و عنـد العيال الي طلعوا يسهروا برا :
وليد : إذا ابوي جاء انا مالي دخل
سالم : لا بالله انت الي تبينا نسهر و تطلع نفسك من السالفه
سعود : دام الوضع كذا اجل انا رايح غرفتي سلام
سحبه سالم : هذي اخرتها معكم
وليد : سلوم تراني معك خله يروح عاد من زين سوالفه
سالم : عاد انت الي ماشاء الله سوالفك زينه اسكت بس
اتجهوا كل واحد لـ غرفته بعد هواش و تعب و ناموا
-
اليوم الثاني و تحديدا فـ بيت ابو فراس
ام فراس : ي جوجو ي بنيتي تعالي هناا
الجوهره : هااه يمه جايه لحظه
ام فراس : ي بنتي اسمعي بقولتس شي انا
الجوهره بخوف : وشو ؟
ام فراس : ولد عمتس جاء يبي يخطبس
شهقت الجوهره بصدمه : وشووووو مننهووو
ام فراس : ذياب من غيره
الجوهره : مابيه مابيه
ابو فراس : غصباَ عنتس تبيه وش الي م ابيه الولد عاقل و محترم و م فيه الا كل خير
الجوهره بقهر : يبه م ابيه مهوو غصبب !!!
ابو فراس بصوته الثقيل و عصبيه : متى أن شاء الله ناويه تنخطبين و تخلصين كبرتي خلاص
الجوهره : إذا لقيت الي ابيه
ابو فراس : اي زين خلاص لقيتيه و ذياب بيصير الي تبيه ان شاء الله
صاحت الجوهره ب قهر : انا م اابييهههه يبه وش ذا
ابو فراس : عطيني عذرتس ليه م تبيه؟
سكتت الجوهره وهي تطالع فيهم كلهم و الدموع ف عينها وهي مو قادره ترد عليهم
ابو فراس : هاه اشوفتس ساكته
دخلت غرفتها و دخلت وراءها امها و ف الصاله
فراس : يبه إذا هي م تبيه خلها مهوب غصب
ابو فراس : ادري مهوب غصب لاكن كلنا نعرف ذياب و ان شاء الله بتحبه م عليك منها
فراس : زين بكيفكم
ام فراس : ي جوجو ي حبيبتي ابوتس يسوي كذا عشان مصلحتس لا تزعلين
الجوهره : اعرف بس مو يغصبني على ذياب ونا م ابيه
ام فراس : يصير خير ي بنيتي يصير خير الحين خلينا ندخل لا يصير مشاكل و تحملي الحين عدلي نفسس و ملابسس و انزلي بسرعه
دخلوا كلهم للمجلس و كان الشيخ موجود
الشيخ : وقعوا هنا
وقع ابو فراس
الشيخ : منهم الشهود الثلاث ؟
تكلم فراس و قال بهدوء : انا الشاهد الأول
بندر ولد عمهم : انا الشاهد الثاني
حسن : ونا الثالث
أعطى ابو فراس العيال يوقعون ... بعد م خلصوا
ابتسم الشيخ قائلاَ : هل تقبل الزواج من الجوهره؟
ذياب ب ابتسامه و خوف : قبلت
اخذ ذياب القلم وهو يوقع و اخذ الخاتم وهو يمد يده يدخل الخاتم ب اصبع الجوهره الي من داخلها منهاره
-
و فـ بيت ابو سلطان
ابو فهد : وينهي امي
ام فهد : ب الصاله تسولف ب الجوال
ابو فهد : زين و العيال وين
ام فهد : وراك
لف ابو فهد عليهم : ماشاء الله عليهم احسب نايمين بعد
وليد بصوت عالي و ضحك : لاا مو نايمين لا تخااف
سالم : يبوي العب زين انت
وليد : مسوي طالع منها انت و راسك
خلف : كيف الحين تلعبون زين ولا اقوم
سعود : لااا ابشر نلعب زين
خرجت ام سلطان تبشرهم عن خبر ان ذياب تقدم ل الجوهره م تدري ان في الي م راح يفرحون بهالخبر : تعالو تعالو اقولكم
ام خلف : عسى م شر
سعود بضحك : الله وش عندتس ي جدتي مستانسه
ام سلطان : تعرفون الجوهره بنت فاطمه اختي
فز سالم يوم طرا اسمها وقال : اي شفيها؟!
