كتاب اللامل 💜
الجزء 71
رجع عاونها ركبات او طلق ليها الخيل ديالها او ضار هو ركب فالخيل ديالو او رجعو مع ديك الطريق ، أسماء كل مرة تشوف فعقاب او تبتاسم بينما هو حاضي الطريق لي غادي فيها بهدوء
مارجعو حتى كان الظلام طاح ، رجعو الخيل لبلاصتو او أسماء سدات عليه او بقات كتشوف فيه او دوز عليه بيديها حتى كتحس براسها تهزات من على الأرض
أسماء شافت فعقاب : خلعتيني
عقاب شاف فيها او جر ليها شفايفها بمصيصة بلاما يهضر او هي ضورات يديها على عنقو غادي تموت بالفرحة ......... دخلها البيت او لاحها على السرير لي كان فيها او هو يبدى يحيد فحوايجو او كيشوف فيها او يهضر
عقاب : ليوم نخرج فيك ديك التقوليبة لي درتي ليا
أسماء خلعها بهضرتو ولات كتفتف: حشومة عليك مادرتهاش بلعاني
عقاب مجاوبش على هضرتها حدو طلع على السرير او جا فوقها
يوم جديد 🌤️
من داخل الغرفة لي فيها عقاب أو أسماء ، شمس دافية ضوات البيت خلات أسماء تبتاسم او تفتح عينيها ، شافت فيد عقاب لي مليوحة عليها او زادت ابتسامتها عراضت او هزات يديها كتدوزها على لحيتو الخفيفة حتى فيقاتو
عقاب عاقد حجبانو معنكش من حركتها او تكلم بصوت بااح: رصاي
أسماء جرات يديها او ناضت جالسة ، شدات ليزار من الراس جاراه عليه او لواتو عليها خلاتو يخنزر
عقاب: تسطيتي
أسماء ناضت كتمشى جيهة الدوش او كتعوج قدامو : بنادم تايقول صباح الخير او انت (عوجات فمها) كتقول رصاي ، غير لي بغا يضحك معاك
مجات تكمل كلامها حتى ترفعات من الأرض من طرف عقاب
عقاب كيشوف جيهة الدوش: كضسري
أسماء شافت فيه كضحك او تعوجو : ملين تكوني قدامي وزني هضرتك (تشتات بالضحك) كون قالو ليا غادي انتزوج بيك كاعما انتيقهم
عقاب دخلها الدوش او حل الماء كيعمر الجاكوزي او كيشوف فيها بنص عين او تكلم باستهزاء: مكنسلمش على الرجال ، يديك ماخلتينا نقيسوها ، هاني وليت كنقيس شي حوايج اكتر
أسماء مرگها ندمات لاش هضرات بدات غير كتبرقق فيه عينيها او هو ميك عليها كيشوف فالجاكوزي حتى عمار ، دار فيه لي پرودوي او نزل الشورط لي كان لابس عاد دخل وسطو او شاف فيها مزال كتشوف فيه
عقاب : ياله
أسماء هزات حاجبها : حتى تسالي
عقاب هز يدو بحركة اجي او هي تمشات جيهتو ، جرها من يديها لعندو حتى دخلها وسط الجاكوزي جالسها قدامو
بعد مدة خرجو من الدوش أسماء لابسة بينوار او عقاب مضور غير فوطة على خصرو ، جر حوايج بدا كيلبس او أسماء جالسة على طرف السرير كتشوف فالأرض حتى سالا او شاف فيها
عقاب : نوضي لبسي
أسماء طلعات فيه عينيها : كنحس بالألم (عضات شفتها او دموعها بداو نازلين )
عقاب قرب منها متوشي: ياكما فورصيت عليك
أسماء : عييت فيك غير بشوية ، ليل كامل مانعسنا او دابا مكمل عليا فالدوش ، كنحس براسي ماغاديش نقدر على شي علاقة اخرى
عقاب جلس قمازي او بدى كيمسح ليها الدموع لي فعينيها : مكنسمعكش اأسماء ، نرجعو او نمشيو عند طبيبة تعطيك شي حاجة تخفف عليك ، صبري واخا
أسماء هزات براسها او سكتات او هو مد ليها الحوايج لي جات لابسة ، لبساتهم او هي جالسة
او عقاب جبد تليفونو لي كيصوني مجاوب : الو (هز حاجبو) اشنو كتقول ......../ صافي قطع شوية او هانا عندك
عقاب شاف فأسماء لقاها لبسات: نوضي نمشيو شي مشكل تاني
السعادة مابتدوم يا حبايبي ، و أيام الباروك قربات تسالي عند أسمااء 🙂
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
