كتاب الأمل 💜
الجزء 10
الحاضر 🔱
أصبحنا و أصبح الملك لله 🌤️
واقفة قدام البلاكار ديال الحوايج كتشوف فالكساوي او العابايات لي شرات جداد ، مزال مترددة من قرار تحيد الحجاب ، وخا باغيا تحيدو جاتها صعيبة
مدات يديها جهة عباية سوداء او جرات شال حتى هو أسود مع طالو فالشيبي ، لبسات او خرجات على برا هزات صاك بيج
خرجات على برا شدات طاكسي او عطاتو العنوان
________________
واقفة قدام باب ديال بتي فيلة كتنتاظر يتفتح الباب
فتحاتو امراة كانت كتبان فعمر مابين الأربعين او الخمسين لابسة سروال جينز او قميجة بيضة فايتة الركبة او دايرا زيف على راسها
ابتاسمات ليها ابتسامة عريضة ، كدل على فرحها بهاد الزيارة المفاجئة ، قربات عندها او سلمات عليها بلابيز
............. : مرحبا ببنتي أسماء ، زارتنا البركة ، (تمات غاديا قدامها) دخلي ، دخلي ، مرحباا بيك لاهيلا فرحتيني
أسماء(من وراها): ترحب بيك الجنة اخالتي ثرية
وصلو الصالون التقليدي لي كان مفرش بالرمادي او الأسود جلسات لالة ثرية ، او جلسات حداها أسماء
ثرية(بابتسامة): سولت عليك فرح بزاف ، كتقول ليا غير مامساليااش ، كنبغي نجي عندك ، ولكن انت عارفة ابنتي المشاغل
أسماء: ايلا ماجيتيش انت نجي أنا ، او بلا ماتعدبي راسك ، فأي وقت كان عندي خاوي غادي نجي نشوفك ان شاء الله
ثرية : مرحبا بيك(وقفات) انمشي نوصي الخدامة دير شي كاس ديال أتاي (شافت فالساعة لي فيدهاا او رجعات شافت فيها) فطرتي؟
أسماء: الصراحة لا (وقفات ) ولكن غير جلسي أنا نمشي نقول لنوال تعطيني الفطور مانعدبكش
ثرية(حطات يديها على كتفها كتجلسها): انت جلسي قالك ، انت ضيفة ، جلسي هانا نقولها تجيب ليك تفطري
هزات أسماء راسها او لالة ثرية مشات توصي ليها على الفطور
رجعات جلسات او بقات كتشوف قدامها او تحرك فصبعانها بتوتر
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