ام سلطان : صارت ل ذيااب
نطت اميره بصدمه : ووشو
تجمد سالم وهو يسمعهم و لاهو مصدق الدنيا وقفت أحلامه تحطمت وهو يحاول يستوعب
اريام : لمنوو طيبب؟؟؟؟
اخذ سالم نفس عميق وهو مو مستعد يسمع من هو الي خطبها
ام سلطان : ذياب
همست بيان ل اميره : يحرام البنت ف خاطرها سلوم
اميره : ي جدتي البنت موافقه عليه؟ هي تبيه
ام سلطان : والله ي بنيتي يقولون م تبيه ابوها الي اجبرها و ان شاء الله يتهنون
ضرب خلف كتف سالم بهدوء : سالم تعال شوي
فز سالم عليه : طيب
دخل سالم و خلف للمجلس
خلف : سلوم انت تحب الجوهره ؟
سالم : هاه وش قاعد تهبد لا
خلف : سلوم تراني اعرفك و واضح عليك
سالم بـغصه : ايه ي خلف ايه والله اني حبيتها من قلبي
خلف : وليه م تقول من قبل عشان نكون معك
سالم : خلاص صار الي صار
خلف : طيب هي تحبك؟
نزل سالم راسه بضيق : اي ي الخلف تحبني و قلت لها و قالت لي بس م ادري اذا كان ذا كله ضحك و مزوح
دخلت اميره بعد م سمعتهم و قالت : ايه تحبه و تبيه
فزوا على صوتها بصدمه : وش تسوين هنا انتي
اميره : سمعتكم ونا جايه
خلف : اي وش قلتي؟؟
اميره : اقولك اي جوجو تحبه و قالت لنا
رفع سالم حاجبه بصدمه : شلون عرفتي
اميره : لا تستعبط
خلف : وش بنسوي يعني م بيدنا شي راحت البنت و لعلها خيره ويكفيك شرها
تنهد سالم بحزن و هو م بيده شي يسويه استسلم و قال : طيب
خرجوا العيال للحوش و كان خلف متمسك ب سلوم و يحاول يرفع معنوياته
ام سلطان : جايين عندنا بعد شوي
ام فهد : منن
ام سلطان : ام فراس و عيالها وش فيتس
سالم : ي الخلف م اقدر
خلف : تقدر ونا اخوك تقدر تحمل و خلها على ربك
-
و عند البنات
اريام : يحرام والله سالم كسر خاطري عانوه
اميره : م ألومه والله حبها الولد وهي حبته و دخل بينهم ذياب و أخذها والدنيا قسمه ونصيب شنسوي
اريام : لعلها خيره له م ندري وش يصير بعدين
اميره : المهم بروح ابدل ملابسي الناس جايين لنا
اريام : اجل انا راجعه سلام شويات وبجيكم
سُميه : انتبهي لنفسس
-
بعد م جوا اهل الجوهره
ام سلطان : يهلا وغلا والله
ام فراس : يهلا فيتس
سحبت اميره الجوهره و تجمعوا ف الغرفه : جوجو صدق الخبر؟؟؟؟
ناظرتهم الجوهره و عيونها مليانه دموع و تعب و قهر
ديم : انطقيي وش فيتسس
ندى : اصبروا اصبروا تكلمي ي عيني وش فيتس
الجوهره : ياخي ابوي يبيني اتزوجه ونا م بيدي شي اسويه و انتم تدرون اني م ابيه
ضمتها اميره بقوه : يحياتي والله ندري ندري
الجوهره : تدرون اني ابي سالم ونا م ادري اذا هو يبيني او لا
اميره : ايه سلوم يبيتس و م شفتيه شكثر متضايق يوم سمع
الجوهره : بذمتس زعل
سُميه : اي والله
انهارت الجوهره بعد م عرفت : ابي اكلمه تكفون
ديم : وشو اكلمه اركدي
اميره : لا خلها تكلمه تعالي وراءي
مشوا البنات كلهم وراء اميره و اتجهوا للمجلس م دخلوا الا وهم يسمعون سالم الي جالس مع خلف و العيال يتكلم و داخله غصه و كتمه قال :
ضحكت م ابغى الناس تدري يابالفيت
لاكنها غصباَ عن العين ساحت
حارت دموعي في عيوني و صديت
و ارمشت ابيها م تبين و طاحت !
