كتاب الأمل 💜
الجزء 70
أسماء: دابا واش جبتيني هنا باش تحبسني
عقاب تنهد او تمشى خارج: هانا راجع
هي جلسات على اقرب فوطوي ليها او حطات يديها على ديك الصدافة كتقادها او خدات فنيتة من الصاك حينت بصح ديك الصدفة غادي الطير ، شدات بيها او بقات كتسنى حتى رجع عندها حرك ليها غير راسو باش تبعو او هي لبات أمرو ، حتى ضارو على ديك الدار كيبان ليها الإسطبل ديال الخيل فيه بزاف مستفين واحد جنب واحد خلا عينيها يلمعو بالفرحة او بدات كتزرب فخطاويها حتى وصلات قدام واحد لونو بني ، قربات منو بهدوء او مدات يديها بشوية كتخليه يشم ريحتها باش طمنو بلي ماغاديش تأديه ، بان ليها مكالمي او هي تهز يديها بشوية حتى حطاتها على وجهو كتحركها بشوية او عقاب واقف جنبها او هضر بخفوت
عقاب: فايت ليك ركبتي الخيل
أسماء كتشوف فالخيل لي قدامها بابتسامة : ملين كنت فالسعودية كان عندهم الخيل تما ، او كنت شي مرات كنمشي نركبو ، حتى ولا عندي هواية
عقاب تحرك من جنبها او مشى جيهة حصان آخر كان لونو أسود غير شافو بدا كيحرك راسو او يصهل ، فتح ليه الباب او خرج كيضور عليه او عقاب كيدوز على وجهو بهدوء او شاف فأسماء: حلي عليه نضربو ضورة
أسماء دارت لي قال ليها او هو خرج جار موراه الخيل ديالو حتى وصل لأرض متربة عاد ضار شاف فأسماء ، طلق الخيل او قرب منها هزها ركبها على الحصان لي خرجات عاد ركب هو ، او زاد غادي بيه بشوية وسط ديك الأرض الواسعة او أسماء جنبو كتبتاسم ، ضربو مسافة مكانتش طويلة فصمت حتى كانو قدام واد ، وقف عقاب او نزل او هي دارت فحالو ربطهم مع شجرة او عقاب جلس منو الأرض او حيد الكاط من رجلو او دارهم فالماء او أسماء قربات منو او تكات على فخاضو مطلعة فيه عينيها كتبتاسم
عقاب حط يدو على الزيف محيدو ليها او بدى كيلعب فشعرها او هو كيشوف فملامح وجهها او هي غمضات عينيها
عقاب رجع كيشوف قدامو فالماء لي كيجري او تكلم بهدوء: كتحسي براسك مزيان
أسماء فتحات عينيها : كنحس براسي فرحانة علاش
عقاب شاف فيها : بغيتك ترتاحي
أسماء ابتاسمات: مرتاحة(عرضات ابتسامتها) اش بان ليك نغني ليك
عقاب هز حاجبو : تغني ليا ؟!(أسماء هزات راسها بالإيجاب) اوك غني
أسماء غمضات عينيها او حنحنات: *حين التقيتك عاد قلبي ناابضا*
*و جرى هواك بداخلي مجرى دمي*
*و شعرت حضنك دافئا و رأيتني*
*رغم الحياء أذوب فيه و أرتمي*
*قل لي أيا رجلا لأي قبيلة*
*و لأي عصر أو لجنس تنتمي*
*و لمن تعود أصول عينيك التي*
*أضحت قناديل الضيااء بعالمي*
فتحات عينيها شافت فيه لقاتو مبتاسم ابتسامة خلات قلبها يبدى يضرب فالتسعين
عقاب بهدوء: نسميه اعتراف
أسماء عضات شفتها التحتية بتوتر او حناكها توردو بالخجل او هزات راسها بالإيجاب
عقاب نزل راسو عندها حتى حط شفايفو على شفايفها بهدوء حتى تدمجو او هي غمضات عينيها مخليا إحساس القبلة يسرح مع جسمها حتى كتحس بيه بدا كيفتح فشفايفها او يجر بالوحدة بالوحدة غير بالهداوة او ميدوز الثانية حتى يقنع من اللولة او هي مستسلمة كليا ، عقاب صافي ترفع او ولا كيحس براسو تزير اولا زاد غير شوية غادي يولي خاص يبدى يحيد فالحوايج او هو يتهز عليها شوية او شاف فعينيها لي باقين مسدودين ، باسهم بزوج عاد فتحاتهم فيه حشمانة منو
عقاب : نوضي نمشيو
(كنطالب بشي بوسة فحال هادي ، البنات زوجوني راني كنعاني 😭😭💔)
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
