كتاب الأمل 💜
الجزء 46
وقفات الطنوبيل وسط القصر او نزل عقاب هو اللول عاد نزلات اسماء او موراها فرح لي كتشوف فالقصر باستكشاف او تبتاسم ، شدات من دراع أسماء او بدات كتمشى داخلا معاها او كضور عينيها هنا ولهيه
فرح: شتي ها ربي جازاك على صبرك (شافت فأسماء لي كتشوف فعقاب قدامها ) هادا هو حفيد راضية ياك
أسماء شافت فيها او هضرات بين سنانها : قطعي حسك افرح ، سكتيني ليرحم جدك والله ماوقت اسئلتك
رجعات كتشوف قدامها او دماغها خدام ، تاتقول مع راسها كيفاش هاد الزواج ياك هو مزوج
دخلو الصالون لقاو تما راضية او سوسن او نبيل ، لقاو السلام ،او جلس عقاب او عاد جلسات اسماء او فرح جنب بعضياتهم
راضية كتشوف ففرح: شكون هادي ابنتي
أسماء : هادي فرح صاحبتي الحاجة
راضية ابتاسمات : متشرفين ابنتي
فرح : الشرف ليا الحاجة
راضية شافت فعقاب : شفتكم جيتو مجموعين
عقاب شاف فأسماء او رجع ساف فراضية : تلاقينا فالطريق
راضية هزات براسها : مزيان اولدي
عقاب وقف : غادي نمشي ندوش(شاف فأسماء) من بعد العشاء نبغي نلقاك مع الميمة فالجناح ديالها بغيت نهضر معاك
تمشا خارج من الصالون او راضية شافت فأسماء او دوات هازا حاجبها باستغراب: وقعات شي حاجة
أسماء حتى هي مستغربة : حتى يهضر هو ، انا ماعارفة والو
راضية هزات براسها او عيطات على الخدامة جابو ليهم قهوة ، من بعد تعشاو مجموعين من غير عقاب لي مكانش ، او بعد إلحاح كبير من راضية على فرح قدرات تقنعها تبات فالقصر او عطاوها بيت
كل واحد وسط بيتو إلا أسماء لي كانت فالجناح ديال راضية كتمشي او تجي او تطرطق فصباع يديها بتوتر او راضية جالسة دايرا نظاظر او فيديها كتاب كتقرى فيه او مرة مرة تهز عينيها فأسماء
راضية :جلسي ابنتي راك دوختيني
أسماء جلسات على طرف السرير : سمحي ليا الحاجة ، راه غير سي عقاب تعطل او انا بغيت نمشي النعس
على إثر كلامها تفتح الباب او دخل عقاب بملابس النوم عبارة على سروال توب او تيشرط مع كلاكيطة فرجليه سد الباب او تقدم جيهتهم جلس على الفوطوي او شاف فراضية لي حطات الكتاب عاد شاف فأسماء لي كانت كتشوف فيه او كتسنى تعرف أش غادي يقول
عقاب رجع شاف فراضية : احم الحاجة انا فكرت فهضرتك ديال البارح او بان ليا بلي هضرتك على صواب ، اولا قبلات أسماء الله يكمل بالخير
أسماء كتشوف فيه باستغراب: شنو غادي نقبل
راضية سبقات عقاب فالكلام او هضرات بفرحة : نهار كبير هادا اولدي عقاب ، والله ايلا فرحتيني (شافت فأسماء عينيها كيلمعو بالفرحة) بنتي أسماء ولدي عقاب طالبك لزواج ايلا قبلتي
أسماء بصدمة : كيفاش
راضية كضحك: اه ابنتي ، ماتلقاوش حسن من بعضكم ، قبلي ابنتي او ديري الماء ملين يدوز
أسماء شافت فعقاب لي كان مترقبها بعينيه او منتاظر جوابها : ولكن هو مزوج
عقاب : هادشي مكيمنعش عليا نعاود انتزوج مرة اخرى
أسماء بدهشة : ولكن (سكتات مالقات ماتقول )
راضية بابتسامة: فكري ابنتي ، ولدي عقاب مايخصرش ليك او غادي يكون ليك نعم الزوج(ضحكات) واخا ناقص من ناحية دينو شوية ، ولكن انت تكمليه
*يتبع
أنت تقرأ
كتاب الأمل 📖مكتملة📖
عاطفية💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
