كتاب الأمل 💜
الجزء 100
من بعد مدة مكانتش طويلة جات البنت لي فالاستقبال كتعلمها باش دخل ، شافت فعقاب على وجهها ابتسامة حماس او خلاتو جالس فبلاصتو او دخلات عند الطبيبة ، شدات كرسي قدام البيرو او الطبيبة شافت فيها او تكلمات
الطبيبة : مرحبا امدام ، شنو عندك
أسماء ابتاسمات او تكلمات بتوتر: احم الصراحة هادي مدة طويلة انا ملاحظة تغير فالميزاج او كنتشهى شي حوايج لي غراب، زائد مزال الحد الآن ماجاتنيش العادة الشهرية ، او شكيت نكون حاملة
الطبيبة ابتاسمات: يقدر يكون شكك فمحلو ، داكشي علاش غادي نديرو تحليلة باش الشك يولي يقين ،(بتساؤل) الديري تحليلة ديال الدم او لبول
أسماء ابتاسمات: خودي الدم احسن
الطبيبة هزات براسها او ناضت جبدات شوكة او قطن خدات ليها الدم من دراعها او هي كتكلم
الطبيبة: تقدري غدا ترجعي يكونو التحاليل خرجو ان شاء الله
سالات ليها او أسماء قادات الكم على دراعها شكراتها او خرجات عند عقاب لي كان جالس داير يدو على راسو كيتسنى فيها حتى وقفات قدامو او هو يطلع عينيه فيها باستفسار
عقاب : شنو كاين
أسماء ابتاسمات او تحنات شادة فدراعو حتى وقف او تمشات خارجة : قالت ليا يقدر يكون شكي فمحلو او نكون حاملة ، غدا ان شاء الله تخرج تحليلة
عقاب وقف او عقد حجبانو : نقدرو ناخدوها دابا علاش حتى لغدا
أسماء شافت فيه او ضحكات: واش تسطيتي ياله نمشيو حتى لغدا او نرجعو
جراتو او تمشاو خارجين
الليل 🌑
الغرفة ديال ياسين ، فتح الباب او دخل كيرخف فالكرافاط ديالو ، سد الباب بيدو او طلع عينو السرير حتى كتبان ليه مسرحة فوقو لابسة كسيوة كحلة حد الفخاض بسميطات رقاق كتبري او حاطة رجل على رجل كتبقش فتليفونها حتى سمعاتو تكلم
ياسين : شنو جايا كديري هنا تاني
رنيم جلسات او ربعات رجيلاتها او كتشوف فيه مبتاسمة : جيت نشوفك او ندير ليك شي ماساج فحال البارح
ياسين مشا جيهة الدريسينغ او هو كيسلت فحوايجو : هاد المرة من بعد الماساج غادي نتماداو لشي حاجة اخرى (ضار عندها) او انت لي خاسرة (رجع كيحيد حوايجو) داكشي علاش خرجي
رنيم ناضت من بلاصتها او تمشات جيهتو بخطوات ثقال او هو متبع ليها العين او متأكد غادي دير شي حركة من حركاتها الصبيانية باش تغري رجولتو او غادي يخصو تاني يتحكم فراسو باش مايخسرش مع عقاب لي حاطها أمانة فالقصر او الأب ديالها مأمنو عليها ، تنهد ملين حس بيديها تحطات على صدرو العاري او بدات منزلاها مع عضلاتو او هي كتشوف فيه شوفات ديال شي قطة جريئة او عضات على شفتها بطفولية او هي كتسبل فعويناتها
رنيم : انا بغيتك او خاصك حتى انت تبغيني (تبسمات) واخا هادشي باين فكل مرة كتستسلم قدام حركاتي
ياسين قرب ليها وجهو او على فمو ابتسامة خبث: كنعتارف بلي كنستسلم ولكن الحد الآن أنا مزال محكم فراسي او خايف عليك مني (حط يديه على يديها لي فوق صدرو) داكشي علاش شري روحك او ماتبقايش تجي عندي لهنا
رنيم طلعات يديها التانية حتى حطاتها فرقبتو او كتحرك فصبيعاتها بطريقة كتخلي لحمو يشوك او عينيها فعينيه كيخليوه يسهى او ينسى بلي عاد كان كيحدرها تخرج فحالها
رنيم غمضات عينيها او مدات شفايفها او هو فلحظة لا وعي منجادب من حركتها حط شفايفو على شفايفها او بدى فإلتهامهم بشراسة مخلي قلبها كيضرب تحت قفصها الصدري او معدتها كتلوى عليها مع افرازات سائلة كتنزل منها مسردةالسترينغ لي لابسة ،ديك القبلة الشرسة هي الأحب ليها او كتخليها ترجع عندو كل يوم باش تدوقها او تحس براسها امرأة بين يدو ماشي مجرد مراهقة طائشة ماعارفاش أش كدير ، كيبقى السؤال واش غادي تخرج من هاد الغرفة كيف دخلات باش تعاود ترجع تاني عندو طمعا فأنها تتدوق هاد القبلة الحارة ؟!
أنت تقرأ
كتاب الأمل 📖مكتملة📖
Romansa💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
