كتاب الأمل 💜
الجزء 41
راضية ضحكات باستهزاء: انت لي مقصر فحق نفسك او كظلم راسك ، مامرتاحش معاها علاش مزال مطولين ، كل واحد يشد طريقو أولدي ، او انا متأكدة أسماء هي لي غادي تريح بالك او غادي تحس معاها بلي راك مزوج بصح ، اما هاديك غير مضيع حياتك معاها
عقاب تنهد او وقف من بلاصتو ، دار يديه فجيابو او تما خارج من البيت بلا مايجاوب على كلامها ، تسد الباب من طرفو او راضية لي كانت متبعة ليه العين رجعات كتشوف فأسماء او كتحرك يديها بشوية على وجهها
راضية بابتسامة: واخا راسو قاصح غادي انقنعو
حطات يديها على الشال ديالها كتفكو ليها او كتفكر كيف تقنع عقاب او ماتخلي ليه فين يضور
يوم جديد 🌤️
فتحات عينيها بصعوبة او هي كتحس بمعدتها كتغوت او داك الضو لي جاي من السرجم مديرونجيها ، تقادات فالجلسة او شافت فراسها كتلقى بلي مزال بعبايتها غير شال لي محيد او شعرها الأسود مطلوق على كتافها، ضورات عينيها فالبيت هاذا ماشي الجناح لي عطاوها ، بدات كتعلى وجهها علامات الاستغراب ، اش واقع
خرجات من الفراش او حطات رجليها على الأرض باش توقف او بدات كتمشى وسط البيت كتقلب على شي صندالة تلبسها ساعة مالقاتهاش ، رجعات جلسات فبلاصتها او بدات كتشوف فالباب مخسرة ملامح وجهها
أسماء:قتلني الجوع فين هاد المرض ديال الصندالة
تنهدات او هي كتشوف فجنابها او هو يتفتح الباب او دخل عقاب لابس سپور عبارة على سروال توب رمادي او تيشرط بيضة مع سپادري ، سد الباب او شاف فيها كانت مزال كتشوف فجنابها ماسمعاتش الباب ملين تحل
عقاب باستغراب: وقتاش فقتي
أسماء قفزات او شافت فيه : مكتعرفش الدق فالباب (جرات ليزار حطاتو على راسها) كون كنت فشي وضع ماشي حتى اللهيه
عقاب : عند بالي باقيا ناعسة
أسماء هزات براسها : مرة اخرى الله يرحم باك دق قبل مادخل ، خصوصا ملين يكون البيت فيه انا
عقاب تنهد : كتحسي براسك مزيان
أسماء : الحمد لله علاش
عقاب تما خارج: نوضي تفطري
أسماء وقفات او دوات بصوت مرتافع : وا فين شال ديالي او طالون
عقاب او هو غادي: دابا يجيبوهم ليك
رجعات جلسات مدة عاد جات الخدامة هازة فيديها عباية اخرى فالأسود معاها شال او طالون فالأحمر ، مع ملابس داخلية ، هزاتهم او دخلات دوشات عاد لبساتهم او خرجات من البيت كتضور فعينيها حتى خرجات خدامة من البيت لي جنبها
أسماء شافت فيها : اختي ديني لصالا مونجي راه ماعرفتش الطريق
الخدامة هزات ليها براسها او تحركات قدامها او هي موراها حتى وصلو لصالا مونجي ، كان كلشي مجموع ، جرات كرسي جنب فدوى او جلسات
أسماء: صباح النور
راضية بابتسامة: صباح النور ابنتي ، كي صبحتي مزيان
أسماء ابتاسمات: الحمد لله
ياسين شاف فيها : ماحاساش بشي دوخة
أسماء شافت فيه باستغراب: لا الحمد لله
ياسين هز براسو او باشر فأكلو
او حتى أسماء بدات فماكلتها ، هبطات راسها ماطلعاتو حتى حسات براسها مابقى عندها فين تزيد ضورات عينيها عليهم ، لقات كلشي كيشوف فيها او هي تهضر مستغربة
أسماء: شنو كاين
راضية ضحكات: بشوية عليك
أسماء ضورات عينيها باحراج : ماكليتش البارح هادا هو السبب
راضية ابتاسمات: بصحتك ابنتي ، كنت خايفة غير توحل ليك
*يتبع
أنت تقرأ
كتاب الأمل 📖مكتملة📖
Romantik💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
