#الفصل 38#
اقترب فايز من قاسم وبدأ بالصراخ عليه قائلا(بغضب)/أنت ازاي تعمل كده في صاحبي،ازاي تتهمه بحاجة زي دي.
قاسم(بهدوء)/اهدأ يافايز علشان نعرف نتكلم.
فايز/أنا مش هاأهدا لحد ماتروح وتتنازل عن الشكوة وتطلع جاسر من السجن.
قاسم/أنا مستحيل أعمل كده..،جاسر مجرم ومكانه السجن.
فايز/جاسر ماسرقش علشان يبقي مجرم،أنت اللي اتهمته وسجنته ظلم.
قاسم/أنا ماسجنتش حد ظلم،جاسر مش بس سرق ده اقتل كمان وفوقيها كان بيتاج....
قطع فايز كلام قاسم قائلا/بطّل كدب بقي،أنت بتتبلي عليه ليه...،ليه عايز تطلعه مجرم قدام الكل.
قاسم/لانه مجرم فعلا يافايز.
فايز(بسخرية وغضب)/لا أنا صدقتك،جاسر بيسرقني وبيقتل كمان....،قتل مين بقي ليكون قتلك وأنا معرفش.
قاسم/انت بتسخر من كلامي دلوقتي مع إني دي الحقيقة...جاسر شخص خطير وطول الوقت ده كان بيمثل عليك إنه صاحبك وحبيبك علشان يستغلك.
فايز/كفاياك تُهم بقي،أنت عايز منه ايه،بتعمل فيه كده ليه..لتكون بتنتقم منه علشان هو اللي كان بيحذرني منك.
قاسم/يعني هو اللي كان بيحرضك عليا.
فايز/لا كان بيخليني أشوف وشك الحقيقي وأكشف كدبك عليا.
قاسم/وأنا امتي كدبت عليك يافايز.
فايز/من ساعة ماسكنت معايا وانت بتكدب عليا وبتمثل الطيبة علشان أصدق إنك اتغيرت،مع إن الحقيقة إن أنت لسه حقير وأناني زي ماأنت .
قاسم/فاكرني أنا اللي بمثل عليك مع إن الحقيقة صاحبك الي أنت جاي تدافع عنه دلوقتي هو اللي كان بيمثل ويضحك عليك طول السنين اللي فاتت دي،كان بيتسغلك علشان فلوسك وبس.
فايز/أنت بتزهقش من كل الكدب ده،ماتعترف بالحقيقة بقي.
قاسم(بغضب)/دي الحقيقة يافايز،جاسر شخص قذر وندل وأقدر اثبتلك كده كمان.
فايز/أنا مش عايزك تثبتلي حاجة،أنا كل اللي عايزه منك تيجي دلوقتي معايا وتطلع جاسر.
قاسم/وأنا قولتلك إني مستحيل أعمل كده.
فايز/ده مش طلب علشان ترفضه،ده أمر مني.
قاسم(بهدوء)/بصفتك مين بتأمرني.
سكت فايز للحظات ثم قال/بصفتي صاحب الشركة ومديرك.
قاسم/مديري....ماشي، بس برده مش هتنازل عن الشكوة...،ولازم تسمعني علشان تعرف الحقيقة.
فايز/أنا مش عايز اسمع كدبك...،أنا مستحيل اصدق أي كلمة هاتقولها.
قاسم/دي مشكلتك يافايز دايما بتقف جنب الشخص الغلط،ومابتفرقش بين الكدب والحقيقة.
أنت تقرأ
ماضي الإخوة (جاري تعديل السرد)
Misterio / Suspensoنشاؤا معاً،وعاشوا في المنزل ذاته،ولكن رغم تقارب المسافات بين الأجساد كانت هناك مئات الكيلومترات بين القلوب... إلا أن حدث شيئ جعل أجسادهم تبتعد كما قلوبهم تماماً... وعندما عاد الزمن ليجمعهم ثانية كانت قد ماتت مشاعرهما تجاه بعضهما،وأصبح البرود هو السا...
