كتاب الأمل 💜
الجزء 67
وصلو الطنوبيلات الداخل القصر ، او عبد الله بات أسماء غير حال فمو مامتيقش بلي بنتو عايشة فهاد الخير كامل ، مافاق من سهوتو حتى نغزو السيد لي جنبو
عبد الله شاف فيه باقي على وجهو ملامح الدهشة : شنو
السيد: راه وصلنا
عبد الله شاف من الزاج او هو يتفتح ليه الباب من طرف الكارد ، عاد نزل كيضور فعينيه هنا او لهيه او كيقلب على أسماء حتى بانت ليه داخلا القصر او جنبها جسم رجل شي لي خلاه يجمع حجبانو مستغرب
الكارد : تفضل اسيدي
عبد الله هز ليه براسو او تمشى تابعو حتى دخلو القصر لداخل او عبد الله دايخ بهاد المنظر حينت بصح هادي آخر حاجة يتوقعها ، كالس كيهندس فداك القصر حتى وصل الباب ديال الصالون او تسمع صوت عقاب لي خلاه ينتابه ليه
عقاب مخاطب الكارد: وقفو فالباب مابغيت حتى واحد يدخل
الكارد حنا الراس: واخا اسيدي
الكارد خرج او عقاب شاف فعبد الله او سيد لي جنبو : دخلو
دخل عبد الله او السيد جلسو مقابلين مع عقاب او أسماء لي كانت كطلع غير عينيها
عبد الله كيشوف فعقاب: شكون انت
عقاب : راجل بنتك
عبد الله شاف فأسماء لي كانت مطلعة فيه عينيها: تزوجتي بلا خباري
أسماء بتوتر: مجاتش الفرصة ابابا
عقاب كيخاطب عبد الله : سي عبد الله ، الهضرة غادي تكون معايا ماشي مع بنتك ، حينت هي دابا مراتي او انا الوصي عليها
عبد الله : هي بنتي قبل ماتولي مراتك
عقاب هز براسو : دابا هضرتي،(هز حاجبو) ممكن سؤال
عبد الله: ايه
عقاب : علاش جاي
عبد الله خنزر: جاي نشوف بنتي
عقاب باستهزاء: بنتك
عبد الله بثقة : اه بنتي
عقاب: كون جيتي او لقيتي بنتك باقا بوحدها كانت غادي تشدك او تضايفك (تكى بظهرو على الوسادة) ولكن انا مامرحبش بيك عندي
عبد الله كيتجابه معاه: او انا ماغاديش نخلي بنتي مع واحد مامرحبش بعلئلتها
عقاب بهدوء: انا نهار تزوجت ببنتك مكانش عندها عائلة (هز حاجبو) او على حساب مقالت ، عائلتها كانت مجرية عليها
عبد الله شاف فأسماء مخنزر: أسرار الدار كتخرجيهم البراني
عقاب: قلت ليك الهضرة معايا ، او انا ماشي براني انا راجلها اسي عبد الله
عبد الله وقف : بنتي ماغاديش نخليها معاك او غادي انديها (شاف فأسماء) كيما طلقتي من هاداك لي زوجتك بيه او رجعتي عندي ، انا دابا غادي نطلقك من هادا او نديك بيدي
عقاب وقف او أسماء حتى هي وقفات بانت ليها غادي تشبك او تكلمات كترجف: هادا لي باغي طلقني منو هو لي وقف معايا فالأزمة ديالي (نزلو دموعها) او انتوما لي قلت عائلتي جريتو عليا او أنا فأمس الحاجة ليكم ، جاية بأمل أن عائلتي غادي تفرح بشوفتي من بعد ما غبت عليها عاماين او فالأخير جريتي عليا او سمعت منك كلام خلاني حاقدة على الأبوة المدة 6 سنين (عضات شفتها كتحاول تحبس شهقتها) علاش راجع دابا او باغي دمر ليا حياتي ، عاد بديت كنتأقلم مع الوضع او كنسى لي وقع ، علاش رجعتي باش تفكرني فلي داز (حركات راسها بالنفي او دموعها مزال نازلين من عينيها شلال) مانسمحش ليك لا دنيا لا آخرة على لي دوزتي عليا ، لبستيني الحجاب مزال صغيرة مكنعرف والو ، او نهار عرفت زوجتيني بواحد قد با باش تقاد وضعيتك ، كنتي فقير فمالك ، او فقير فإحساسك او حتى ضميرك ، انت كنتي النموذج للفقر بكل معانيه ، الدين بريئ من داكشي لي درتي ليا ، كنطلب من ربي حاجة وحدا هي ياخد ليا حقي منك ، او كيفما عدبتيني فحياتي او خليتيني ندوق المرار فمراهقتي بغيت ربي يجيب ليك بلاء تلهى فيه عليا ، انا مكنعتارفش بيك بابا من نهار جريتي عليا من باب الدار لي درتيها على ظهري .
سكتات او هي كترجف بالبكى و أخيرا قدرات تخرج لي فقلبها ، دابا تقدر ترتاح ، كان الكل كيشوف فيها او هي كتهضر بينما عقاب كان مترقبها بعينو او هي كترجف حتى بانت ليه فقدات التوازن او غادي الطيح ، عرض يدو ليها شدها او هزها بين يدو او تما خارج مخطي عبد الله لي كان مصدوم حتى وصل الباب او شاف فالكارد
عقاب : خرجو عليا هاد الجوج مانبغيش نعاود نشوفهم قدامي (زير على سنانو) أسماء ايلا خرجات او تعرضو لطريقكم ماتخليوهمش يقربو منها (تمشى من قدامهم او هو كيشوف فأسماء لي مغيبة فيدو او تكلم بهمس) حقك غادي يتخاد على يدي
هاحنا تهنينا من عبد الله ، او كيف كتشوفو أسماء باقيا نفسيتها مدمرة بسباب لي دار فيها
أنت تقرأ
كتاب الأمل 📖مكتملة📖
عاطفية💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
