ماضي الإخوة (جاري تعديل السرد)

ماضي الإخوة

#الفصل 41#

وصل فايز ومراد إلي بيت المحامي وقال لهم أحمد/هو ده البيت حضراتكم.

نزل كلاهما من السيارة وبقي أحمد في انتظارهم،واتجهوا نحو الباب وقاموا بدق الجرس والباب،وبعد لحظات فقد فتح رياض الباب وتفاجأ برؤيتهم أمامه وقال/فايز..مراد.

مراد/ازيك ياأستاذ رياض.

رياض/الحمد لله....اتفضلوا.

دخل الجميع وجلسوا ثم قال رياض/عاملين ايه.

فايز/الحمد لله.

رياض/بس ايه سر الزيارة المفاجأة دي،ده احنا بقالنا سنين ماشوفناش بعض.

فايز/بصراحة ياأستاذ رياض احنا جايين نسألك سؤال ونتمني تجاوبنا عليه.

رياض/اتفضلوا.

فايز/السؤال ليه علاقة بوصية والدي.

تغيرت ملامح رياض وتوتر.

مراد/احنا عايزين نعرف ليه عمي كتب الاملاك باسم قاسم مع إنه ماكنش بيحبه.

ظل رياض صامتا.

فقال فايز/احنا متأكدين إنك عارف السبب،لانك كنت محاميه وكمان كنت قريب منه جدا،فاأرجوك لو تعرف السبب ماتخفهوش علينا وقولهلنا.

رياض/أنا معرفش حاجة.

مراد/أستاذ رياض احنا بنترجاك تقولنا،لانه الموضوع مهم جدا بالنسبة لنا.

فايز/أرجوك قولنا ليه بابا عمل كده..ليه.

ظل رياض صامتا للحظات ثم قال/تمام هاقولكم كل حاجة.

فرح فايز ومراد بموافقته وبدأ رياض بالتحدث قائلا(بهدوء)/السيد سليمان كان محضر وصية غير دي وكان كاتب فيها كل حاجة باسمك يا فايز.

مراد/وايه بقي اللي خلاه يفكر يغيرها فجأة.

رياض/حضرته طلبني بعد مارجع من سفريته للندن وطلب مني أغير الوصية واكتب كل حاجة باسم قاسم.

مراد/وقالك انه قابل قاسم في سفريته دي صح.

رياض/مظبوط..بس أنت عرفت منين.

مراد/قاسم حكالي أنا وبابا وقالنا علي كل اللي حصل....،هو عمي سليمان عمل كده علشان اتأثر بكلام قاسم وندم علي اللي عمله معاه.

رياض/أنا سألته وقتها نفس السؤال بس هو قالي لأ..،قالي إنه عمل كده علشان شاف أد ايه قاسم ذكي وبارع في الاستثمار وقدر يمتلك مشروع كبير في فترة قصيرة،فهو فكر إنه يخليه يستلم إدارة الشركة ويسلمه كل الاملاك لانه هايقدر يحافظ عليها أكتر من فايز..،وقالي كل اللي بيعمله ده في مصلحة فايز لان قاسم مش بس هايقدر يدير كل شئ بكفاءة ده كمان هيحافظ علي فايز وعمره ماهيسيبه وهيفضل ماعيشه في نفس المستوي اللي اتعود عليه ويمكن أحسن كمان....،بإختصار السيد سليمان عمل كده علشان مصلحتك يافايز علشان يكون مطمن عليك،ماكنش قصده يظلمك.