كل الامان في حُبك وكل الاماني قربك

B 10

ضحكت ام سلطان وقالت : عيالتس وراتس وراتس م راح تفتكين منهم
سعود : افا ليه وش مسويين حنا
ام فهد : وش م سويتوا
ضحك فهد وهو يناظر سعود
سالم : مسوي طالع منها ي الكبير
فهد : ضف وجهك بس
سعود : امي تبي تفتك مننا من الاخر
ام فهد : اي ان شاء الله جاي دورك انت و سلوم
شهق سالم بصدمة : يمه بسم الله خلينا نخلص بعدين بنلحق شوفي لس فهيدان انتي بس
لف فهد على سالم : شرايتس ي يمه تزوجينه اول واحد
ضرب سعود كتف سالم و ضحك : م عليك العاشق الولهان بعده م نسى بعض الناس
فتحت ام فهد عيونها بصدمه : يلي م تستحي على وجهك منو بعض الناس ههااه
سالم : ونتي صدقتيه يمه مع نفسه
ام فهد : ايه بصدقه وليدي ماهو تسذوب
سالم : افا ي ذا العلم يعني انا تسذوب
فهد : والله سليم مسوي نفسه مو داري عن شي لحين
ام فهد : اذلفوا بس شوركم مع ابوكم من الصبح يلا على غرفكم م ابي اشوف وجيهكم
سعود : سالم تعال عندي نسولف
سالم : لا اسمع حسك لان صدق جايك كف يخليك تنام
ضحك فهد وقال : يلا يلا بس والله امي تذبحكم
وعنـد بيان و الخلف في لندن ..
بعد م رجعوا للبيت دخلوا للفندق
خلف : اسمعي يعيني انا رايح اخلص كم شغله تحت وجاي م بطول خمس دقايق
بيان : خذ راحتك
طلع خلف و دخلت بيان للغرفه تبدل ملابسها و انسدحت ف الصاله تطقطق ف الجوال تسولف مع البنات تسالهم عن العلوم والأخبار و فجأه لمحت مقص على التسريحه و ضرب ف مخها تقص شعرها الي كان طوووويل ناعم حرريير ( ماشاء الله ) مسكت المقص و فتحت شعرها و بدأت تحدد المكان الي رح توقف عليه ولاكن كانت متردده و خايفه لان خلف كان يحب شعرها الطويل و امها بتقعد تهاوشها و غيره م حست الا و يدخل خلف و تجمدت في مكانها
خلف : وش تسوين
ضحكت بيان وقالت : بقص شعري
فتح خلف عيونه بصدمه : اذببحتس والله
بيان : امااننهه ياخي ودي اغيررر
خلف : ي بنت الحلال لا تفكرين فيها حرام عليتس ذا كله يروح على وشو
بيان : تكفى تكفى شوي بس من تحت بعدله
خلف : لا شوي ولا غيرهه
بيان : خلف انا اقولك تكفى
ناظرها خلف وهو يشوف حركاتها الطفوليه و قال بحنيه و ضحك : طيب بس بشرط
بيان : ابشرر
خلف : انا الي بقص لك
بيان : اجل تم
اخذ خلف المقص و بدا يقرب من بيان جلس وهو يمسك شعرها الحرييرر الي من شافه ضاعت علومه ضربت بيان رجله : يلاا
فز خلف : طيب شوي بس هاه
بيان : تمام من تحت على الأطراف قصه ابي اعدله
ابتسم خلف وقال : ابشري
بدأ خلف يعدل شعرها وبيان الي مشغله اغاني و تغني
خلف : كذا زين؟
وقفت بيان عند المرايه تشوف نفسها لفت لفه وهي تقول : الله ييججنن
ضحك خلف وقال : معليش والله م عرفت اقصه زين
قربت بيان وهي تقول : م عليك حلوو
ابتسم خلف و قرب منها وهو يقول بهدوءء : حلو؟
بيان : إذا بأيدك اكيد حلوو
شدها خلف عليه و هي تحس ب يدينه الي محاوطه خصرها : كلشي في حبيبتي حلو
ابتسمت بيان وقالت بخجل : يابعد الدنياا
