كتاب الأمل 💜
الجزء 119
عقاب هز حاجبو : شنو دارت ليك ديك البكية حتى لحتيها
أسماء شدات من دراعو ، لمسة حنينة او يدها لباردة خلات لحمو يشوك او جراتو غاديا جيهة السرير او هو تابعها بصمت
أسماء : تكى على كرشك
عقاب دار لي قالت او هي سلتات العباية او الشال بقات غير بالكسيوة ، حلات المجر ديال الكوافوز او جبدات زيت عاد طلعات على السرير جالسة جنبو ، او شدات داك الزيت خواتو على ظهرو او بدات كدلك ليه بصبيعاتها او هو كيتنهد براحة كيخلي ابتسامتها تظهر مع كل تنهيدة ، حتى بدات كتحس بصبيعاتها ضروها عاد هزات يديها مسحاتها بمشوار او هو تقلب على ظهرو كيشوف فيها بنص عين
عقاب : مزال ماتهدنت
أسماء قلبات عينيها : ايي مكتعيااش فينما تضور ليك فالخوى تشدني
عقاب جرها عندو حتى حطات راسها على صدرو : او لي عندو هاد الزين يعيى امم
أسماء طلعات فيه عينيها : كتصبغني عارفة (بدات كتغبن ) عيانا بغين ننعس
عقاب جر الغطى حاطو عليهم بزوج: نعسي
هي نزلات عينيها او بدات كتحرك فصبعها على صدرو كترسم فدوائر وهمية او هو مغمض عينيه كيحاول ينعس مي دوك الحركات لي كدير معنكشينو
عقاب : وا نعسي من البسالة ، عيانة او كتنخنتشي فيا
أسماء باست صدرو : تشهيت شي عضة (طلعات فيه عينيها لقاتو مغمض عينو) سناني كلاوني
عقاب مغمض عينو : غادي تقو**ديها معايا لا درتيها
أسماء كتغبن : عاافاك
عقاب : أسماء نعسي غادي تاكليها فعضامك
أسماء نزلات باست صدرو كتحاول تصبر راسها ولكن والو سنانها كيتغزغزو عليها او بغات تعضو او كاتشوف قدامها بحزن
عقاب فتح عينو شاف فيها بشوية او تنهد : عضي نشوف
أسماء طلعات ليه عينيها كضحك: بصح
عقاب هز براسو او هي نزلات لصدرو قرمات عليه بعضة حتى غمض عينو مزيير عليهم ، كيحس بيها طيرات ليه الجلدة ، عاد طلقاتو مخليا سنانها مصورين تما
عقاب مزال مغمض عينو: وحم دالنم
أسماء مبتاسمة مجاوباتوش كتحس براسها ارتاحت ملين عضاتو او هو بدى كيدوز على شعرها حتى نعسو
__________أصبحنا 🌤️__________
فاقت كيف عادتها مع الفجر صلات او جلسات فالبالكو حتى اذن الصبح عاد ناضت صلاتو ، جمعات الصلاية حطاتها على الفوتوي او جلسات كتشوف فعقاب لي باقي ناعس او كتفكر كيف دير تقول ليه اش دارت
⬅️⬅️ فلاش باك ➡️➡️
قطعات عليه التليفون او نزلات التحت باش تردو لراضية حتى كتسمعها كتكلم ، الهضرة لي خلاتها توقف او تسمع ليهم عن غير قصد
راضية : البارح كون ما طليت او قلت يحبسو كانت غادي تموت بين يدين الكارد (تنهدات) هضرت معاه البارح قلت ليه واش نديها الكلينيك قال ليا ديري لي بغيتي ، ملين مشيت نهضر مع الكارد باش نديها ماخلاونيش ، غير صدرني بديك الكلمة ديال ديري لي بغيتي
مريم كتشوف فيها واخا فدوى دارت لي دارت مابغاوش مصيرها يكون فحال هاكدا: ياكما باغي يقتلها
راضية : داكشي لي بان ليا
أسماء لي كانت فالباب شهقات او حطات يديها على فمها مخرجة عينيها او مامتيقاش لي سمعات ، زيرات على التليفون بيديها الثانية او قلبات الطريق خارجة من القصر حتى الجردة كتفكر كي دير تعاونها او الوحيد لي طاح فبالها هو يوسف ، تمشات جيهة واحد من الكارد لي كانو مشتتين تما فكل مكان او تكلمات
أسماء: عافاك بغيت نسولك
الكارد شاف فيها : واخا امدام
أسماء بتوتر : فين نقدر نلقى يوسف
الكارد : اجي معايا امدام نوريك
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