.
نزلت دموع سالم الي م تحمل كل الي صار و خلف الي كان جمبه م يدري شيسوي
و البنات الي جو عشان يكلمون سالم نزلت دموعهم وهم يشوفون سالم الي ضايق خاطره و رجعوا للغرفه
بيان : اخ كسر خاطري
الجوهره بضيقه : الحين بيحسبني م احبه و م ابيه
ندى : امشييي نكلم سالم مستحيل نقعد كذا
الجوهره : لا خلاص م راح ينفع الكلام
اميره : صادقه نشوف وش يصير و نتصرف وقتها
ديم : يعني خلاص الحين صرتي له؟
الجوهره : ايه
اريام : امشوا نطلع الحوش اساسا كلهم بيطلعون هناك و جدتي بتقول لنا نجي
البنات : تم
خرجوا البنات و جلسوا كلهم ف الحوش مجتمعين يسولفون الحريم على جمب و البنات قبالهم العيال
خلف بصوت خفيف : سلوم يبوي خلاص انسى
سالم بصوت هادي و متذبذب قال بكل حُب لـ جوهرته :
ياامرحباا
عليك اصوت
ونا مشغول في شاغليك
ولا في ريق من الاشواق لك مايبس
لا تقول ويني وانا للحين م اجيك
ان كان ودك تجيني
نطقوا العيال كلهم ب ابتسامه : مررحببااا بكك
عبد الرحمن : يسلاام عليكم
و كانت الجوهره الي مع البنات و م وخرت عيونها عن سالم الي كان مبتسم و داخله مكتوم : انا ادري انه يحسبني م ابيه و اني اضحك عليه وش اسوي هالحين
قام سالم و اتجه للصاله و دخل غرفته و قامت الجوهره وراه
اميره : على وين؟
الجوهره : بروح شوي و بجي انطري
راحت الجوهره وراء سالم عشان تكلمه و الدموع محاوطه عينها و قالت بهدوء و صوت متقطع : س.سالم
فز سالم على صوتها الي كان متوقع انه م راح يسمعها ابدا وقال و النار مشتعله فقلبه : هلا؟
قربت الجوهره وهي تقول : سالم انت تدري اني م ابي ذياب صح
سالم : طيب؟
الجوهره : وش فيك كذا بارد ياخي والله اني احبك ولا ابيه بس ابوي و مقدر اكسر كلمته شسوي
غمض عيونه بقوه و فتحها : صار الي صار عساتس تتهنين معه و ان شاء الله هو الي احسن مني
الجوهره : سلومم اناا ابيك انت م ابييهه ولا ابي غغيره
انفجر سالم و طلع كلشي ف خاطره : ونا بعد ابيتس ولا ابيتس تروحين ل غيري شنسوي ف ابوتس انا قاعد افكر وش اسوي بعد لا تحسبيني مستانس انتس بتروحين ل ذياب الي مدري من فين طلع ذا بعد
نزلت الجوهره رأسها بضيق : تمام اسفه إذا ازعجتك
حس سالم انه ضايقها ولا يبي يزيدها فوق الي هي فيه : ي الجوهره انا مو نيتي ازعلتس بس خليني اشوف الوضع كيف الحين انتي روحي عند البنات انسي سالفتي خلاص
طلعت الجوهره و هي تمسح دموعها و مو قادره تمسك نفسها و قبل لا تطلع قالت له : اطلع خلني اشوفك لان يمكن آخر يوم اشوفك فيه
وقف سالم و تقدم للخارج و الجوهره داخل تبكي و تمسح تبكي و تمسح . طلعوا للخارج و جلسوا كلهم
خلف : عسى ما شر؟
عبدالرحمن : وش فيه وجهه مقلوب!
خلف : بعدين اعلمك
سالم : ابد دخلت اشرب ماء و جيت
خلف : اي زين
وليد : ي سالم لا تتضايق كلنا معك و ان شاء الله بندور على حل
.
