كتاب الأمل 💜
الجزء 21
عقاب باقي وسط سيارتو او كيشوف لومبيلونس لي هزات السيد ،تنهد او هبط من طنوبيلتو حتى كيتم جاي عندو واحد لابس جينز كيبان من عام او زمار ماتصبن او قميجة فالازرق فيه غير الطولة مكاين لحم (قصدت ضعيف😂) حتى وقف قدامو او هضر كينهج
...........: سي عقاب محتاج شي حاجة
عقاب شاف فيه: ماغاديش نبقى كل نهار نجي نحل المشاكل فهاد الإقامة ، جيبو البوليس جيبو شي زمر يحضيو هنا ماتمرضوش ديلمي
الراجل كيتفتف: سمح لينا اسي عقاب هادشي عاد ولا هاد الأيام
عقاب مد يديه او جرو من الكول ديال القميجة حتى لعندو او هض ضاغط على سنانو : هادشي لي واقع كيخصر من الصمعة ديال اسمي (طلقو) لي بان ليك ماشي حتى اللهيه جري على أصل مو ماعندو مايبقى يدير هنا
الراجل كيتفتف: كون هاني اسيدي
عقاب هز براسو: هاحنا غادي نشوفو نرجع شي مرة اخرى نسمع بشي سرقة غادي نتري(نجري) على قح***بة مك من هنا
الراجل هز ليه غير براسو الخلعة سكتاتو ، مشا كيجري من قدامو حتى غبر عاد شاف عقاب فالكارد لي جنبو
عقاب: شارية اولا كارية
الكارد: راهنة اسيدي
عقاب هز حاجبو: بشحال راهنة
الكارد: 5 المليون او كتخلص 20 الف الشهر
عقاب : شروط العقد
الكارد: مافيهش مدة محددة تقدر تفسخو وقتاشما بغات
عقاب ضحك جنب: عطيوها 5 المليون ديالها او سنيو معاها عقد كرى بقيمة 50 الف الشهر
خلاه او طلع الطنوبيلتو ، ديماراها او كسيرا من تما تابعينو 3 ديال السيارات فيها رجالو ، او بقاو شي وحدين حاضيين الاقامة فحال العساسة
بعد مدة وصلات الطنوبيل ديال عقاب القصر ، نزل منها او دق فالباب حتى تفتح من طرف الخدامة عاد دخل داير يديه فجيابو او خطواتو الموزونة كيتسمع صداها وسط القصر حتى وصل الصالون ، شاف فيهم واحد واحد لقى السلام عاد جلس
فالصالون كانت لالة راضية او جنبها مراة اخرى لابسة كسوة فالرمادي او شعرها أسود نازل على كتافها ، او فالجنب لاخر راجل كيتراوح السن ديالو بين 50 او 60
راضة كتشوف فعقاب: مابقيتيش كتمشي لشركة اولدي
عقاب شاف فيها: شكون قالها لك
راضية ابتاسمات: ياسين
عقاب : هو قاد بالخدمة تما ، انا عندي شي شغال اخرين
راضية : لي هوما
عقاب: الإقامة لي جنب حي بوجدور واقع فيها شي روينة او مشيت تكلفت بنفسي
الراجل لي كان تما هضر بفزع: شنو واقع
عقاب: البارح جاتني خبار بلي بزاف ديال الناس من النفس العمارة تسرقو او مشيت نبحث فالأمر او سولت على شنو تسرق او قلبنا الشقق كاملين مي مكاين والو ، او اليوم تاني عيطو قالك شدو شي واحد داخل لشي شقة كان كيسرق او مشيت
الراجل : دير اولدي البوليس اولا الكارد تما هادشي راه غادي يطيح بالصمعة ديال اسمنا او بنادم ماغاديش يبقى يبغي يشري فالإقامات ديالنا
عقاب هز براسو : خليت تما الكارد ، حتى الغدا او ندير فريق نسيفطو لديك الإقامة ، حينت جات جنب أحياء شعبية طبيعي يوقع فحال هادشي
كمل كلامو او هي تم داخلا مراتو كتعيوج بواحد الكسيوة فايتة الركبة او طالونها كيقرقب حتى جلسات جنبو او هضرات بابتسامة كتشوف فيهم كاملين
.......: السلام
كلشي رد عليها السلام ببشاشة من غير راضية لي غير كتخنزر فيها او عقاب ملاحظ هادشي مي ماعارفش السبب لاش مكتحملهاش
*يتبع
أنت تقرأ
كتاب الأمل 📖مكتملة📖
Romansa💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
