كتاب الأمل 💜
الجزء 85
رنيم دخلات تحت دراعو او طلعات فيه عويناتها كتستعطفو زعما : غا دير معايا شي حل ساليتي معايا
ياسين صافي سالاتهم ليه بدى كيضحك او حيدها من تحت دراعو: نوضي فحالك راه غادي نضربك
رنيم ناضت من جنبو بالنفضة او خنزرات بطفولية: مكتقدروش الحب من أول نظرة (هادي هي ديك البرهوشة ديال صاحبتك لي الدري لي شافتو بغاتو هههههه)
خرجات كطير من الصالون او ياسين رجع كيشوف فتليفونو او كيضحك على تصرفاتها
____ 09:00 ديال الصباح بتوقيت باريس _______
مطار باريس شارل ديغول الدولي ، حطات الطائرة لي فيها عقاب او أسماء داخل هاد المطار الدولي المعروف على الصعيد العالمي او نزلو بزوج بيهم ، جا كارد فيدو الشانطات وقف جنبو او توقفات عند رجليهم سيارة من نوع رونج روفر فالأسود ، ركب لور او جنبو أسماء عاد حط الكارد الباليزات اللور او تحركات الطنوبيل خارجة من المطار حتى بداو كيبانو مناظر باريس الخلابة او كدوزو على البنايات الكلاسيكية الخاصة بهاد المدينة لي مايمكنش تشوف نفس مناظرها فمكان آخر ، ناهيك على برج ايفل لي كان كيبان من الزاجة الأمامية ديال السيارة حتى كتقول بلي قريب او كونما زادت السيارة بالاقتراب كونما كتعرف بلي غير الطيف ديال ايفل
مدة مكانتش طويلة حتى وقفات السيارة قدام فندق خمس نجوم بتصميم فرنسي ، واقيفن زوج ديال الكارد فالباب خاصين بعقاب كانو فانتظارو ، بمجرد مانزل دازو الباليزات هزوهم او تمشاو موراه او هو داخل للفندق بكريزما او جنبو ست الحسن بمشيتها المتوازنة كتشوف فهاد الفندق لي عمرها عرفاتو او حلمات تشوفو او هاهي ليوم غادي تنزل فيه لأيام طوال
وصلو لسانسور او دخلو او معاهم الكارد ، برك على الطابق لي فيه السويت ديالهم او بعد مدة توقف السانسور او خرجو او الكارد موراهم حتى توقف قدام باب أحد الأجنحة ، دوز البطاقة او تفتح الباب او مدها لعقاب حاني راسو حتى دخلو او دخل لي كان جار الفاليزات حطهم او خرج او تسد الباب عاد تحرك من تما
أسماء غير دخلات بدات كتحيد فطالون لي فرجليها او هي كتشوف فالجناح لي كان مرتب او تصميمو كلاسيكي خليط بين فرنسا العتيقة او فرنسا الحالية ، ثريات من الكرستال عاطيين إضاءة فحال ضوء النهار او فوطويات من الجلد الأسود جاو فقنت كيبان فحال صالون صغير ، او السرير لي كان كبير الكوفرلي ديالو فالبني او الوسايد بالرمادي عاطيين خليط رائع ، عاد خامية لي كانت مغطية الباب الزجاجي لي كيخرج لبالكو لي كان كيطل على برج ايفل
تكات على السرير او تنهدات براحة عاد تكلمات بخفوت
أسماء: غادي النعس من دابا حتى الستة ديال العشية
عقاب كيحيد فحوايجو او يشوف فيها: ايلا نضتي دوشتي غادي تصحصحي او تغيري رأيك فالنعاس
أسماء ناضت جالسة : انت راك نعستي فالطيارة انا راه ماشفتوش
عقاب مجاوبهاش على كلامهاحدو رمقها بنظرة باردة او مشى الدوش او هي ناضت حيدات ديك الكسوة او جبدات بيجامة من الباليزة عبارة على شورط او تيشرط من الفوق بزوج بالأبيض او دخلات فالفراش او غمضات عينيها كتحاول تنعم بالنوم ، حسات براسها غمقات فالنوم او هو يدخل جنبها عقاب حتى هو يرتاح شوية 6 السوايع فالطيارة ماشي ساهلة واخا نعس باقي حاس بالعيى
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