اميره : هاه شصار؟
الجوهره : م صار شي
ديم : لا تزعلين خلاص يعيني بيعرفون الحريم واضح انتس من اول تصيحين
حطت الجوهره رأسها على كتف بيان : واذا عرفوا م راح يتغير شي
كانت عيونها على سالم الي قبالها و ماسكه دموعها لا تنزل عندهم
ام فراس : يالله ي يمه ابوتس جاء
الجوهره : ليه يمه نبي نقعد تكفين
ام سلطان : خليها تقعد شوي
دخل ابو سلطان و معاه ابو فراس و ذياب
ام فراس : عانيهم جوو
وقفت الجوهره الي مو مستعده انها تركب مع ذياب الي صار زوجها هالحين و قال سالم بحزن و ضيق :
انا لو اني قادر اجيك جيتك
قطعت لعيونك طوال المسافات
ولا انتهى فيني على باب بيتك
حتى لو اعيد النظر ف العلاقات ؟
انسى ثلاث ارباعها م نسيتك
انساك ؟ هذي ثامن المستحيلات
السابعه كانت لقى ولا لقيتك
فهد : الله الله
سُميه بحزن : يقلبي عليه
فزت الجوهره وهي تسمعه و كانت معطيته ظهرها و يوم لفت عليهم م حست الا و سالم قام و دخل داخل بعد م شاف ذياب يقرب وهو يمسك يدها وسالم لو بيده يذبحه بس ابوها و جده موجودين وهذي المشكله
ذياب : السلام عليكم ورحمة الله
ام سلطان : عليكم السلام يهلا و مسهلا اقلطوا حياكم
ابو فراس : لا والله مشكورين جينا ناخذهم وراءنا اشغال
ام فراس بضحك : ان شاء الله بكره نجيكم
ام خلف : لازم لازم لا تنسين
ركبت الجوهره للسياره مع ذياب الي مو طايقه حتى تناظر فيه
ذياب : وش فيتس؟
الجوهره : مو شغلك
وقف ذياب السياره على جمب وهو يشرح لها : اسمعي انا ادري انتس م تبيني ولا تحبيني و ادري انتس تحبين شخص غيري كلنا نعرف منهو و تذكري اني م راح اضايقتس او اسوي شي يزعلتس انا لو اعرف انتس م تبيني م اخذتس توني عرفت كلشي وخلاص شسوي
خذيتس .
الجوهره : طيب انا م ابيك شسوي غصب هوو
ذياب : يصير خير
ارتاحت الجوهره وهي تحس انها رح تتخلص منه
و رجع كل واحد ل بيته و عند بيت ابو سلطان العيال الي سهرانين برا : ابوك ي الطفش
فهد : امشوا داخل نوم يلا
ابو خلف بضحك : صادق امشوا
خلف : اي انا اساسا رايح بدون م تقولون
سعود : افا تروح و تخليني
خلف : رح انت نام بعد ولا فالح بس تسهر إذا نمنا
قرص سعود خلف على يده : يحيوان ابوي هنا وربي بيجلدني لو درا اسكت
وليد : رح شف سالم انت لا ينام وهو زعلان
فهد : ي سلام زعلان ليه بعد
وليد : ااء
خلف : سلامتك تهاوشنا شوي وبس
فهد : اي زين
دخل خلف عند سالم وقال ب ابتسامه خفيفه و هدوء : سلوم
لف عليه سالم : لبيه؟
دخل خلف و جلس عنده : اسمعني لا تتضايق بتلقى غيرها خلاص البنت راحت مع الي الله كتبه ماهيب اول ولا اخر وحده ف الدنيا هي
سالم : لو انها سهله كنت بلقى لي غيرها بس انا حبيتها من قلبي يخلف شسوي
خلف : انسى خلاص م تدري شيصير بعدين استهدي ب الرحمن
تنهد سالم بتنهيده مستحيل خلف ينساها : ان شاء الله
طلع خلف وهو شايل هم هالولد الي تعذب بعد م تزوجت جوهرته
و الباقي راحوا غرفهم والي سهر برا و الي غيره و غيره ...
