كتاب الأمل 💜
الجزء 87
(الحوار بالفرنسية)
الفرنسي بخوف او عينيه بداو كيتحركو بسرعة وسط القاعة: علاش اسي عقاب
عقاب نزل عينو المحفظة او جبد البيسي حاطو على البيرو عاد جبد الملفات لي كان كيتجاوز عددهم عشرة ، حركهم بيديه او جبد واحد منهم عاد طلع عينو او تكلم
عقاب: شحال او انت خدام هنا
الفرنسي: سنيتين
عقاب: شنو خدمتك
الفرنسي بلع ريقو الأسئلة ديالو بهاد الطريقة جابت ليه التوتر: مكلف بالفلوس لي كتدفع للمشاريع
عقاب ابتاسم ليه ابتسامة خاترة:شحال خرجتي ديال الفلوس للمشروع لي فكولمار
الفرنسي بدى كيقرق فعينيه او سكت مجاوبوش ، او هو يدفع ليه عقاب ملف او تكلم
عقاب: هادا قراه او اختار يا ترجع الفلوس البلاصتها يا تكمل حياتك فالحبس ( وقف) غدا اجتماع فنفس الوقت (ركز الشوفة فبنت كانو ملامحها سمرة شوية او شعرها أسود كتبتاسم) نشوفو شكون غادي نطردو هاد المرة
تحرك من مكانو او خرج مخلي شي كيشوف فشي لي داير شي حاجة غادي يحاول يصلحها باش مايتطردش من خدمتو
بينما هو خرج او تمشا مع الكولوار او كيخاطب الكارد لي جنبو : تسجيلا الكاميرا لي فمكتب أنجيليك بغيتهم عندي اليوم
الكارد : واخا اسيدي
خرج عقاب من الشركة او هاد المرة ساق الراسو حتى وصل الفندق خلا الطنوبيل للكارديان يبلاصيها او طلع نيشان السويت ديالو دوز البطاقة او دخل كيقلب بعينيه كيقلب على أسماء لي مابانتش ليه فوق السرير ، سد الباب او بدى كيتمشى حط المحفظة على الفوطوي او داز الدوش قلبو مالقاهاش او حتى فالدريسينغ ، عاد مشا كيطل على البالكو كتبان ليه جالسة على أحد الكراسي لي تما او كتشوف جيهة برج ايفل ، شاف فحوايجها لي كانو عبارة على سروال أسود او كاپيتشو فنفس اللون او دايرا القب ديالو على شعرها بلا زيف ، عاد تمشا جيهتها ، جر كرسي او جلس عاد او هي تنتابه ليه
أسماء: جيتي دغيا
عقاب كيشوف فيها: مابغيتش نخليك بوحدك أجلت مواضيعي ليوم آخر
أسماء هزات براسها : انت جيتي على وديت خدمتك ماديرش بالك معايا(ابتاسمات) مولفة الجلسة بوحدي
عقاب سكت ماردش على كلامها او هي رجعات كتشوف قدامها حتى سمعاتو تكلم
عقاب: ماتبغيش تخرجي
أسماء شافت فيه بفرحة: ايلا كنت ماغاديش نبرزطك
عقاب وقف: نوضي لبسي حوايجك او شي مونطو الجو بارد برا
أسماء حدها هزات براسها او مشات البلاكار فتحاتو كانت ديجا قادات الحوايج فيه او جبدات جيپ فالأسود او بودي معاه او من الفوق جاكيط ديال الكوير طويلة شوية ، عاد جبدات پتي بوت بطالون او شافت فعقاب او تكلمات او هي كتشوف فحوايجو
أسماء: غادي تخرج هاكدا
عقاب: اه
أسماء رجعات كتشوف فالبلاكار: حوايج الخدمة بوحدهم او حوايج الخروج بحدهم
جبدات ليه سروال جينز او تجاكيط پارا باللونين الشيبي او البلو مارين حطاتهم على السرير او بدات كتلبس
بينما هو ملين شافها حطات ليه حوايج تنهد او هزهم بدل عاد خرجو مع بعضهم هي شادة فدراعو او كتقرقب بطالونها مخلية الأنظار تابعاهم حتى خرجو على برى ، ركب هو فمكان السائق او هي جنبو او ديمارا الطنوبيل
عقاب: فين تبغي نمشيو
أسماء شافت فيه: فينما بغيتي انت
عقاب كيشوف فالطريق: اش بان ليك تشوفي باريس من الفوق
أسماء هزات براسها: واخا
من بعد هاد الحديث ساد الصمت طول الطريق حتى سطاسيونا السيارة قدام دروج كتاار ، نزل او هي جنبو مطلعة عينيها كتشوف الفوق كيبان ليها بنادم قليل تما كيطل او رجعات شافت فعقاب لي مد السوارت للكارد يحط الطنوبيل فالباركينغ او أسماء شدات فدراعو او مشاو دخلو مع واحد الباب ، ركبو فالسانسور حتى طلع بيهم الفوق او توقف او تفتح كتشوف تصميم غريب خليط بين الحضارة الفرنسية او العربية ، حتى خرجو من باب كيبان ليها سور طويل فيه بعض الناس كيطلو
تمشات مع عقاب حتى وصل لسور او هي جنبو بدات كطل المنظر من الفوق خيالي ، او كيبان افضل من المنظر او انت فالأرض او فوسط تأملها تسمع صوت موراها كان كينادي بإسمها ولكن فنفس الوقت فحال ايلا لي كينادي مامتأكدش او هادشي ظاهر من نبرة صوتو
............ : أسماء
أنت تقرأ
كتاب الأمل 📖مكتملة📖
Romansa💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
