كل الامان في حُبك وكل الاماني قربك

B 34

~ تكمله  ~
ابتسمت بيان وقالت : طيب اسمعي علميني عن خلف عاد تكفين والله قلبي يوجعني !! م كنت ناويه اجي عند اهلي بس شسوي
اميره : دقي عليه طيب
بيان : مستحيل م بيرد علي ادري !
اميره : عسى خير ان شاء الله
-
اليـوم الثاني ~ تحديداََ فـ الشركه
غيث : ياخي شفيكم هاليوم وجيهكم مقلوبه
نادر : الشكوى لله يخوك
ذياب : اي بالله الشكوى لله كل واحد على همه
خلف : صادق والله كلاََ على همه
غيث : ههيه شبلاكم لا تخلوني مستانس وحدي !
مُلهم ضحك وقال : الثلاثي ذا تعبان جدا
نادر : جدا جدا
غيث : مالت عليكم ، بعدني فرحان ل خطبتي وانتم هنا كل واحد ضايق صدره ليه ليه طلعوا الي ف خاطركم
مُلهم : اي والله صادق
ضحك ذياب وقال : اهجدوا بس والله طار روقاني ، دق دق على سعود يجي و يجيب لنا قهوه معاه
غيث : يصير خير
طلع خلف و اتجه لـ مكتبه قعد وهو ضايق خاطره و شايل هم بيان و شوقه كبير لها و رغم ذلك مكابر ، م حس الا بـ جواله الي يدق و الصدفه كانت بيان الي داقه ، تنهد و اخذ جواله يرد وقال : سمي ؟
اما عند بيان الي كانت مصدومه من رده  " سمي " !!
ابتسمت بضيقه وقالت : شخبارك
خلف بهدوء : بخير الحمد لله ، عسى ما شر ؟
بيان : ابد ابي اسال عن سيوف شخباره و قاعد مع من ؟
خلف : والله بخير الحمد لله م عليه شي قاعد مع البنات و امي و جدتي هناك مو مقصرين معاه
بيان : اها تمام ، اجل انتبه لك
قفل خلف الجوال و الود وده م يقفله
و عند بيان الي حاز خاطرها و زعلانه عليه ، اتجهت عند امها وقالت : يمه
ام عامر : هاه شفيتس
بيان : ابي ارجع بيتي !!
ام عامر : يومين م فيتس صبر ؟
بيان : م فيني يمه م فيني ابي ارجع بيتي عند زوجي و ولدي و هناك مو مقصرين معانا ف شي تكفين يمه !
م حسوا الا بدخول ابو عامر وقال : تبين ترجعين ارجعي بيتس هناك و بيتس هنا اي وقت تبين تجينا حياتس
عامر : تروح وييين مهيب رايحه بتقعد هنا !
ابو عامر : تعالي انتظرتس ف السياره ، عبدالله جب أغراض اختك للسياره
ابتسمت بيان بهدوء رغم ضيقتها : يلا جايه
ام عامر بهدوء : خلاص زين روحي استودعتس الله
اتجهت بيان و ركبت للسياره مسـرعه ، و عبدالله الي حط أغراضها و ركب معاهم
بيان : عبود شفيك جيت ؟
عبدالله : م بتقدرين تشيلين الشنط بنزلهم معاتس
ابتسم ابو عامر وقال : بارك الله فيك يوليدي
-
فـ بيت ابو سلطان
اميره : ياخي متى يرجعون و يفكونا
ضحكت سُميه وقالت : إذا رجعوا تهقين خلف بيرضى واضح زعلان عليها من حركتها راحت عند اهلها و سحبت عليه !
ضربتها اميره على كتفها : مالس دخل فيهم
سُميه : طيب طيب
سيف بهدوء : اميلهه * اميره *
ضحكت اميره وهي تسمعه : شوهت اسمي ي سيفف
سُميه : م عرفته وهو يناديس احسبه يعرف امه و ابوه
سيف : بابا بابا
اميره : يمه منك من شوي تصيح ماما الحين تذكرت بابا
ضحكت سُميه وقالت : يحياتي هوو ، سيفوو بابا بيجي الحين اصبر بس م عليك
م حست الا ب جوالها الي يدق ، سُميه : عجيب والله بيان تدق علي ؟
اميره : اوف اوف ردي ردي
سُميه : اهلاا اهلاا بعييون السيف و دههر قلب الخلفف
ابتسمت بيان وقالت : لا صدق حبيت شذا اللقب الجديد م عرفتس سمسوم
ضحكت وقالت : شرايتس بس ، امريني شصار
بيان : شسمه بجيكم بس قلت اعطيكم خبر اني جايه
سُميه : حياتس حياتس البيت بيتس يعيوني ، تو سيوف يسأل عنتس انتي و خليف
ابتسمت وقالت : ي حبيبي هو ، بس دقايق و اوصل انتظروني برا عاد
سُميه : ابشري
طلعت سُميه و معاها اميره و سيف بحضنها ، جلسوا ب الحوش وهم يسولفون
اميره : مو عساس بتقعد يومين علامها بتجي
سُميه ضحكت و قالت : اشتاقت لولدها و زوجها شفيتس انتي
رفعت اميره جوالها تدق على خلف دقايق و رد عليها
اميره : خللييف
خلف : لبيه لبيه
اميره : لباك الكون ، شسمه بيان بترجع للبيت
خلف فتح عيونه بصدمه : اما عاد !!
