الفصل#37#
رد قاسم علي جاسر قائلا/وأديني جيت.
جاسر/اتفضل ...المرة دي محضر نفسي لزيارتك..اتفضل ادخل.
دخل قاسم وتبعه جاسر بعد أن اغلق الباب،ثم قال جاسر/اتفضل أقعد لان قعدتنا هطول.
جلس كلاهما ثم بدأ جاسر بالكلام قائلا/أبدأ أنا ولا تبدأ أنت.
نظر قاسم لجاسر نظرة مطولة فقال جاسر/ماشي هبدأ أنا .
قام جاسر بإخراج علبة سجائر وأخرج منها اثنتان وعرض واحدة علي قاسم قائلا/اتفضل.
قاسم(بهدوء)/مابدخنش.
جاسر/جرب بس.
أخذ قاسم السيجارة من جاسر وألقاها بعيدا قائلا/قلت مابدخنش.
تخطي جاسر الموقف بابتسامة ثم قام بإشعال سيجارة لنفسه وبعدها بدأ بالتحدث قائلا/ماشي...هاأسمعك اللي أنت جي علشانه.
قاسم/انجز.
جاسر/حاضر....الحكاية بدأت من لما كان عندي ١٥ سنة كنت عايش أنا ووالدي ووالدتي بس،ماكنش عندي اخوات ولا صحاب ولا حتي قرايب فكنت تقريبا منعزل،المهم في يوم جه لوالدي فرصة عمل في الكويت وطبعا سافر وبدأ يشتغل ويتعب علشان يعرف يأسس لينا حياة هناك ويبعتلنا ونسافرله،وفعلا حصل ده في أقل من سنة،سافرنا واستقرينا هناك،وبعد سنتين تقريبا قدر بابا يفتح مصنع خاص بي لوحده وطبعا دي كانت بالنسبة لينا حاجة كبيرة...،المهم بعدها بفترة قرر بابا إني أسافر لأمريكا وفعلا سافرت علشان أدرس بس أول سنة سقط وعدت السنة تاني،بس قبل امتحاناتي بمدة قصيرة عرفت إن بابا فلس والمصنع اتقفل...،و طبعا دخلت الامتحانات سقط فقرر بابا إني أرجع لاني مش نافع في الدراسة وكمان هو مش هيقدر علي مصاريفي خلاص...بس أنا رفض إني أرجع وقلتله إني هاجتهد وأنجح وهاشتغل كمان وأصرف علي نفسي وهو وافق،وفعلا بدأت أشتغل بس هو شهر وتعبت ومابقتش قادر علي التعب والبهدلة دي،وفيوم كنت زهقان من المرمطة والحيرة اللي أنا فيها وكنت عايز فلوس ضروري فالقيت شريكي في السكن داخل عليا وحط محفظته علي الترابيزة ونام،فكرت شوية وبعدين قررت أنفذ اللي في دماغي وأسرقه..،أخذ الفلوس اللي معاه ولما سأل عنهم قلتله ولا عرف جايز انت صرفتهم ومش فاكر،كلمه مني وكلمه منه صدق اني ماسرقتش حاجة...،ولما لقيت الموضوع حلو أخدته هواية وبدأت أقلب أي حد قدامي.
سكت ثم قال/لحد مافيوم وصل أخوك الجامعه وكان مشهور أوي وقتها،فأحبيت أجرب معاه، وجربت وأقلبته في مبلغ حلو،ولما عرفت إنه مريش أوي قررت أقرب منه وأبقي صاحبه ويبقي هو بنكي،وكمان جربت مع مراد بس طلع واعي أوي وماقدرتش عليه..،وأخوك هو اللي طلع سهل وعرفت أضحك عليه بسهولة.
ثم قال/وبعدها حسيت اني مراد ده هايعملي قلق فقررت ابعده خالص،وخططت ونفذت وخليت أخوك يفكر إني مراد عايز يبعدني عنهم لانه مايحبنيش وبيتهمني ظلم،وفعلا أخوك صدق بسهولة،ونجحت إني أبعد أعز صحاب عن بعضهم...،أكيد مراد حكالك القصة كاملة.
أنت تقرأ
ماضي الإخوة (جاري تعديل السرد)
Fiksi Umumنشاؤا معاً،وعاشوا في المنزل ذاته،ولكن رغم تقارب المسافات بين الأجساد كانت هناك مئات الكيلومترات بين القلوب... إلا أن حدث شيئ جعل أجسادهم تبتعد كما قلوبهم تماماً... وعندما يعود الزمن ليجمعهم ثانية كانت قد ماتت مشاعرهما تجاه بعضهما،وأصبح البرود هو الس...
