#الفصل 24#
اتجه فايز نحو قاسم وقال له/كنت ماشي ولا ايه.
قال قاسم(هو يرفع هاتفه لفايز ليري مكالمته له)/لأ كنت طالع اتصل بيك بس.
فايز/أه ماشي.
قاسم/اتأخرت كده ليه.
فايز/الطريق كان زحمة.
قاسم/بس أنا جي من نفس الطريق.
فايز/معرفش،أنا لقيت العربيات واقفة علشان كان في اتنين بيتخانقوا،فضلت مستني شوية،وبعدين رحت من طريق تاني بس كان طويل.
قاسم/تمام،المهم إن أنت بخير، قلقت عليك.
سكت فايز قليلا ثم قال/نقعد.
قاسم/يلا.
جلس كل من فايز وقاسم علي الطاولة.
🕳🕳🕳🕳🕳🕳🕳🕳🕳🕳🕳🕳🕳🕳🕳🕳
ومع مرور الوقت كان فايز وقاسم يتناولان الطعام،ثم قال قاسم/المطعم الحلو.
فايز/لسه فاتح مابقلهوش كتير،دي تاني مرة أجي فيها.
قاسم/بس بجد حلو وكمان الأكل عجبني.
فايز/كويس إنه عجبك.
وبعد لحظات من الصمت.
قال قاسم/أن شبعت،الحمد لله.
فايز/وأنا كمان شبعت.......،تحب نطلب حاجة نشربها.
قاسم/ماشي.
فايز/لو سمحت.
جاء النادل قائلا/اتفضل.
فايز/عايز واحد اسبريسو.
قال النادل/تمام.
ثم قال لقاسم/وحضرتك سادة مش كده.
قاسم/بالظبط.
تفاجأ فايز.
ثم قال النادل/أي حاجة تانية.
فايز/لا شكرا.
ذهب النادل ثم قال فايز/واضح ان انت كمان مش دي أول مرة تجي فيها هنا.
قاسم/لا دي أول مرة.
فايز/أما ازاي هو عرف إنك هتطلب قهوة سادة .
قاسم/لأن ببساطة أنا طلبت فنجان قبل ماتيجي.
فايز/آه فهمت.
ظل صامتين لبعض الوقت ثم أحضر النادل القهوة وقال له قاسم/شكرا.
ذهب النادل وبدأ الاثنان بشرب القهوة ثم بدأ فايز بالكلام قائلا/أنا بصراحة مستغرب منك إنك لسه مافتحتش معايا نفس الموضوع.
قاسم/أنا عايز تبقي قعدتنا عادية،لاني عرفت إن كل مابنفتح الموضوع بنفضل نتجادل ونختلف في وجهات النظر وفي الاخر مابنوصلش لنقطة اتفاق.
فايز/يعني انت عايزنا ننسي الخلافات اللي بينا في القعدة دي.
قاسم/ياريت،وكمان ياريت نقدر نفتح صفحة جديدة..،أنا عارف إني الموضوع صعب بس بجد أتمني إنه يحصل.
أنت تقرأ
ماضي الإخوة (جاري تعديل السرد)
General Fictionشقيقان يعيشان في نفس المنزل ولكن لايرا بعضهما إلا نادرا،علاقتهم مضطربة جدا،لانهما لم يعيشوا معا لسنوات عديدة لذلك هناك مسافات بينهم،بجانب ان شخصياتهم مختلفة عن بعضهم،فمثلا الأخ الكبير متكبر ومغروره ومستهتر جدا،أما الاخ الصغير متواضع وهادئ ومنظم ومجت...
