كتاب الأمل 💜
الجزء 107
يوم جديد 🌤️
دخلات الطنوبيل ديال عقاب القصر او نزل منها ، شاف فالكارد او هضر : حل داك الباب
الكارد هز براسو او مشى فتح الباب عاد داز عقاب الجيهة الثانية حل على أسماء لي كانت ناعسة ، دار يديه تحت منها او هزها او سد الباب برجليه عاد تمشى جيهة الباب دالقصر دخل او طلع بيها نيشان الجناح حطها او حيد الطالو لي فرجليها او حتى الشال
خرج من تما ساد موراه الباب او هي تبان ليه فدوى واقفة قدام باب بيتها تمشى جبهتها او هي قربات منو باستو فحنكو او شدات فدراعو
فدوى : توحشتك ملين جيتي من فرنسا ماطليتي عليا او حتى لبارح مابتيش هنا
عقاب تمشى او هي باقيا شادة فيه : ليوم ان شاء الله نكون عندك ، عقلي مشطون شوية
فدوى ابتاسمات او مشاو حتى نزلو التحت نيشان الصالون فدوى دخلات جلسات او هو شاف فيهم او ركز بعينيه على ياسين لي كان شاد التليفون كيبقش فيه مامسوقش للعالم
عقاب : ياسين
ياسين طلع فيه عينو مكتافي بالصمت او عقاب حرك ليه عينو بمعنى اجي ، هو الشد التليفون طفاه او دارو فجيبو او تمشى جيهتو حتى وصل عندو او هو يلوح ليه عقاب يدو فحال ايلا معنقو او تمشى بيه طالع فالدروج
عقاب: نمشيو نطلو على رنيم او نشوفو قرارها
ياسين بهدوء: كون جبتي معاك العدول
عقاب شاف فيه بنص عين او جر يديه دارها فجيبو او كمل طريقو حتى وصل لبيت رنيم فتحو او بدى كيضور عينيه تبان ليه حتى خرجات من الدوش لابسة بيجامة ديال الدار عبارة على كولون او ديبادو فالغوز او شعرها مجموع كعكة مهملة ، شافت فيهم بعينيها لي كانو حمرين بسباب انها بكات الليل كامل ، نزلات راسها او تقدمات عندهم ، عقاب او ياسين جلسو على المطربة او هي جلسات على طرف السرير كتشوف فعقاب او حسات بدومعها ثاني غادي ينزلو ، مي كابرات حابساهم
عقاب : جيت نعرف شنو قرارك
رنيم عضات شفتها او شافت فياسين لي كان كيشوف فيها بهدوء او رجعات شافت فعقاب او تكلمات بصوت مبحوح
رنيم : ماغاديش انتزوج بيه ، او لي وقع غادي ننساه ، ولكن بغيت نبقى معاكم هنا
ياسين وقف من بلاصتو مخنزر: من نيتك انت علاش درتي داكشي كامل ،واش انت حمقة فراسك ، انت فتي التبرهيش اللهيه واش حنى كنبانو ليك كنلعبو هنا
رنيم شافت فيه او رجفتها زادت: درنا بجوج ، كنعتارف غلطت او ماباغياش نعاود نغلط او الزواج بيك ماعندوش باش نافع
ياسين تمشي جيهتها كيتهز او يتحط بالأعصاب حتى ولا قدامها او هي طلعات فيه عينيها مغشيين بالدموع ، كان ناوي يغوت فوجهها ولكن ملين شاف خوفها او ديك الرجفة لي فشفايفها ،ملامحو طلقو او فحال ايلا حس بقلبو تزير عليه ، هي عاود نزلات عينيها الأرض او كتسنى فيه يبدى يغوت حتى شافت خطواتو كيبعدو عليها ، خرج او زدح الباب موراه حتى قفزات او نزلو دموعها مسرسبين
عقاب شاف فيها : علاش مابغيتيش تزوجي بيه
رنيم شافت فيه او هو هز حاجبو فحال ايلا عارف اش كيضور فراسها او كيقولها بعينيه غير قولي ماغاديش تدوزيها عليا ، بلعات ريقها من نظراتو او تكلمات بتوتر
رنيم : قلت نخليه هو يجي يقول ليا تزوجي بيا ، مابغيتش انتزوجو على أساس غلطنا حينت حاسا بلي التعامل ديالو معايا غادي يكون خايب او غادي تبقى على كتافي اني انا لي درت كلشي او بززت راسي عليه
عقاب ابتاسم: كون خدمتي هاد العقل قبل ماديري هادشي
رنيم كتشوف بطرف عينها فحال شي قطيطة او حشمانة : خالتي مريم لي قالت ليا هادشي
عقاب ضحكاتو : دابا كون ما خالتك مريم كون راك زبلتيها تاني
رنيم عضات شفتها باحراج او سكتات او هو عاود هضر عجبو هاد اللعب لي غادي يديرو الياسين قال يعاونهم
عقاب: بعد غدا نجيب ليك شي واحد يخطب نشوفو واش غادي ينزل زنافرو الارض او لا غادي يبقى مطلعهم الفوق
رنيم ابتاسمات: شكرا
عقاب وقف من مكانو او دوز يديه على شعرها بحنية : حسبتك ابنتي ، مابيناتناش شكرا ، اولا احتاجيتي شي حاجة انا هنا
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