وعنـد الجوهره و ذياب :
ذياب : ارتحتي؟
ابتسمت الجوهره : اي والله اني ارتحت
ذياب : الله يديم الراحه عليتس
الجوهره : اميين ويااك
جلس ذياب و انسدح على الكرسي وقال : بتقعدين هنا ولا؟
الجوهره : لا بنام
ذياب : طيب طفي اللمبه ونتي طالعه
الجوهره : بتنام هنا؟؟
ذياب : ايوا؟
الجوهره : ادخل الغرفه نام
ذياب : ونتي؟
الجوهره : وش انا
ذياب : وين ب تنامين
الجوهره : ذياب تستعبط ولا وشو ب الغرفه بعد
رفع حاجبه بصدمه : انتي عادي عندتس تنامين معاي ب سرير واحد؟
الجوهره : ايوا زوجي انت ؟
ابتسم ذياب وقال : طيب
دخل الغرفه و انسدح و الجوهره راحت تبدل ملابس النوم و تمسح المكياج
فـبيت ابو سلطان عند البنات ف الصاله سهرانين
سُميه : يحظهم جوجو و بيان مسافرين وحنا هنا
ديم : عقبالنا يارب
اميره : امين يارب
أنفال : مستعجلين على شنو جاي دورنا جاي
اريام : والله اني شايله هم جوجو مدري هي مرتاحه مع ذياب ولا لا
ندى : شاييلهه همها على شنوو البنت مصوره طالعه معاه يتمشون و مصوره وهي ماسكه يدهه ومدلعهاا
فتحت اميره عيونها بصدمه : اوف اوف هذي جوجو الي جايه تبتسي عندنا و تقول م ابيه و احب سلوم مدري وشو
انفال : ي خسارة عذاب ولد اخوي فيها
ديم : الولد يدور حل عشان يفكها من ذا وهي مستانسه معاه
سُميه : والله بنجيب ل سلوم اخوي وحده احسن منها بمليون مره وبعدين م درا عنها الولد مستانس مع اخوياه وهي تحسب مكسور قلبه عليها
ديم : خلاص ي بنات الله يستر عليها مالنا دخل فيها
اميره : قههرتنيي
ديم : إن بعض الظن إثم
اميره : الله يستر عليها بس
اريام : وش تتوقعون الحين اهل ريهام بيوافقون على فهود ولا
انفال : أن شاء الله بيوافقون
سُميه : ان شاء الله
-
اليـوم الثاني تحديدا في بيت ابو سلطان من الصبح
ابو فهد : ييللاا خلصوني وراااءي دوواام انا
فهد : لا اله الا الله ي يبه م يمر يوم الا ونت معصب
ام سلطان : مشكلتك الوحيده ي مشاري انك عصبي بس
ابو سلطان : ي فهد انت رح وراك محاضرات لا تتأخر و سلطان بياخذ البنات ونت خذ العيال معك
ابو فهد : ايوا كذا حلوو
ابو خلف : وش اسوي
ابو فهد : سلطان انت خذ معاك سُميه و اميره و انفال و عواش ونا باخذ معي سعود و سالم و وليد
عبدالرحمن : انا رايح مع فهد
ام الهنوف : يلا الله يوفقكم يارب
ام سلطان : تأخروا وينهم ذول
جلس ابو فهد وهو يقول بغضب : يمه والله بقوم و بخليهم
ام سلطان : خللصصواا يعيالي بسرعه
سعود و سالم : خلصنا باقي وليد
وليد : هذاني خلصت يلا مشينا
فهد : دحوم مشينا؟
عبدالرحمن : مشيناا
خرجوا و تقسموا كلاََ منهم على سياره
ام سلطان : يبناتي انتم تعالوا معاي بنروح نشتري اغراضنا الناقصه رمضان جاينا
ام الهنوف : يمه انا و ام خلف بنروح معتس و ام فهيدان تجلس فلبيت م يصير كلنا نطلع و البيت يكون فاضي
ام فهد : خلاص تم انا برتب و على م تجون يكون خلصت الغداء
ام سلطان : تمام
ت