كتاب الأمل 💜
الجزء 121
عقاب زيير على شفتو التحتية بعصبية او عينيه تحولو الحدة من كلامها لي قالت ، بدى كيحس بدمو كيغلي او اللا وعي ديالو كيقولو ضربة وحدا ماتفيق حتى العام الجاي ، ساط النفس من فمو خرج سخون حتى ضرب فوجه أسماء لي طلعات فيه عينيها او يديها بدات كترجف(تخاف ماتحشم) او هو تكلم بهدوء خلى قلبها كيضرب بوتيرة سريعة
عقاب: كاين حلل واحد لابغيتي مانديرش شي حاجة نندم عليها
أسماء لسانها بلعاتو او هي كتشوف فيه او حدها حركات راسها باغيا تسمع شناهو هاد الحلل
عقاب : تجيبيها
أسماء خرحات صوتها كيرجف: انا ماهربتهاش باش نرجعها
عقاب غوت فوجهها حتى قفزات: غاااادي ترجعيهااا بلااا نقاش
أسماء ناضت من قدامو كتبكي او هو تبعها بعينيه حتى بانت ليه خرجات من البيت او زدحات الباب موراها حتى تسمع الزداااف ، ناض هو من بلاصتو النفس كيطلعها او ينزلها بعصبية او ضرب ديك الطابلة لي كانت قدامو حتى تقلبات جات مشتتة فالأرض ، عض على قبضة يدو كيحاول يهدن راسو حينت لامشى حتى خرج من البيت او نزل التحت غادي تاكلها من عندو مافيهاش التخرشيش ، او هو هادشي لي ماباغيش ، مايقدرش يضربها حينت يخاف يصدر منها شي فعل يخلي علاقتهم تتدهور
تمشى جيهة الدوش دخل ليه او شعط الباب موراه بعصبية
اما عند أسماء لي غير خرجات من عندو مشات بدموعها عند راضية ، دقات عليها فالجناح ديالها او دخلات لقاتها فايقة ، مشات جلسات جنبها على السرير او راضية كتشوف فأثر الدموع على حناكها ، تخلعات ظنا منها ان عقاب دار ليها شي حاجة
راضية بخوف : مالك ابنتي
أسماء بدات كتمسح فحناكها : غادي نعاود ليك الحاجة او جي مني ماتقوليش ليا راني غلطت (واخا امدام اسمااء)
راضية هزات براسها : واخا ابنتي هضري
أسماء : البارح انا لي عاونت فدوى تخرج من القصر مابغيتوش يقتلها انا خايفة عليه هو من عذاب الآخرة ، او حتى فدوى قطعات ليا قلبي واخا دارت غلط مكيتغفرش ، او ملين قلتها ليه قاليا رجعيها (بدات كتبكي ثاني) انا ماخرجتهاش باش نعاود نرجعها
راضية كانت كتشوف فيها مصدومة : مادار ليك والو
أسماء حركات راسها بالنفي او هي كملات كلامها : متأكدة
أسماء : والله
راضية : وانوضي ابنيتي رجعيها ، راه ملين مادار ليك والو حمدي ربي او شكريه (خسرات سيفتها ) حتى هاديك تبقى فيك ، لي دار الذنب يستاهل العقوبة
أسماء: قلت ليك الحاجة جي مني
راضية : تي سيري عندو قولي ليه غادي نرجعها ، واش انت باغيا تقلبي علينا القصر ، انا لي جداه او ماقدرت نديرها بقى غير انت ، سيري الله يرضي عليك
أسماء وقفات من مكانها بعصبية او تمشات خارجة من البيت كتهضر تحت نيفها : والله مانرجعها ، يتفرگع لا بغى انا مالي
سدات موراها الباب او راضية لي كانت متبعاها بعينيها تنهدات : عندك الزهر ابنيتي اما كون دوز عليك فبلاصتها
أسماء تمشات جيهة الكوزينة حتى دخلات على الخدامات لي كانو كيوجدو الفطور او شافو فيها مستغربين ، حتى تقدمات جيهتها وحدا من الخدم
الخدامة : محتاجة شي حاجة امدام
أسماء هزات براسها : شي حامضة مصيرة قطعيها او ديريها ليا فشي طبسيل عافاك
الخدامة هزات براسها او على ملامحها الاستغراب ، دارت لي قالت ليها او جابتو مداتو ليها ، هي شداتو او خرجات من تما لجيهة الصالون لي كان خاوي او جلسات تما كتاكل او تفكر
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
