كتاب الأمل 💜
الجزء 95
خرج من دوش تمشى نيشان لبلاكار مالاحش ليها حتى الشوفة ، جبد حوايجو عبارة على سروال جينز او كويرة او سبادري فرجليه او هز الكونطاك ديال الطنوببل او خرج مخليها متبعة ليه العين او النفس واقفة ليها كتغدد ماقدراتش تسولو حتى فين خرج ، ناضت من بلاصتها مشات الدوش توضات او خرجات صلات العصر او رجعات جلسات قدام التلفازة ، كتغدد باغيا تموت بالفقسة عاد بدى كيطلع معاها البلان دأشنو دارت ، او حسات بالشمتة
طل الليل على باريس او أسماء جالسة فالبالكو حاضيا نجوم الليل او كدندن بصوتها بهمس كتحاول تناسى الموضوع ديال عقاب حينت كتعصب ، كتحرك فرجليها الحفيانين بشوية او هي لابسة كولون طويل فالأسود معاه كاپيتشو فالأبيض او عويناتها كيضورو على المنظر او كل مرة تخرج تبسيمة من الأعماق حتى سمعات الباب تفتح ، بقات محافظة على البسمة او هي مزال كتشوف قدامها ، او عقاب لي دخل كيشوف الظلام غير الفيوز لي مضوي البيت ، حرك عينو كيبان ليه خيالها او هي جالسة فالبالكو شعرها معري او مجموع گوب شوفال كيلعب مع الهوى ، او هو يغزز سنانو بعصبية
عقاب بصوت هامس بين سنانو : أسماااء
أسماء ضارت عندو بهدوء الشي لي خلاه يتلف او ماعرف مايقول من غير اكتفى بنظرة حادة او هي رجعات عينيها قدامها
هو بدى كيحيد فحوايجو بالنفضة او يلوح ، هز شورط لبسو او دخل الفراش مغطي حتى لخصرو او دراعو محطوطة فوق جبهتو او نظراتو موجهة لسقف ، بدى كيتنيرفا من تصرفات أسماء ، هو من النوع الهادئ لي العصبية مكيخرجهاش ديك الساع ، كيبقا كابتها حتى كتجي الفتيلة لي كتشعل العافية اولا ناض ما جا ماهدنو تاني حينت كيفقد السيطرة بالبيان او كيبدى يخلط او أسماء هي ديك الفتيلة ، كتلعب ليه على أعصابو
ضور عينيه ملين حس بالهوى ضرب فيه عرف بلي الباب ديال البالكو تحل ، بانت ليه أسماء داخلا او كتقاد فشعرها ، مشات العباية لبساتها او بدات كتصلي الشي لي خلاه يتفكر تقصيرو مع صلاتو من الأيام لي كان مخاصم معاها ، تنهد بصوت شبه مسموع او غمض عينيه كيقول حتى لغدا او يرجع لصلاتو ، هي سالات او جمعات الصلاية حيدات العباية لي كانت لبسات فوق الگابيتشو او نسلات حتى الكاپيتشو لاحتو فوق العباية بقات غير بديباردو من الستان لونو فالرمادي قصير حدو فايت السرة شوية او داك الكولون لي عازلها ، خلا عقاب بدا يتنهد بعصبية حينت كان رجع فتح عينو او بدى متبعها بيها ، ولا كيحس فحال ايلا كدير هادشي بعاني باش تشعلو ، او هو نفسو فنيفو مارضاش يقولها بلي ماعجبوش الحال يسول فيها شي واحد ، تقلب على جنبو عاطي لجيهتها بالظهر حتى حس بيها دخلات جنبو او تغطات او في ساع داتها عينيها حينت كتحس بالتعب او النعاس ولا ملاذها فهاد اليوم ، داز وقت طويل او هو موكي على جنبو حتى حس بيدو تنملات عليه او هو يتقلب على جنبو التاني او شاف فيها عاطيا وجهها لعندو او مغمصة عينيها كتفس بهدوء دليل على أنها ناعسة ، بدات عيننو كتسارا عليها او هي كيفكر فالمطارق لي فراسو او فهاد أسماء لي تلفات ليه الميموار او من خلال هاد الأيام لي دوز معاها قدر يعرف بلي راسها قاصح او مكتسمحش فحقها الشي لي غادي يخلي يوقعو مناوشات حادة بيناتهم حينت هو ماعندوش مع ديك الجرأة لي فيها كتنيرفيه او هي كتلعب ليه على الوتر الحساس كتلف ليه الجرية او فكل مرة كتخليه يعتارف بينو او بين نفسو بلي بصح كتقضي عليه او مكيلقى ليها جهد
غمض عينيه كيحاول ينعس او ينسى بلي هي جنبو او يخوي راسو من أنه يفيقها او ينقض عليها بزز منها ، او كيصبر فراسو تايقول خليها دابا تبرد
*يتبع
أنت تقرأ
كتاب الأمل 📖مكتملة📖
Romantizm💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
