كتاب الأمل 💜
الجزء 91
وصل وقت الغداء او دخلات عاد القصر شدات بلاصتها جنب ياسين او فرح جنب فدوى لي كانت غير كتخنزر حاقدة على الوضعية
تغداو او ناضو رجعو الصالون كاملهم إلا فرح لي تمشات خارجة تمشي فحالها ، خرجات برى القصر او شافت فالكارد
فرح: فين جا الباركينغ
الكارد هز يدو كيشير ليها مور الدار : كاين الكاراج تما
فرح هزات براسها او مشات غاديا من الطريق لي نعت ليها منها حتى بان ليها الكاراج مي كان مسدود ، عقدات حجبانها او بدات كتشوف فيه طلوعا نزولا بعينيها كتقلب شي بلاصة ملين كيتحل ساعة ما بان ليها والو ، ضورات راسها بسخط كتقلب بعينيها على شي كارد حتى بان ليها يوسف غادي جيهة لاصال لابس شورط او تيشرط ، فتحات عينيها بصدمة مامتيقاش لي شافت عينيها او قلبها بدى كيضرب حسات بيه غادي يخرج من بلاصتو ، بلعات ريقها بتوتر او خرجات صوتها كيرجف
فرح: خويا يوسف
يوسف سمع صوتها او هو يضور بسرعة حدو شاف فيها هاز حاجبو او تكلم: شنو كاين
فرح بتوتر : ايلا كان ممكن تفتح ليا الكاراج بغيت ناخد طنوبيلتي
يوسف نزل عينو او تمشى جيهتها ، تخطاها او برك على بطونة كانت جنب الكاراج او هو يبدى طالع ، او ضار راجع فحالو ما دوى ماتكلم او هي ساطت او دخلات هزات طنوبيلتها مخرجاها من تما
بينما يوسف لي ملين وصل لاصال وقف مور الزاج كيطل عليها حتى خرجات الطنوبيل او هو يتنهد متبع الطنوبيل حتى بانت ليه خرجات من القصر عاد ضار فحالو يقابل شغالو
الليل 🌑
جالس ياسين فالجناح ديالو فيديه تليفونو كيبقشش فيه حتى كيسمع الدقان فالباب ، تنهد بعصبية حينت عارف شكون جاي فهاد الوقت او هضر بصوت مرتافع : دخااال
تفتح الباب او دخلات رنيم كتبتاسم او تشوف فيه لابس غير سروال او صدرو عريان متكي على السرير بلا غطى ، او هي لابسة ميني فالأزرق مع سروال جينز ، سدات الباب او تمشات جيهتو حتى وصلات السرير او هي تلاح جنبو كطل بعويناتها على التليفون
رنيم: شنو كدير
ياسين طفى التليفون او حطو جنبو او شاف فيها هاز حاجبو: انت لي شنو جايا ديري عندي هنا
رنيم قربات عندو اكتر حتى لسق دراعها على دراعو او هضرات كتشوف فيه: جيت نجلس معاك شوية مليت
ياسين ابتاسم بعصبية : بنتي ليا كتقلبي على شي حاجة اخرى
رنيم كترمش فيه كتحاول تستعطفو: فحالاش
ياسين حط يدو على رقبتها او جرها عندو حتى وصل وجهها عندو وجهو او هضر بهمس : انت لي درتيها لراسك
حط شنايفو على شنيفاتها الصغار كيمص فيهم بعنفوان او هي غمضات عويناتها مستمتعة بأول قبلة ليها ، بدى كيقرب منها اكتر او هو كيجر فشنايفها باغي يطيرهم ليها او يدو تحطات على خصرها العاري مزير عليها حتى حس بيها تأوهات وسط فمو او زاد كيبرك على شفايفها او لسانو دخل بين سنانها او بدى كيعتاصر فلسانها او هي بدات كتحس براسها فشلات بالقبلة ديالو لي كانت طويلة خلات النفس التقطع فيها
طلق منها او بعد عليها كينهج او هي اكتر منو ، ناض من حداها او مشا الدوش او هي بدات كتبان على شفايفها ابتسامة فرحة ، تكات على السرير او بدات كتمرغ عليه او تقهقه لدرجة صوتها وصل لياسين لي كان فالدوش عاد كيحيد فسروالو باش يدوش حينت حس براسو تزير ، حرك راسو بلا حول او كمل فالتحياد كيتحلف فيها على هاد الفعايل ديالها المشيطنين
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
