كتاب الأمل 💜
الجزء 80
أسماء حدها ابتاسمات او غمضات عينيها كتحاول ترجع تنعس بينما هو بدا كيلعب فخصلات شعرها او تفكيرو سارح كيحاول يفهم أش واقع ، حينت هاد التغيرات ماشي طبيعية فنظرو
التحت فالجناح ديال راضية ، جالسة على السرير او قدامها مريم
راضية: فين مشا تاني على الصباح
مريم هزات فيها راسها: مانعرف الحاجة
راضية: بغينا غير نعرفو واش داكشي تفك اولا لا نشوفو شي حل آخر
مريم : اش بان ليك الحاجة نسيفطو الخدامة يخملو الجناح اولا لقاو شي حاجة يجيبوها
راضية كتشوف قدامها بتفكير: هاد اللفعة خاص نلقى ليها حيلة نكركبها من هنا (شافت فيها) هادي خطر تبقى معانا
مريم ابتاسمات: رجعي يوسف الحاجة هو الوحيد لي غادي يخليها تنسى عقاب شوية
راضية شافت فيها : هاداك راسو قاصح مالقيت ماندير ليه (هزات حاجبها) بان ليا نمشي نهضر معاه تاني
مريم: غادي ديري مزية
راضية تبسمات او هي كتفكر ، بان ليها البلان ديال تجيب يوسف غادي يجيب نتيجة
وقت العصر عاد فاقت ست الحسن كتجبد فيديها او كتحس بيدين عقاب ضايرين على خصرها شافت فيه او ابتاسمات او نطقات بهمس
أسماء : عقاب (حركاتو ) عقاااب
عقاب حل عينيه غير نص حلة : اممم
أسماء: ماناويش تخرج ليوم
عقاب زاد زيرها عندو : لا ليوم مكاينش الخروج من هاد البيت
أسماء بدات كتحيد ليه يديه: طلق طلق ، خليني نوض ندوش بغيت نصلي
عقاب تهز او دار يديه من طرف الآخر محاصرها : نعاودو شي ماتش آخر او نوضي دوشي
أسماء خرجات فيه عينيها: تسطيتي (بدات كدفعو فحال ايلا كدفع حيط) حيد عليا
عقاب هز فيها حاجبو: راه غادي تلعنك الملائكة
أسماء كتعيبو : كتعرف غير الملائكة ، اتقى فيا وجه الله راني عييت
عقاب باسها او تهز عليها : واخا ياله نوضي
أسماء ابتاسمات او جرات عليه الغطا لواتو عليها او مشات كتزرب الدوش
تسناها حتى خرجات او دخل حتى هو دوش او خرج لبس حوايجو او هي جنبو ، جبد الكرافاط غادي يبدى يصاغبها او هي تقرب منو
أسماء : خلي نقادها ليك
عقاب طلق الكرافاط من يدو: اوك
اسماء ابتاسمات او جات قدامو متكية على الكوافوز كتقاد ليه او هو كيشوف فيها حتى سالات او هزات فيه راسها : فين غادي
عقاب كيشوف فالمراية: الشركة
أسماء هزات براسها : الله يعاونك
عقاب باس على راسها قبلة خلات قلبها يبدى يضرب بعنف ، مامولفاش منو هادشي كامل ، او تمشى خارج من البيت او هي عاد خرجات من موراه كتلقى فدوى واقفة قدام باب جناحها كتشوف جيهة الدروج فحال المصدومة حتى قفزاتها
أسماء: فدوى
فدوى شافت فيها حالة فمها: نعام
أسماء ابتاسمات: مالك
فدوى رجعات ملامحها لطابيعتهم من بعدما فطنات براسها: والو
أسماء هزات براسها او زادت او فدوى رجعات دخلات البيت او مشات التليفون كدوز الخط او يديها كترجف حتى تم رد على اتصالها
فدوى: مونى هادشي راه ماصالحش
مونى: علاياش كتهضري
فدوى: عاد خرج من عندها من البيت او كتبان فيه ناشط
مونى: ياكما نسيتي ماعطيتيهش ليه
فدوى كتعض ضفرانها بتوتر: كل نهار كنجيب ليه الماكلة او كندير ليه داك التخربيق بيدي او كنتأكد بلي كلاه
مونى باستغراب: مايمكنش ، داكشي لي جبت ليك انا متأكدة منو عندو نتيجة ، كاين شي حاجة ماشي حتى لهيه
فدوى: قطعي اصاحبتي هادشي بان ليا مامنوش ، خلي نشوف شي حل آخر
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
