كتاب الأمل 💜
الجزء 78
انضمو ليهم الكل منهم فدوى لي كانت كتاكل او الابتسامة على محياها خلات راضية تبدى تشك بلي عندها يد فهادشي لي واقع بين أسماء او عقاب
أسماء سالات ماكلتها او ناضت بلا كلام ، مشات هزات صاكها او ركبات فالطنوبيل الوجهة الكتاب
من بعد الفطور جالسة راضية فجناحها او قدامها خدامة
راضية: دابا تنزل عندي فدوى ، سربي خلاص
الخدامة هزات براسها او مشات ، بعد مدة دخلات فدوى كتبتاسم سدات الباب او تقدمات عندها
فدوى : مدام راضية محتاجاني
راضية وقفات بصمت او تقدمات عندها حتى وصلات ليها او هزات يديها قاجاها من رقبتها او هضرات مزيرة على سنانها
راضية: شنو درتي
فدوى كضرب ليها على يديها : طلقي او نهضرو بالعقل
راضية طلقاتها بالنفضة او فدوى عاود تكلمات او هي كدوز يديها على رقبتها : علاياش كتهضري
راضية هزات فيها حجبانها : تهضري او لا نقولهم ينزلوك لاكاب
فدوى خرجات فيها عينيها : انا ماعارفاش حتى اشنو درت
راضية هزات يديها او طلقاتها ليها مع وجهها حتى ضار : هضرييي
فدوى شافت فيها شادة فحنكها او الشعر نازل على وجهها : شرحي ليا اش درت بعدا
راضية جراتها من شعرها لعندها حتى غوتات او هضرات بين سنانها: علاش عقاب مبعد على أسماء
فدوى بدات كتبكي : تيقيني مادرت ليهم والو
راضية زادت جرات شعرها اكتر: انت بالضبط مافيك تيقة (طلقاتها) نهار نلقى بلي هادشي لي واقع بسبابك (هزات صبعها بتحدير) كنحلف ليك تباتي ماتصبحي ابنتي فدوى ، دابا خخرجي عليا
فدوى خرجات كتقاد فشعرها او تحك فحنكها : واخا فيك العقروشة انتهنى من هاد القح**بة او انتوالى بيك ،نسيفطك القبر بنتي ليا طولتي فالدنيا
الليل 🌑
مجموعين فالصالون كل من راضية او سوسن او جنبها ياسين او نبيل عاد قدامهم مريم او أسماء جنب بعضهم او من الطرف لاخر فدوى بوحدها ، حتى دخل عليهم عقاب لقى السلام او مشى نيشان جيهة فدوى جلس جنبها بلاما يعطي أهمية لأسماء لي كانت متبعاه بعينيها كتسنا واخا غير نظرة منو تطفي النار لي شاعلة فقلبها ، مي للأسف خاب ضنها او حسات بالدمعة وحلات فشفارها ، مريم ضورات ليها عينيها كتحسر او شافت فعقاب لي جالس فبلاصتو يديه شابكهم قدامو او كيرجفو بطريقة غير عادية او منزل راسو الأرض
مريم : مالك اولدي عقاب
عقاب شاف فيها كيحاول يتجنب الشوفة فأسماء: حاس براسي ماشي مزيان
أسماء وقفات من بلاصتها مفزوعة : ياكما مريض
عقاب طلع فيها عينو ماجاوبهاش حدو رمقها بنظرة باردة خلات قلبها كيرجف او رجع عينيه الأرض او رجفتو زادت اكثر خلات أسماء تزيد تخلع اكثر او هضرات هاد المرة بخفوت: عقاب راك ماشي مزيان ، خلي نشوفو الطبيب
عقاب وقف من بلاصتو او هو مزال كيرجف او شاف فيها عينيه حمرين دم خلا قلبها يمشي او يجي او هضر بعصبية : سكتي صوتك كيضرني فعضامي سكتي (كيغوت بحر جهدو حتى كتقفز) ، شوفتك كتنيرفيني (اسماء بدات كتبكي او هو دار يديه على ودنيه كيحس بشي ألم فراسو او سد عينيه كيهضر مزير على سنيه) سكتي هادشي كيضرني (غوت حتى قفز كلشي اوخلا صوتو كيعاودوه جدران القصر ) قلت سكتي هادشي كيضرني ، حيد يديه من راسو او هو كلو كيرجف بهستيرية او شاف فيها بحدة : حيدي من قدامي الشوفة فيك كتخليني انتعصب، قلت حيدي
أسماء هزات يديها بحركة كتحاول تهدنو : واخا انا غاديا غير تهدن ، واخا !!
خرجات كتزرب او هو تنهد او رجع جلس مخلي كلشي كيشوف فيه على وجههم ملامح الاستغراب او هو رجفتو باقيا ملاحقاه او كيحس بعقلو او قلبو متضاربين ، او داتو كتعگرو او معارفش السبب
بينما راضية شافت فمريم او هزات ليها حاجبها باش تبعها او ناضت من بلاصتها نيشان لجناحها ، دخلات عندها مريم او سدات الباب كتشوف فيها او هي جالسة على طرف السرير
راضية كتشوف فيها مصغرة عينيها: واش شكيتي فلي شكيت فيه
مريم بلعات ريقها: زعما تكون دايرة ليهم شي حاجة
راضية بدات كتشوف فالأرض بتفكير او تكلمات: عقاب ماغاديش يبغي راقي باش نعرفو أش عندو (هزات فيها عينيها) عندك شي حل
مريم : ايلا كانت موكلاه نخليوه غير يرد
راضية : وا سيري قادي شي كاس ديال الزعتر بيديك او سيفطي شي خدمة تجيبو عندي هنا
مريم هزات براسها او خرجات ، بعد مدة دخل عقاب عندها الجناح غير وصل جلس على الفوطوي حاس برجليه فاشلين عليه او مهلوك عاد طلع فيها عينو كيهضر مسهوت: بغيتيني الحاجة
راضية كتشوف فيه باستكشاف: بنتي ليا مريض سيفطت مريم تصاغب ليك شي حاجة غادي تولي مزيان
عقاب : شنو غادي تصاغب
راضية سكتات مجاوباتوش او هي دخل مريم فيديها الكاس شافت فعقاب او مداتو ليه او هي تهضر راضية : شرب
عقاب شد الكاس كيشوف فيه قربو من نيفو شمو او هو يخسر سيفتو: مكنشربش الزعتر
راضية وقفات او هضرات بحدة: شرب باش تولي مزيان
عقاب خنزر او حط الكاس على فمو حابس النفس او شربو دقة وحدا غير سالاه او هو يلوح الكاس من يدو او حس بالترويعة طالعات معاه ، وقف من بلاصتو كيزرب فخطاويه فاتجاه الدوش ، دخل او سد عليه
مريم شافت فراضية: على الله تكون موكلاه او مامخطيش
راضية تنهدات: على الله
بعد مدة خرج عقاب وجهو صفر او عينيه حمرين شاف فيهم او خرج بلاما يهضر
راضية شافت فمريم: سيري شوفي داكشي لي رد كيداير
مريم دخلات اووخرجات ديك الساع : ماخلا والو موراه
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
