#الفصل40#
مر يومين في الزيارت المتكررة لقاسم،ودخول الجميع في حالة حزن خاصة فايز الذي لم يخرج من البيت إلا الي المستشفي.
وفي المساء كان مراد في غرفته مستلقي علي سريره،جاعلا الغرفة معتمة تماما،حتي دخل والده عليه بعد أن طرق الباب وقام بفتح الأنوار واتجه اليه ورفع الغطاء عنه قائلا له/قوم..هتنام من دلوقتي.
مراد(ببرود)/وفيها ايه لو نمت من دلوقتي..،أنا معنديش حاجة أعملها،خلصت كل الشغل اللي عليا فقلت أنام....وبعدين أنت مش كنت عند قاسم.
حازم/آه لسه جاي من عنده.
مراد/طب ايه الاخبار.
حازم/زي ماهي.
ظل مراد صامتا واكتفي بهز رأسه مؤيدا.
قطع حازم الصمت قائلا/هيبقي كويس.
مراد/إن شاء الله.
حازم/يلا قوم كده.
مراد/عايزني أقوم ليه.
حازم/قوم اعمل أي حاجة بلاش كسل.
مراد/أنا مش عايز أعمل أي حاجة، أنا عايز انام بس.
حازم/لا ماتنمش من دلوقتي قوم أعمل أي حاجة...،قوم أسهر مثلا .
تفاجأ مراد وابتسم ابتسامة مليئة بالكسل ثم قال/هو أنا سمعت صح...،أنت دلوقتي بتقولي اروح أسهر..أنت يابابا.
حازم/آه أنا اللي بقولك.
مراد/غريبة..ده أنت كنت بتتخانق معايا علشان ماطلعش.
حازم/المفروض بقي تنتهز الفرصة اللي مش هتتكر تاني دي وتطلع.
مراد/لا ماليش نفس...أنا عايز أنام بس.
قالها هو يضع الغطاء علي وجهه،فشدّ حازم الغطاء منه وقال/كفاياك نوم بقي...ويلا قوم.
مراد/ماقلتلك مش عايز أسهر يابابا.
حازم/بلاش...،روح شوف فايز..،ماتخلهوش يقعد لوحده.
مراد/مش عايز.
حازم/هو أنت مش عايز أي حاجة كده.
مراد/آه.
شدّ حازم مراد بقوة قائلا/طب هتقوم وتروح لفايز.
مراد/ماقلتلك مش عايز يابابا.
حازم/ده مش طلب علشان ترفضه،ده أمر مني.
مراد/بصفتك والدي ولا مديري.
حازم/بصفتي الاثنين...يلا.
ظل مراد جالسا في مكانه وهو ينظر لوالده فصرخ حازم في وجهه قائلا/يلا.
فنهض مراد وهو يتذمر ويقول/حاضر حاضر..هاقوم.
نهض مراد من علي السرير وأخذ مفتاح سيارته وعندما كان يخرج من غرفته نادي عليه حازم وقال/أنت رايح فين.
أنت تقرأ
ماضي الإخوة (جاري تعديل السرد)
General Fictionشقيقان يعيشان في نفس المنزل ولكن لايرا بعضهما إلا نادرا،علاقتهم مضطربة جدا،لانهما لم يعيشوا معا لسنوات عديدة لذلك هناك مسافات بينهم،بجانب ان شخصياتهم مختلفة عن بعضهم،فمثلا الأخ الكبير متكبر ومغروره ومستهتر جدا،أما الاخ الصغير متواضع وهادئ ومنظم ومجت...
