كتاب الأمل 💜
الحزء 126
بعد مدة او هوما كيديو او يجيبو فالهضرة تكلمات راضية او الابتسامة على محياها : عيطولي على بنتي فرح نشوفو رأيها فهاد المجية
ثرية هزات براسها او شافت فماريا لي ناضت في ساع مشات عندها حتى دخلات عليها البيت او موراها أسماء لي حتى هي طلعات موراها او سدات الباب
أسماء كتشوف فيها كانت لابسة قفطان فالموڤ عامر جاها كيفتن او الشال مقاد بالتاويل على راسها او وجهها مزين بشوية ديال الماكياج داكشي خفيف ، او جالسة على السرير باين عليها الثوتر او الخوف ، داك الضحك او الخفة لي فيها مشات فخبر كان
أسماء كضحك : عقلتي لمك نهار ضحكتي عليا ملين كنت غادي انتزوج بعقاب
فرح طلعات فيها عينيها : يا ختي هادشي كيخلع
مريا ابتاسمات: ايوا نوضي اختي راه كيتسناوك التحت
فرح وقفات من مكانها رجليها ماهازينهاش او ماريا شدات فيها كضحك او نزلوها التحت حتى دخلوها الصالون ، بالخلعة او الحشمة ماقدرات تطلع عينيها فحتى واحد ، مشات جيهة راضية هي اللولة باست يديها او سلمات على سوسن او مريم بالوجه عاد رجعات جلسات جنب ماماها او خوتها
راضية كتشوف فيها او تبسم : الله يحجبك الواليديك ابنتي (شافت فثرية) ولدي يوسف سنين او هو خدام معانا او كنحسبو فحال ولادي عقاب او ياسين ، مع الأسف ميمتو ماعاشتش تحضر فهاد اليوم او تشوف مراتو ، الله يرحمها
الكل بصوت هامس: الله يرحمها
راضية شافت فيوسف لي كان منزل عينو او رجعات عينيها لثرية : حنا جينا اليوم طالبين فيد بنتكم فرح لولدنا يوسف على سنة الله ورسوله ايلا قبلتو علينا
ثرية ابتاسمات: الكلمة ديال فرح او لي بغاتها مانزيدها عليها غير الصلاة على النبي
راضية شافت ففرح لي حناكها توردو بالخجل : اش قلتي ابنتي
فرح عضات شفتها كابتة توترها او خرجات صوتها كيرجف او خفيف : قابلة الحاجة
راضية ضحكات : الله يكمل بالخير او يجعل فعشرتكم محبة دايما ان شاء الله
راضية شافت فيوسف لي طلع عينو ففرح او بانت على وجهو ابتسامة زادت زينات ملامحو الشرقية او عينيه برقو بفرحة
راضية : نوض اولدي جلسو بجوجكم تقدرو تبغيو تفاهمو على شي حاجة (شافت فرنيم) نوضي مشي معاهم ابنتي
فرح ناضت من بلاصتها او خرجات او مشات الصالون العصري لي كان فالجانب لاخر جلسات عاد دخل عندها موراه رنيم ماعارفاش لاشي سيفطاتها راضية غير تبعاتهم او صافي ، جلسات فقنت بعيدة عليهم او يوسف جلس قبالة فرح لي كانت منزلة عينيها بحشمة
يوسف ضحكاتو حشمتها : مبروك علينا
فرح طلعات فيه عينيها بالثقالة حتى جات عينيها فعينيه الشي لي خلا توثرها يزيد او تكلمات : الله يبارك فيك
بالرجوع لصالون لاخر أسماء جالسة جنب عقاب او كتبتاسم او هي كتسمع كلامهم حتى سمعاتو كيتكلم بهمس جنب ودنها
عقاب : حنا شنو دورنا هنا
أسماء شافت فيه كضحك: انا جيت فرحانة لصاحبتي او انت واقف مع صاحبك
عقاب هز حاجبو : ملين جبتي هاد يوسف صاحبي
أسماء : علاش هو ماشي صاحبك
عقاب : ماشي صاحبي بالمعنى الحرفي ،ولكن دوزنا سنين مع بعضنا ، يعني معرفة قديمة
أسماء : ايوا راه فحال صاحبك غير انت داير حدود العلاقتكم
عقاب ضحك على كلامها : بصح
أسماء رجعات عينيها قدامها كتسمع لكلامهم او هو كيشوف فيها او يتنهد متبع حركاتها العفوية
ياسين لي كان جنب نبيل قرب من ودنو او همس : غدا وجدو راسكم تمشيو تخطبو ليا حتى انا
نبيل شاف جيهتو بصدمة او تكلم بنفس الهمس : شكون باغي تخطب
ياسين ابتاسم : رنيم
نبيل تنهد براحة او شقات شفتيه ابتسام: ان شاء الله اولدي
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
