كتاب الأمل 💜
الجزء 24
عقاب وقف او تمشى راجع السرير او كيهضر: ماتبقايش تدي على الميمة افدوى
تنهد بسخط او رجع تكى فبلاصتو او جر الپيسي مكمل خدمتو او هي جالسة كتشوف فيه او عقلها كيضور خاص حل لهادشي اولا راضية غادي تسود عليها عيشتها فهاد القصر او ديرها ليها على قد فمها او تجيب شي وحدا طير ليها بعقاب لي ماداتوش بالساهل
نرجعو عند البنات لي باقيين جالسين فبلاصتهم او فرح كتشوف فأسماء او كضحك بطنز : دابا بغيتي تقولي ليا جاب ليك هاد البروش حينت دخل عليك او انت كتصلي
أسماء : سولتيني هاد السؤال شي خمسة المرات افرح
فرح تفركعات بالضحك: تي را هاد الهضرة مكدخلش العقل (هزات البروش من على الكوافوز او بدات كتشوف فيه مصغرة عينيها ) انا راه مكنعرفش فالمجوهرات ولايني غير كتقدير الثمن ديالو راه غادي يكون فايت 50 مليون
أسماء كتشوف فيها : كنت ناوية نرجعو ليه
فرح هزات حجبانها : من نيتك ، خليه عندك تقدري توقفي عليه شي نهار (بدات كتلعب بحجبانها) عنداك يكون حط عليك العين
أسماء ضحكات باستهزاء: واحد المنفخ ماهازاهش الأرض او غير هاز راسو الفوق ، كون غير تشوفي كيفاش كيهضر معايا ماتقوليش هاد الهضرة
فرح جمعات ملامح وجهها: تأملت على والو
أسماء وقفات: تماما (تمات خارجة من البيت) تعشيتي اولا ندير بحسابك
فرح: ديري بحسابي
صباح جديد 🌤️
فتحات عينيها بصعوبة او صوت الدقان كيتردد فالأذن ديالها ، تنهدات او تقادات فالجلسة عاد شافت فالساعة لي فوق الكوافوز كتلقاها السبعة ديال الصباح ، خرجات من الفراش او مشات هزات عبايتها كتلبسها حتى سمعات فرح كتهضر بصوت ناعس
فرح: فين غاديا على الصباح
أسماء كتلوح الشال على راسها: شي واحد كيدق ، غير كملي نعاسك
فرح رجعات غمضات عينيها او هي خرجات من البيت غاديا جيهة الباب فتحاتو او هضرات مسهوتة باغيا غير ترجع تحط راسها على المخدة
أسماء: شنو
الراجل لي كان فالباب مد ليها ملف : هادا العقد لي سانياه معانا بخصوص الرهن ديالك لهاد الشقة ، المدير طلب منا نلغيوه او نعاودو عقد جديد
أسماء هضرتو خلاتها تصحصح او شدات الملف من يدو كتبقش فيه: علاش
الراجل : كنفد غير الأوامر الالة ماعارفش
أسماء خسرات سيفتها او هي كتقرى فدوك الوراق: خبار ديال الزفت على الصباح(طلعات عينيها شافت فيه) واش باغيه دابا
الراجل: حتى توقعي عليه او عطيه الكونسياج
أسماء هزات براسها : صافي
الراجل مشا او هي سدات الباب او تمشات جيهة المراح ، طير عليها النعاس ، جلسات او جبدات دوك الوراق كتقرى فيهم او تعاود ماعرفاتش اصلا علاش هادشي كامل
أسماء: زعما يكون مابقاش باغي يرهن الديور او بغى يرد كلشي كرى (خسرات سيفتها) مرض انا ملين غادي تجيني 50 الف الشهر ، ديك 20 الف كنت كنجمعها غير بزز (عقدات حجبانها) او الفلوس لي عطيت فالرهن فين هوما
كتهضر بوحدها حتى سمعات صوت تكشويط ، طلعات راسها كتبان ليها فرح جايا جيهتها حتى تلاحت على الفوطوي جالسة
فرح بتساؤل: اش كاين على الصباح
أسماء دفعات الملف بيديها: كيبان ليا غادي نغير السكنة
فرح باستفهام : علاش
أسماء: قالك الالة غادي يلغيو عقد الرهن او جابو ليا واحد ديال الكرى نوقع عليه ، او نولي نخلص 50 الف الشهر انا ملين جاتني هاد 50 الف اصاحبتي ، مراض هادو فراسهم
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