-
اليوم الثاني :
ابو فهد : يالله صباح خير
ابو خلف : صباح النور
ابو فهد : وينهم ذول لازم انا اقومكم ولا ويش
ضحك ابو خلف وقال : ي مشاري الناس برا صاحيين من قبلك
توسعت عيونه بضحك و صدمه : ااماا
ابو خلف : اي والله
و فـ غرفة خلف و بيان
خلف : بيان اسمعي انا حجزت التذاكر بنروح بكره ان شاء الله
بيان : تمام اهم شي انك بخير؟
خلف ب ابتسامه : زين زين الحمدالله
بيان : طيب امك تدري؟
خلف : لا والله انتي علميها انا هالحين راح الشغل
بيان : طيب انتبه لنفسك
خلف : ان شاء الله اذا تبون شي علموني هاه
بيان : تمام
ام سلطان ب الحوش : رتبوا البيت الحريم بيجون لنا
اميره : يمه اسالتس الحريم م يعرفون الا بيتنا؟؟
ضحكت ام سلطان و قالت : ايه
اميره : الصبر بس
ام سلطان : وش فيتس انتي ام فراس و ام بيان و ام محمد بس
اميره : تمام
-
بعد م جوا .... ام عامر : ييهلااا و غلااا
بيان : يهلاا فيتس يمه
ام سلطان : نورتي نورتي
ام عامر : نورتس
و دخلت عليهم ام فراس بعد ام عامر : السلام عليكم
ام عامر : عليكم السلام ورحمة الله وبركاتة
ام محمد : يهلا ب عروستنا
الجوهره : هلا فيتس ي عمه
جلسوا البنات و الحريم ف الصاله و العيال ب الصاله الثانيه الي جمبهم و يفصل بين هالصالتين باب
َ..
و فجأه وهم يسولفون عم الصمت عند البنات الي م يسمعون غير صوت العيال العالي
ام سلطان : وش فيهم ذول
ام فهد : يويلي ذا صوت سلوم
الا و يفتح باب الصاله و طلع سالم وهو معصب و منفس و قال بصوت عالي للعيال : لا اشوف واحد منكم يجي وراءي
سُميه : اكيد تهاوشوا ولا شفيه كذا
ام فهد : ي فهييدان وش فييهه اخوك
فهد : يمه خليه مزاجه ماش
الجوهره بصوت خفيف : شفيه سالم؟
انفال : م فيه شي متهاوشين و فهد يقول مزاجه ماش من امس
طلع سالم ل غرفته و راحت امه وراءه تشوفه
ام فهد : سالم وش فيك يوليدي؟
سالم : م فيني شي يمه تعبان شوي
ام فهد : طيب طيب اذا تبي شي علمني
ام عامر : شفيه؟
ام فهد : م فيه شي يقول تعبان شوي
ام فراس : اي زين خلوه
فزت الجوهره وقالت بصوت متذبذب : تعبان صدق؟
بيان : يعيوني انتي لا تتضايقين و بعدين الولد من حقه يتعب صرتي ل غيره خلاص لو انتي مكانه وش بتسوين لحد يلومه
ديم : صادقه
سكتت الجوهره بضيقه ب صدرها : الله يفرجها
قامت الجوهره و اتجهت لغرفة سالم بشويش وصلت لباب غرفته قالت بصوت هااااادي جدا : ساللم
فز سالم و حس انه روحه رجعت اول وجديد بعد م سمع صوتها : ياامرحبااا
الجوهره : ساللم تكفى افتح شوي
فتح سالم الباب : وش؟
الجوهره : وش بك ؟ تعبان
سالم : اي تعبان
الجوهره : سلامات من وش
سالم : لا تحاتين روحي عند البنات
الجوهره : سلوم انا قلت ل ذياب اني م ابيه و م احبه و قلت له كلشي
سالم : حصل خير ان شاء الله
الجوهره : ان شاء الله لا تتعب نفسك عشاني
خرجت الجوهره من غرفته و سالم الي حس ان روحه راحت ولا بترجع
-
ي الشيوخ شدو عشان انزل البارت الي بعده 🙏🤍🤍. .
أنت تقرأ
كل الامان في حُبك وكل الاماني قربك
Randomرواية كل الامان في حُبك وكل الاماني قربك للكاتبة : رهف القحطاني ✍🏻 - ثاني إنطلاقه لي 🤎. - ترقبوا معنا الروايه ✨.
