الفصل#33#
عرف قاسم ان الشخص الذي يسحب المال من حساب فايز هو جاسر.
دق الباب ودخلت السكرتيرة بالقهوة بعد ان سمح لها قاسم ثم وضعتها وخرجت.
ثم قال مجدي/حضرتك تعرفه.
قاسم/آه بيبقي صديق فايز.
مجدي/كده فهمت ليه هو اللي كان بيسحب عالطول.
قاسم/ممكن تبعتلي الصورة دي.
مجدي/أكيد.
قام مجدي بإرسال الصورة لقاسم قائلا/وصلت.
قاسم/آه.
ظل قاسم ينظر للصورة للحظات ثم قال/هو امتي أخر مرة جه وسحب.
مجدي/امبارح.
قاسم/امبارح امتي بالظبط.
مجدي/يعني تقريبا الساعة ٢ بعد الظهر.
قاسم/سحب اد ايه.
مجدي/سبعين آلف.
قاسم/سبعين آلف!
مجدي/آه،وغير كده في مرات سحب فيها أكتر من كده أكان من البنك أو من أماكن تانية.
سكت قاسم قليلا يفكر ثم قال/فهمت.
مجدي/انا لما لاحظت اني الموضوع بقي غريب قلت لازم اقل لحضرتك وتعرف باللي بيحصل.
قاسم/أشكرك جدا لانك قلتلي.
مجدي/العفو.
قاسم/أنا عايز أطلب من حضرتك حاجة،عايز ملف بكل عمليات السحب اللي حصلت في المدة الأخيرة،ولو ممكن تسجيلات الكاميرات بتاعة البنك للوقت اللي كان بيجي فيه.
مجدي/ماشي مفيش مشكلة هابعتهم لحضرتك في أسرع وقت.
قاسم/تمام.
وقف مجدي وهو يقول/أنا لازم أستأذن دلوقتي.
وقف قاسم وصافح مجدي ثم قال/أشكرك مرة تانية..،مع السلامة.
مجدي/مع السلامة.
بمجرد ان خرج مجدي كلم قاسم السكرتيرة وقال لها/ابعتيلي شريف فورا.
اغلق قاسم الهاتف وبعد ثواني دق الباب وجاء شريف ثم قال/قالولي إن حضرتك طلبتني.
قاسم/آه،اقعد.
جلس شريف ثم قال له قاسم/في واحد عايزك تدورلي وراه،تعرفلي كل حاجة عنه،اسمه شغله عيلته كل التفاصيل،أنا معرفش بس غير انه اسمه جاسر هابعتلك صورته دلوقتي،اظن الموضوع مش صعب عليك.
شريف/ماتقلقش حضرتك في اقرب وقت كل معلوماته هتبقي عندك.
قاسم/وأنا واثق من كده،بس أهم حاجة ماحدش يعرف بالموضوع ده غير أنا وانت وبس،تمام.
شريف/تمام.
قاسم/صح،جاسر ده بيبقي صديق فايز اخويا علشان ماتتفاجأش بس.
أنت تقرأ
ماضي الإخوة (جاري تعديل السرد)
Художественная прозаنشاؤا معاً،وعاشوا في المنزل ذاته،ولكن رغم تقارب المسافات بين الأجساد كانت هناك مئات الكيلومترات بين القلوب... إلا أن حدث شيئ جعل أجسادهم تبتعد كما قلوبهم تماماً... وعندما يعود الزمن ليجمعهم ثانية كانت قد ماتت مشاعرهما تجاه بعضهما،وأصبح البرود هو الس...
