#الفصل الحادي والعشرين#
في الشركة كان قاسم ومراد جالسين مع حازم بعد أن عايدوا بعيد ميلاده.
قال حازم/شكرا على الهدايا،بس أنا كبرت علي الحاجات دي.
مراد/كبرت ايه بس،دا أنت أصغر مني.
ابتسم الجميع.
ثم قال قاسم/المهم تكون عجبتك.
حازم/ايوه عجبتني...،بس ازاي عرفتوا ان كنت عايز اشتري اللوحه دي.
مراد/احنا عارفين انك بتهتم باللوحات ولما شفناك بتقرأ الجريدة يوميها قررنا نشتريها لك كهديه.
حازم/فهمت..،بس ليه جبتوا الساعه دي كمان.
قاسم/الساعه هدية مني يا عمي واللوحة هدية من مراد.
مراد/لا دي اللوحة هدية مننا احنا الاتنين يا بابا.
نظر كلا من مراد وقاسم إلى بعضهم وحينها قال حازم/ اتمنى اشوفكم دايما كده سند لبعض.
قاسم/ما تقلقش يا عمي من المستحيل نفترق انا ومراد.
حازم/وده اللي بتمناه.
وبعدها سكت حازم فجأه فقال مراد/سكت ليه يا بابا.
قال قاسم لعمه/أنت كويس.
حازم/أنا كويس بس عايز أطلب منك حاجة يا قاسم.
قاسم/أطلب اللي أنت عاوزه يا عمي أنا تحت أمرك .
حازم/من ساعة مارجعت من سفرك وأنا بسألك نفس السؤال كل فترة..،كل مرة كنت بتهرب مني ومابتجاوبنيش .
مراد/سؤال إيه..،أنت عارف هو إيه يا قاسم.
قاسم/آه عارف...،بس مش عايز افتكر اللي حصل.
مراد/ممكن تقولولي أنتوا بتتكلموا على ايه.
حازم/من ست ستين سافر سليمان للندن علشان يمضي اتفاقية شغل..،بس وقتها اتقابل مع قاسم.
مراد/إيه؟!
حازم/مش دي المفاجأه...،المفاجأة لما رجع سليمان من السفر لما سألته وقتها على اللي حصل ما جاوبنيش كل اللي قالهلي إنه تقابل مع قاسم في مطعم بالصدفة، ورفض تماما إنه يقولّي على اللي حصل بينكم، وقالّي وقتها إنه مش عايز يفتكر اللي حصل،علشان كده ما قاليش أي حاجه أنا مش عايز أتطفل عليكم،كل اللي عايز أعرفه ايه اللي حصل بينكم وخلى سليمان يتغير بعد ما رجع .
قاسم/اتغير.
حازم/أيوه اتغير..،سليمان اللي كان بيعيش حياته بكل تفاصيلها وما كانش بيخلي ثانيه تمر عليه غير لما يستمتع بيها،وما كانش بيحب يقعد لوحده،واللي كان دايما يحب يحضر سهرات وحفلات..،فجأة كل ده اتغير بعد مارجع...،بقي يقعد لوحده سرحان طول الوقت،ما بقاش يخرج ولا يروح لأي مكان من البيت للشركه والعكس،فوق كل ده كتابته لكل الأملاك بإسمك،كل ده خلاني عايز اعرف ايه اللي حصل بينكم ويخلي سليمان يوصل للحالة دي ويتغير للدرجه دي.
أنت تقرأ
ماضي الإخوة (جاري تعديل السرد)
General Fictionنشاؤا معاً،وعاشوا في المنزل ذاته،ولكن رغم تقارب المسافات بين الأجساد كانت هناك مئات الكيلومترات بين القلوب... إلا أن حدث شيئ جعل أجسادهم تبتعد كما قلوبهم تماماً... وعندما يعود الزمن ليجمعهم ثانية كانت قد ماتت مشاعرهما تجاه بعضهما،وأصبح البرود هو الس...
