كتاب الأمل 💜
الجزء 108
رنيم ابتاسمات فوجهو: ربي يخليك
عقاب تبسم للطافتها : كلشي غادي يتصلح ، واخا تشوفي ياسين هاكداك ، قلبو كبير او ان شاء الله غادي نوقف معاك حتى تزوجو اولا مابغاكش نضبر ليك فسيد الرجال
رنيم ابتاسمات بحزن: ان شاء الله
هو طبطب عليها او خرج من عندها مشى الجناح عند أسماء لقاها فاقت او كتقاد فشالها ، ضارت شافت فيه او رجعات كتشوف قدامها ، تقدم جيهتها حتى وصل عندها او حاوطها من خصرها كيشوف صورتهم فالمراية : على سلامتك
أسماء ضارت عندو او هو مزال محاوطها : الله يسلمك ،(بتساؤل) علاش
عقاب : عاد فقتي ، خففي شوية من النعاس
أسماء نفخات شفايفها : كتديني عيني
عقاب قرب وجهو ليها جار شفايفها بسنانو : على ود مصلاحتك ، ديري شي حاجة شغلي بيها وقتك(بتساؤل)مابقيتيش باغيا تمشي الكتاب
أسماء: دابا كاين يوسف كيمشي او الصراحة ماقادراش عليه حاليا
عقاب هز براسو : ديري لي يريحك
باس حنكها او خرج نزل التحت ركب سيارتو او توجه الخدمتو
الليل 🌑
كان الكل مجموع فالصالون حتى من رنيم لي كانت جنب أسماء متكية عليها او كتشوف بعويناتها كتبان فحال شي بنت صغيرة مقلقة على عائلتها مابغاوش يشريو ليها اللعبة لي بغات، عينيها حمرين بالبكى او كيبانو مغشيين بالدموع ، اوحناكها غادي يطرطقو بالحمورية عاد الشهقة لي كانت كطلع كل مرة بدون وعي منها ، عينيها توجهات لياسين لقاتو كيشوف فيها فحال ايلا ساهي او هي تقلب عينيها مبعداهم عليه ، عقاب كان من جيهة الثانية شابك يديه او كيشوف فنبيل لي كان كيهضر او يضحك
فدوى كانت جنبو شافت فأسماء كانت شادة كاس ديال العصير دالليمون كتجغم منو او كانت موجهة نظرها لنبيل او كتبتاسم او عاد شافت فعقاب لي جنبها ، او غير ماقال ليها راسها تيري الإنتباه ، حطات يديها على فخض عقاب او بدات مطلعاها حتى وصلاتها قريب من عضوو او عاود نزلاتها تاني ، حتى واحد ما انتابه لحركتها لأنو الكل مشغول بالهضرة او الضحك ، من غير عقاب لي حركتها خلاتو يتزير ، شاف فيديها او طلع عينيه ليها كانت كتشوف لبعيد دايرا راسها دارت ديك الحركة عن غير قصد ، حط يديه على يديها او حيدها بهدوء او هو كيسوط ، هي شافت فيه بنص عين او تبسمات ، رجعات عينيها قدامها او عضات شفتها كتقلب على شي فكرة ، بينما عقاب رجع عينو قدامو
أسماء كانت واخا مركزة مع هضرتهم كانت كتمشي ليها عينيها لجيهتهم مي ماشافتش اللقطة ملين كانت كتلمس فيه ، شافتهم مادايينهاش فبعضياتهم او هي ترجع عينيها قدامها او جغمات من كاسها
فدوى شافت فيها بنص عين او قربات من عقاب كتر ، هزات يديه حطاتها على كتافها او تخشات فيه حاطة راسها على صدرو فحال ايلا معنقها ، عقاب شاف فيها او تنهد او عاود حول عينو لأسماء لقاها مكتشوفش جؤهتهم ، عض على شفتو ماعرف مايدير ماقدرش يحيد فدوى عليه ، رجع كيشوف قدامو او كيطلب فسرو ماضورش عينيها لجيهتهم ، ولكن مع الأسف ضورات عينيها بعفوية حتى جات على داك المنظر حسات بالصهدة طلعات معاها او تنفسها تخربق حتى من رنيم لي كانت متكية عليها حسات بقالبها لي بدى كيضرب بسرعة او هي تشوف جيهتها مفزوعة لقات وجهها تزنك غيطرطقو حناكها بالحمورية او شافت فاتجاه عينيها او هي تشوف فدوى لي مخشية فعقاب او هي تعرف أش واقع ، رجعات عينيها لأسماء او هاد المرة بدات كتشوف فالعصير لي فالكاس كيتحرك بسرعة حينت يديها كترعد او تكلمات بهمس
رنيم: أسمااء
أسماء شافت فيها باركة على سنانها بغضب كتحس بقلبها شاعلة فيه العافية : ايلا مابعداتش عليه غادي نقتلها كنقسم ليك
رنيم تخلعات نسات حتى اش عندها او هي تقاد فالجلسة شافت ففدوى لي واخدة راحتها او عضات شفتها ، ياله غادي ضور راسها لأسماء باش تهضر حتى كيبان ليها الكاس لي كان فيد أسماء جى فوجه فدوى نيشان مازكلاتهاش او هي تخرج عينيها مصدومة من تصرفهاا
قح**بة لاخرى لاش تعنقيه ، انا بغيتها تشنق اصل مك الخائنة تفو
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
