كتاب الأمل 💜
الجزء 39
المساء 🌇
جالسة هي او فرح فبيتها او هي كتشوف قدامها فنقطة وحدة بلا حراك او فرح حداها كتشوف فيها بأسف حتى هضرات
فرح : واش غادي تبقاي فحال هاكدا أأسماء راك قطعتي ليا قلبي ، غير كولي على الأقل، النهار كامل او انت صايمة
أسماء شافت فيها : بان ليا غادي نهز لمدينة أخرى مايمكنش نخليه يوصل ليا ، بما أنه كيقلب عليا إذن جايب ليا شي واحد ثاني باغي يزوجني
فرح : عاد قلت زعما حياتك استاقرات او بداو بيبان الخير كيتفتحو عليك ، او دابا كتقولي باغيا تمشي لمدينة اخرى ، شحال قدك تبقاي هاربة ، الهروب ماشي حل
أسماء : عندك شي حل حسن منو
فرح : كون غير تزوجتي حتى لا جا ماعندو ما يصور منك
أسماء باستهزاء: فحال ايلا جا او انا ماقبلتوش
فرح قربات منها اكتر او هضرات كتشوف فيها باستكشاف: زعما ايلا جا تقبلي
أسماء شافت فيها : ايلا كان راجل قد الزواج
فرح هزات حاجبها : كيف كيجيك خويا عمار
أسماء هزات حجبانها بمعنى من نيتك : ماتقوليش ليا كتفكري تزوجيني بيه
فرح : او مالك زوين او خدام بيخير او حتى هو مايلقاش حسن منك ، زيد عليها فايت هضر معايا او سول فيك بان ليا باغيك ، فكري فالموضوع خويا عمار مافيه مايتعاب او يديرك فعينيه
أسماء نزلات عينيها : هو عارف بلي فايت مزوجة
فرح : غادي يتفهم الموضوع ، او انا بنفسي غادي نشرح ليه الموضوع
أسماء ياله غادي تجاوبها سمعات تليفون كيصوني جراتو من جنبها شافت الرقم او طلعات عينيها ففرح : هادي لالة راضية
رجعات عينيها لتليفون دوزات الخط او حطاتو على ودنها حتى كتسمع صوت راضية: فينك ابنتي خرجتي بلا علم او تعطلتي
أسماء تنهدات: انا عند صاحبتي الحاجة ماتشغليش بالك
راضية : وقتاش غادي تجي
أسماء شافت ففرح: غادي نبقى معاها هنا حتى تقاد الأمور بلا مانتقل عليكم
راضية بصرامة : سيفطي ليا العنوان غادي نسيفط ليك الشيفور يجيبك (قطعات الخط)
أسماء درات تليفون قدامها شافت فيه او رجعات شافت ففرح : مرض عاوتاني
فرح باستفهام : مالك
أسماء: قالت ليا غادي تسيفط الشيفور او قطعات عليا
فرح: صافي سيري بان ليا مامعاهاش النقاش
أسماء تنهدات او فتحات تليفون كتسيفط الكوليزاسيو او تهضر: هي كتحكم فالرجال بشلاغمهم او بغيتي تزگلني أنا (ضحكات) اولمااز
فرح ضحكات: ناري على أيام مع هاد التواركة
أسماء : انت لي بليتيني
قلبوها ضحك او شادين فبعضياتهم حتى تسمع صوت ثرية من التحت
ثرية بصوت عالي : نزلي ابنتي أسماء شي واحد كيسول عليك
أسماء شافت ففرح او قادات شالها او هزات تليفونها دارتو فصاكها عاد وقفات هي وياها ، بدات كتلبس فالطالون او كتشوف ففرح : نخليك ،حتى نمشي او نحاول نهضر معاها نجي نجلس معاك
فرح باستها: واخا
أسماء بدات كتمشى فتحات الباب حتى حسات براسها مشا او جا تكات يديها على الحيط موكية عليه حتى حسات مزيان عاد تحركات كتسد عينيها او تحلهم او كتحس بالدوخة ، نزلات التحت سلمات عليهم او خرجات ركبات مع الشيفور او شدو الطريق لقصر
بعد مدة دخلات الطنوبيل القصر حتى وقفات قدام الباب او هي نزلات كتمشى رجليها فاشلين عليها او كتحس براسها غادي طيح او الدنيا كضور بيها ، تفتح الباب او دخلات الداخل تاتبان ليها الضبابة على عينيها او كيبان ليها غير خيال راضية كتهضر او صوتها كيدوز فحال ريح من ودنها كتحس بيها فحال ايلا كدوي وسط بير غارق ، زادت خطوة القدام كتحاول تكابر على الأقل غير توصل الجناح او تكى، مي مجات تكمل الخطوة حتى ارتاطم جسمها مع الأرض بجهد خلا الكل يقفز من مكانو
هاهوا بان باها عاوتاني ياله نشوفو لاش جاي حتى هو ، او نلاقيو نيت دوك الجوج او نجريو على فدوى 😌 ايه او فرح حتى هي نلاقيوها مع حب قلبها لي هو حب قلبي 😂، شاخدة يا بنات الحاج شاخدة خاص غير تبقاو حتى انتوما شادين معايا او بغيت الحمااس ، نرونوها القصة عاد بدات ، نزوجو دوك الجوج باش نحضرو على الغيرة ديال بصح او الرومانسية نشوفو تا هاد عقاب واش فحال سليمان اولا شي ثلجة 😂😂 فنظركم ثلجة اولا رومانسي امم ؟؟ رأيكم ازوينات فالتعليق
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
