#الفصل 25#
في المساء كان حازم يجلس مع ابنه مراد يتناولون العشاء في صمت تام،وفجأة قطع هذا الصمت مراد قائلا/قاسم عمل ايه.
حازم/في ايه.
مراد/هو اللي فيه ايه....،قصدي عمل ايه مع فايز.
حازم/هو ماقلكش.
مراد/لا ماقليش،أنا أصلا ماقعدش معاه النهارده غير في الاجتماعات وبس.
حازم/أه ماشي......،اللي حصل انهم اتعشوا مع بعض في المطعم وماحصلش أي مشاكل بينهم وماتخنقوش مع بعض.
مراد/طب كويس،كده علاقتهم هترجع زي الاول في أسرع وقت.
حازم/ماظنش.
مراد/ليه .
حازم/صحيح في تحسن في علاقتهم بس أعتقد انه مش هيدوم.
مراد/ليه بتقول كده.
حازم/لان ببساطة اللي بيعملو قاسم علشان يصلح علاقته بفايز مجرد حل مؤقت،كل محاولته في إنه يصلح علاقتهم ببعض ممكن تنجح لمدة قصيرة ولكن بعد كده هترجع المشاكل بينهم تاني،وده بسبب إنه لسه في حقايق مخفية بينهم،وانت عارف أنا قصدي علي ايه.
مراد/عارف..،قاسم بيعتذر من فايز علي كل أخطاؤه بس من غير مايوضح دوافعه اللي خلته يعمل كده.
حازم/المشكلة ان هو عايز يصلح اللي حصل من غير مايدخل سليمان في الموضوع،مش عايز يقول لفايز علي عمله سليمان معاه واللي خلاه يبقي كده،خايف إن فايز مايصدقهوش.
مراد/ماهو بصراحة معاه حق يابابا،فايز بنسبة كبيرة مش هيصدقه،لانه في نظره عمي سليمان حاجة كبيرة أوي.
حازم/بس المفروض يحاول علي الاقل يقله،مين عارف ممكن يصدقه.
مراد/قاسم بيجازف في أي حاجة حتي الشغل،إلا أي حاجة ليها علاقة بفايز،بيقف عنده وبيتردد كتير في أي حاجة ممكن يعملها.
حازم/لازم ياخد خطوة جرئية،مفيش حل غير كده.
مراد/يعني أنت شايف إنهم مش هيتصالحو إلا لما يعرف فايز باللي عمله عمي سليمان مع قاسم.
حازم/أه،أنا شايف إنه لازم فايز يعرف الحقيقة كلها،لان دلوقتي فايز شايف ان قاسم اتمرد عليهم وبعد عنهم من غير سبب،علشان كده لازم قاسم ياخد الرسك ويقول لفايز كل حاجة عن والده،من وجهة نظري مفيش حل لكل مشاكلهم غير ده.
🕳🕳🕳🕳🕳🕳🕳🕳🕳🕳🕳🕳🕳🕳🕳🕳
كان قاسم يجلس في الحديقة يمسك بجيتاره،يعزف الموسيقي ومندمج جدا،وظل هكذا لدقائق حتي سمع صوت سيارة،فقال لنفسه/أظن إن فايز جه.
ثم أكمل العزف ولكن فجأة توقف وترك مافي يده واتجه الي داخل البيت ونادي علي فايز،فتوقف فايز،ثم قال له قاسم/مساء الخير.
فلم يرد فايز عليه،واكمل قاسم كلامه قائلا/كنت عايز أتكلم معاك في موضوع يخص الشغل.
فايز/مش فاضي دلوقتي،خليه في وقت تاني.
أنت تقرأ
ماضي الإخوة (جاري تعديل السرد)
General Fictionشقيقان يعيشان في نفس المنزل ولكن لايرا بعضهما إلا نادرا،علاقتهم مضطربة جدا،لانهما لم يعيشوا معا لسنوات عديدة لذلك هناك مسافات بينهم،بجانب ان شخصياتهم مختلفة عن بعضهم،فمثلا الأخ الكبير متكبر ومغروره ومستهتر جدا،أما الاخ الصغير متواضع وهادئ ومنظم ومجت...
