الفصل#29#
دخل هشام المكتب ثم وقف مراد وقاسم.
هشام/السلام عليكم.
قال مراد وقاسم/وعليكم السلام.
هشام/أسف لأني جيت من غير معاد.
قاسم/اتفضل أقعد.
جلس الثلاثة ثم قال قاسم/جاي ليه ياهشام.
هشام/جاي في كل خير.
مراد/ومن امتي بييجي من وراك الخير.
ابتسم هشام ثم قال/من زمان بس المرة دي أول مرة يبقي الخير ليكم.
قاسم/ممكن تتكلم بوضوح أكتر وتقول ايه اللي جابك.
هشام/حاضر هتكلم بوضوح،بس قبلها ألف مبروك علي المناقصة.
قاسم/شكرا.
هشام/بص ياقاسم من غير لف ودوران ومن الاخر أن جاي في شغل،عايز يبقي في شغل بينا ونتعاقد مع بعض.
قاسم/ومن امتي كان في شغل بينا،طول عمرك منافس ليا،أو بالاصح المنافس الاول لينا.
هشام/مقدرش انكر ده،وبصراحة أكتر أنا عمري ماتخيلت أني ممكن أطلب حاجة منك زي دي،بس أحيانا الدنيا بتخلينا نضطر إن نعمل حاجات مكناش نتوقع إن نعملها.
قاسم/وايه اللي خلاك بقي تضطر تعمل كده.
هشام/تعبت...،تعبت من منافستنا لبعض،وحسيت إن الموضوع زاد عن حده،فقررت إني أنهي المنافسة اللي بينا والعداوة كمان.
مراد/أنت اللي بدأت بالعدواة ياهشام.
قاسم/وفضلت حاطتنا في دماغك وكنت عايز تدمر شغلنا.
هشام/صح،انتوا صح،بس دلوقتي أنا خلاص قررت أتصالح معاكم لاني تعبت.
مراد/تعبت من ايه بالظبط،من محاولاتك لتدميرنا،ولا تعبت من خسارتك قدمنا في المناقصات،ولا تعبت من كتر الصفقات اللي اخدناها منك.
قاسم/أنا فاكر أول يوم دخلت الشركة بصفتي المدير وكان أول خبر جالي وقتها كان عليك أو بالاصح تحذير منك،ووقتها قالولي إن هشام الوالي عايز يشتري الشركة،ومش هيسيبك غير لما ياخدها منك،وهيعمل المستحيل علشان ينفذ اللي في دماغه،ومن وقتها وانت بتحاول توقع الشركة علشان تاخدها.
هشام/وفشلت...،بعترف إني فشلت قدامك ومعرفتش أوقعك وأخد الشركة،انت كنت منافس صعب أوي،أنا عملت المستحيل وقتها علشان تستسلم بس فشلت،منعت كل البنوك إنهم يدوك قروض،ومع ذلك قدرت تسدد أول قسط،وبعدين قدرت تاخد قرض،وشوية شوية قومت الشركة من تاني،ومع ذلك أنا فضلت وراك علشان أوقعك بس للأسف من غير فايدة،وبعد كل ده في الاخير جيتلك.
قاسم/أنت عملت كل ده وبدأت المنافسة بينا من غير سبب ودلوقتي عايز تنهيها برده من غير سبب.
أنت تقرأ
ماضي الإخوة (جاري تعديل السرد)
General Fictionنشاؤا معاً،وعاشوا في المنزل ذاته،ولكن رغم تقارب المسافات بين الأجساد كانت هناك مئات الكيلومترات بين القلوب... إلا أن حدث شيئ جعل أجسادهم تبتعد كما قلوبهم تماماً... وعندما يعود الزمن ليجمعهم ثانية كانت قد ماتت مشاعرهما تجاه بعضهما،وأصبح البرود هو الس...
