كتاب الأمل 💜
الجزء 116
لبسات عبايتها او قادات شال على راسها عاد تقدمات جيهتو مد ليها دراعو شدات فيه او خرجو من الجناح ، نزلو التحت او دخلو الصالون أسماء مع الدخلة مع كيبان ليها عبد الله او خوها حسات بقلبها قفز من مكانو بالخلعة ، ضورات عينيها او هي تجي على المراة لي كانت دايرا النقاب ، غين من قوامها عرفاتها مها او خلات الخلعة لي فقلبها تتلاشى او اظهر ابتسامة على محياها ، بالفرحة طلقات من يد عقاب او مشات جيهتها او مها وقفات من بلاصتها ملين شافت بنتها جايا جيهتها حتى تلاحت عليها معنقاها او مها بادلاتها العناق بشوق او هي كتكلم بهمس ولل لقلب أسماء
هنية : توحشتك اكبيدتي
أسماء بداو دموعها نازلين بالفرحة او همساات: حتى انااا
مدة طويلة او هوما معانقين حتى بعدات أسماء كتبتاسم او تمسح فدموعها : مرحبا بيك
هنية ابتاسمات من تحت خمارها : ترحب بيك الجنة ونعيمها
أسماء زادت عرضات ابتسامتها او ضورات عينيها جيهة خوها لي كان كيشوف فيها او عينيه كيبانو فيهم لمعة ديال الدموع قربات منو او عنقاتو حتى هو مخلية عقاب حجبانو يتعقدو ، واخا خوها حس بنغزة فقلبو ، بينما أسماء بعدات على خوها او شدات وجهو بين يديها او باست راسو
أسماء: خليتك صغيور ، كبرتي وليتي طول مني
ابراهيم(خوها) كيضحك: بنادم كيكبر
أسماء ابتاسمات او خربقات ليه شعرو بحركة من يديها عاد شافت فعبد الله او نزلات عينيها بخوف حتى شافت خطاويه تقدمو عندها حط يديه على كتفها خلاها طلع فيه عينيها مغشيين بدموع
عبد الله باين الحسرة فوجهو او تكلم بخفوت : سمحي ليا ابنتي على لي درت معاك ، عارف راسي درت شي حوايج مايتغفروش ولكن مكنتش عارف اش كندير (نزل عينيه باحراج) طمع الدنيا لي كان كيتحكم فيا
أسماء كتنخسس : عمرني ماحقدت عليك ابابا
عبد الله شاف فيها او هي تلاحت عليه معنقااه ، باغيا تحس بحنان الأب لي عمرها حسات بيه او تجرب يكون عندها اب كيبغيها او مستاعد يحميها
مخليا كاع لي فالصالون متأثرين بالموقف او عقاب لي باقي فبلاصتو كيشوف فيها او فرحان لفرحتها على الأقل قدر يعوض شي حاجة لي صغيرة هي أنه رجع ليها باها او عائلتها غادي تبقى جنبها ، واخا مايقدرش يعوض السنين لي عاشت بوحدها كتقاتل باش تعيش بعزها او أأهم حاجة كرامتها او كبريائها
بعدات على باها او هو دوز يديه تحت عينيها كيمسح فدموعها او باس على راسها بعمق ، كاعتذار او عاد تكلم
عبد الله : مبروك ابنتي (ابتاسم) قريب نشوف ولدك اولا بنتك (دوز يدو على راسها بحركة رضى ) فرحت ليك (شاف فعقاب لي باقي فمكانو او تكلم حشمان من داكشي لي كان دار معاه حتى عقاب ماخلاش من جهدو ولكن الغلط ديال عبد الله أعظم) مبروك اولدي
عقاب هز براسو او عينيه على أسماء لي كتشوف فيه مبتاسمة : شكرا
جلس كلشي او أسماء مشات جيهة عقاب جلسات جنبو او دخلو الخدامات كيحطو الضيافة على الطوابل حتى سالاو او خرجو كاملين ، بداو كيهضرو مع بعض او مريم فيها قوة الأسئلة او شدات فهنية مزياان كتسولها او تعاود او هنية من النوع لي مافيهش الهضرة بزااف ، حياتها كاملة عايشة بالسكات عبد الله قاطع فيها النفس ، مرات كتجاوب مرات كتميك عليها او أسماء كتشوف فيهم او تبتاسم او مرات تشوف فعقاب عينيها كيبرقو بالفرحة كتلقاه حتى هو متبع هضرتهم بصمت مكيعلقش على الكلام
حتى دخل الكارد على غفلة بخطوات سراع او ملامحو عليهم الخوف
الكارد مخاطب عقاب او كيتفتف فمكانو : سي عقاب .......
ايي فنظركم أشنو واقع تاني ، خخخ مانكمل هاد القصة تانتبلونطى 😂😂
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
