشي،أقعد ونسهر مع بعض.
مراد/مااحنا هنسهر بس مش هنا بره،هاخدك مكان هيروق عليك علي الاخر.
قاسم/لا يامراد ماليش خلق أروح في أي حتة.
مراد/معندكش خيار الرفض،هتروح معايا يعني هتروح انت وعدتني.
قاسم/امتي وعدك إن هخرج معاك.
مراد/فاكر لما قلتلك إني هاقنع المستثمر مقابل أنك تنفذلي طلب.
قاسم/آه.
مراد/وقلتلك وقتها إني هقللك علي طلبي في الوقت المناسب، وهو ده الوقت المناسب،أنا اقنعت المستثمر وخليته يمضي كمان،فاضل دلوقتي إنك تنفذ وعدك ليا.
قاسم/يعني أنت خدعتني.
مراد/أنا ماخدعتكش،انت وعدتني إنك هتنفذ طلب ليا،أي كان الطلب ايه هتنفذه.
قاسم/ضحكت عليا وخلتني أوعدك،ودلوقتي بتستغل الوعد ده إنك تخليني أروح معاك غصب عني.
مراد/يعني تقريبا كلامك صح.
قاسم/تقريبا أه....،المفروض أعمل فيك ايه دلوقتي.
مراد/المفروض توافق تروح معايا لانك معندكش خيار غيره،ماتنساش إن عمرك ماخلفت بوعدك.
سكت قاسم.
فقال مراد/ياسيدي أنا أسف إني ضحكت عليك،أخر مرة أعملها.
قاسم/علي أساسا إني هسيبك تعملها فيا تاني،مستحيل إني أوعدك بحاجة مرة تانية غير لما اعرف انت عايز مني ايه بالظبط.
مراد/افهم من كلامك إنك وافقت.
قاسم/وهل قدامي خيار تاني.
فرح مراد ثم قال/ممتاز.
قاسم/استناني هنا بقي لحد ماغير هدومي.
مراد/لا استني،أنا عامل حسابي،خد.
أعطي مراد قاسم حقيبة كان يحملها في يده.
فقال قاسم/ايه ده.
مراد/دي هدوم .
قاسم/اعمل بيها ايه.
مراد/اشترتها لك وأنا جي علشان تلبسها وتروح بيها معايا،أكيد مش هسيبك تلبس من اللبس اللي عندك.
أنت تقرأ
ماضي الإخوة (جاري تعديل السرد)
General Fictionنشاؤا معاً،وعاشوا في المنزل ذاته،ولكن رغم تقارب المسافات بين الأجساد كانت هناك مئات الكيلومترات بين القلوب... إلا أن حدث شيئ جعل أجسادهم تبتعد كما قلوبهم تماماً... وعندما يعود الزمن ليجمعهم ثانية كانت قد ماتت مشاعرهما تجاه بعضهما،وأصبح البرود هو الس...
