كتاب الأمل 💜
الجزء 124
فرح شافت جيهتوو مصدومة من سؤالو او تكلمات بتوتر: مزال ماجاش شي ولد الناس
يوسف هز براسو او عينو مزال على الطريق: ملين تكوني مسالية فشي وقت قوليها ليا نجي انتعرف على عائلتك
فرح حسات بقلبها غادي يخرج من الفرحة او حتى الصدمة او تكلمات مامثيقاش : علاش
يوسف ضحك على سذاجتها : ايلا بغى سيدي ربي تكوني زوجتي على سنة الله ورسوله
فرح ضحكات بفرحة ماكرهاتش تلاح عليه بشي بوسة اولا تعنيقة ، مي شدات فنفسها او رجعات بصرها الطريق غادي تموت بالفرحة
بينما عند عقاب او أسماء لي كانو وصلو لكلينيك حطو فدوى تما او طمنات عليها أسماء عاد خرجو من تما راجعين القصر
أسماء كتشوف من الزاج : وقف فشي بلاصة بغيت ناكل
عقاب هز براسو حتى بان ليه مطعم او هو يوقف او شاف فيها : تنزلي تاكلي تما او لا نجيب ليك التاكلي فالطنوبيل
أسماء حركات ليه يديه : سير جيب ليا
عقاب : شنو بغيتي
أسماء هزات كتافها : لي كان
هو خرج من الطنوبيل او وقت قصير حتى كان عندها حط ليها الساشيات او عاود تحرك او هي كتاكل او مرات تمد ليه ففمو ياكل معاها زعما ، حتى وصلو القصر ، نزلو من الطنوبيل او هي شدات من دراعو داخلين الداخل مشاو نيشان الصالون لي كان مجموع فيه كلشي حتى من عائلة أسماء او عبد الله شاد الحديث مع نبيل باين عليهم مفاهمين او سوسن او راضية او مريم شادين تقرقيب الناب او هنية جنبهم غير كتشوف قليل فاش كتخرج شي كلمة من فمها ، او خوها شاد تليفون فيدو هو او ياسين او رنيم ، لقاو السلام او جلسو
راضية : فين مشيتو على الصباح
عقاب بدون اهتمام: واحد الغرض على برى او رجعنا
راضية هزات براسها او سكتات او رجع الحديث ثاني ، عقاب او ياسين خرجو يمشيو لخدمتهم
تعاشات العشية او رجعو هو او ياسين حتى دخلو عليهم الصالون ، كانت راضية او مريم كيهضرو او الابتسامة شاقة ملامحهم ، ياسين جلس او عقاب طلع يشوف ديك الحمقة اش كدير
مريم : انا ماعندي مانلبس غدا فالصبااح شاء الله نمشي انا او سوسن ناخدو شي قفاطن
راضية : راه غير غانهضرو مزال داكشي ماشي رسمي
ياسين ضور عينيه عليهم باستغراب : شنو كاين غدا
راضية شافت فيه او ابتاسمات: خطبة
ياسين هز حجبانو باستغراب: ديالمن
مريم غمزات راضية او شافت فيه بنص عين : رنيم جا فيها واحد ولد الناس
ياسين هز حجبانو : غا سيفطوه بلاما تكحلو وجهكم معاه
مريم درات راسها مستغربة : علاش
ياسين : هاديك ديالي ، او انا لي غادي انتزوحها او مايحلم بيها حتى شي ولد المراة
مريم ضحكات: او مالك ياولدي مجرجرنا كون تزوجتيها او هنينا الوقت
ياسين : البرهوشة كتلعب ليا على أعصابي كان خاص نربيها
مريم ضحكات بفرحة او رجعات كتشوف فراضية لي حتى هي كانت كتبتاسم : دابا غدا نمشيو غير بالجلالب اولا الكساوي
راضية حركات راسها بنفي : لا غادي تلبسي جلابة او تحطي الزيف على راسك ، مانحشموش بولدي يوسف او حتى فرح ماشي رخيصة عندنا ، معزتها فحال معزة أسماء فقلبي
مريم ابتاسمات: ان شاء الله (هزات كفوفها السماء) يا ربي تكمل عليهم بالخير او ترزقهم الذرية الصالحة
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
