كتاب الأمل 💜
الجزء 92
بقات كتمرغ تما حتى خرج ياسين من الدوش لابس بينوار شاف فيها او هضر بصوت مرتافع حتى قفزات
ياسين بملامح حادة: خرجي قو**دي عليا
رنيم كانت مقلوبة على كرشها سمعات صوتو او هي تقلب على ظهرها كتسبل فعويناتها او تكلمات بغنج: علاش
ياسين قرب منها او شدها من دراعها حتى وقفات او تمشا بيها جيهة الباب فتحو او لاحها برى بالنفضة او زدح الباب فوجهها او دخل كيسوط ، بان ليه صندالتها هزها بين يدو او رجع الباب حلو لقاها غاديا مع الكولوار حفاينة او كتنكر تحت نيفها حتى حسات بشي حاجة ضربات ظهرها ، ضارت بانت ليها صندالتها فالأرض او تسمع صوت الباب تزدح بجهد او هي تخشي رجليها فالصندالة او هضرات مخنزرة
رنيم: كلب لاخر بستي حتى شبعتي او دابا كتضرب (ضارت كتمشى فالكولوار) مكتعرفش رنيم (خسرات سيفتها) يجي عمي عقاب نشكي ليه عليك ، كلب لاخر
_____________ مكان آخر ___________
أسماء بعدما صلات الفجر او الصبح كيف عادتها جالسة على الفوطوي لابسة كسيوة فايتة الفخض شوية بسميطات فالغوز او شعرها جامعاه كعكة مهملة او فيديها كاس ديال الحليب كتجغم منو او هي كتشوف فالتلفازة ناقصة ليها الصوت باش ماتفيقش عقاب ،
مدة طويلة او هي تسمع صوت الخطاوي موراها ، ضارت شافت جيهتو او تبسمات: صباح النور
عقاب كيدوز يدو على شعرو او عينيه مجبدين بالنعاس: صباح النور
تمشى جيهة الدوش او هي رجعات عينيها التلفازة حتى خرج لاوي عليه فوطة او شعرو الأسود نازل على عينيه كيقطر او هو كيردو بيدو اللور او أسماء متبعاه بعينيها كان منظرو مغري بالنسبة ليها خلاها تبتاسم او ترجع كتشوف قدامها او تكلمات بهدوء
أسماء : الزين او لمن عطاه الله
عقاب ضار شاف فيها : قلتي شي حاجة
أسماء ضارت شافت فيه بابتسامة او حركات راسها بالنفي : لا
عقاب هز براسو او هي رجعات عينيها قدامها بينما هو جبد حوايجو او بدى كيلبس ، سالا لبسو او هو يتسمع الدقان فالباب خلى أسماء توقف من مكانها او مدات يديها لعباية كتلبسها او تمشات غادي جيهة الباب او عقاب شاف فيها
عقاب : غير جلسي انا نشوف شكون
أسماء رجعات جلسات: غادي يكونو جابو الفطور انا لي طلبتو ملين دخلتي الدوش
مشا هو الباب او فتحو كان موظف جايب الفطور ، شاف فيه او تكى الباب اكتر او شد الپلاطو من يدو او دخل ساد الباب موراه ، حطو على الطابلة قدام أسماء او دارو يديهم بزوج كياكلو بهدوء ، عقاب سالا او ناض او هي بقات كتاكل ، مشا دار الپيسيات بجوج فالمحفظة معاهم الملفات او مشا الكوافوز هز تليفونو حتى كيبان ليه تليفون أسماء مشعول كيصوني مي كان دايرا ليه صيلونس ماتسمعش الصوت ، هزو بين يدو او شاف جيهتها
عقاب: تليفونك كيصوني
أسماء شافت فيه مزال كتندغ: شكون
عقاب نزل عينو لرقم او شاف فيها: بريفي
أسماء باستغراب : غير حطو (رجعات عينيها قدامها) لي بغا يصوني يطلع نمرتو مالنا خدامين مع المافيا
عقاب ماداهاش فكلامها عينو مع داك الرقم بريفي برزطو او هو يدوز الخط حاطو على ودنو
عقاب بهدوء: ألو
صوت رجولي : ألو هادا رقم أسماء شكون انت
عقاب هز حاجبو: انا راجلها
صاحب الصوت : مشرفين اسيدي، ايلا كانت جنبك واش تقدر تعطيها التليفون او قولها انا رشيد ، راه كتعرفني
عقاب باستغراب: ملين كتعرفك علاش مصوني بريفي
رشيد: ماعنديش الصولد او صونيت من التليفون ديال واحد الصديق ، واش ممكن تعطيها التليفون
عقاب حيد التليفون من ودنو او طلع عينو فأسماء لي ملهية مع الماكلة او تكلم بهدوء : شكون رشيد
أسماء شافت فيه او الإبتسامة على وجهها: خو فرح صاحبتي
عقاب رجع عينو لتليفون قطع الخط او شير بيه حتى تضرب مع الحيط او نزل الأرض مشتت
ههههههههه اويلي مالو هادا 😂😂
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