اميره : اي والله توها بتجي قلت بعلمك احتياط
خلف : ايه زين نفداتس
ابتسمت و قفلت الاتصال ، م حسوا الا بصوت الباب الي يدق ، قامت اميره تبطل الباب و سُميه الي تقول ل سيف : سييووف ماما جتت
ابتسمت بيان تدخل و عبدالله وراءها يدخل الأغراض ، شافت سيف الي يضحك من لمحها و قالت : وااه يحياتييي الي يضحكك
ضحكت اميره وقالت : ادخلي ادخلي
دخلت بيان و جلست معاهم ، ابتسمت تفتح حضنها ل سيف الي ضمها بقوه
اميره : يحياتي واضح مشتاق لس
بيان وهي تشد عليه : يعيوني سيوفي ، ازعجكم ؟
ضحكت سُميه وقالت : شوي بس ابلشنا ماما بابا
ضحكت بيان وقالت : يعيون ماما و قلب بااباا
سُميه : ايه تعالي علمينا علامتس انتي و خلف
بيان وهي تحاول تخفي : علامنا ؟ م فينا شي
اميره : انا قلت لها مالس دخل بس م تفهم
ضحكت بيان وقالت : ابد م فينا شي
سُميه : اي م عليتس واضح مره
تنهدت وقالت : يوه بطلع ارتب ملابسي و احط راسي شويتين
اميره : ابد خذي راحتس
طلعت بيان و سيف معاها و اميره وارها ماخذه اغراضها
بيان : حبيبي أموره مشكوره والله
اميره : وين م بيننا يعيوني
دخلت بيان و حطت سيف على السرير و قعدت ترتب ملابسها انسدحت بتعب و اخذت سيف ل صدرها ابتسمت وقالت : يووه والله اشتقت لكك
سيف : ماما بابا لاح " راح "
ابتسمت بيان وقالت : يحبيبي بابا بيجي بعد شوي
غمض سيف عيونه و ضحكت بيان وهي تشوف حركاته أخذته تعطيه حليب و دقايق م حست فيه الا وهو نايم ، ابتسمت و حطته جمبها و نامت معاه
-
ب الصاله تحديداََ
فهد : سعيدان شجالس تسوي لحالك
سعود : هاه منتظر خلف
م حس الا بدخول خلف وقال : هاه شفيكم
فهد : وانت شجابك
ضحك خلف وقال : مصددعع راسي بينفجر
ضحك فهد وقال : سلامات سلامات نم نم و يروح الصداع
خلف : ايه م عليك
سعود : شرايكم العصريه نطلع نتمشى شوي
فهد : يصير خير لين العصر
خلف : نشوف بعدين كيف الوضع
سعود : خلاص تم
طلع خلف وهو دايخ و راسه يدور ، ناسي ان بيان رجعت م يدري انها بـ الغرفه ، قرب بيفتح الباب و استغرب من حس بـ برودة المكيف الي وصلت لعنده استغرب و بطل الباب انصدم من شاف بيان نايمه و سيف معها
ابتسم يشرب ماء و قرب انسدح على الكرسي و حط راسه و علطول نام
-
بعد أذان المغرب تحديدا ف بيت ابو سعد
سعد : حياك حياك ي الفهد اقلط
دخل فهد و ابتسم : وينهي ؟
سعد : ف المجلس رح لها
دخل فهد و ابتسم من شافها كاشخه بجمالها و رزانتها : شذا الجمال ي ريهام !
ضحكت وقالت : احم احم
قرب ياخذ بنته و يقرأ عليها ، ضحكت وقالت : يحلوكم بس
ابتسم يبوس يدها وقال : ي جعلني فداس والله
ريهام : يحبيبي انت
فهد : ايه متى ناويه ترجعين ؟
ضحكت وقالت : يوه مطوله ترا
ضحك وقال : اشتقنا طيب
ضربته على كتفه وقالت : بس عاد
ضحك وقال : امزح امزح
-
و عنـد بيان الي صحت مخروشه ، شافت خلف نايم على الكرسي وقالت بنفسها ( يراسي جاء و م حسيت عليه ! )
صحت و قامت تبدل ملابسها و حطت لها ميكب خفيف و رشت عطرها الهادي ، بطلت اللمبه و قربت من خلف بهدوء و يدينها الي ترجف قالت بهدوء : خلف
فز وهو يهمهم : همم
بيان : الوقت قم صل المغرب
قام و صد بدون م يرد عليها ، اتجه يتوضى و قام يصلي ، تقدم يلبس ثوبه و يعدل نفسه و يرش عطره العود
قعدت بيان على الكرسي وقالت : خليف قلبي شفيك ؟ زعلان علي ؟
خلف : وراتس رجعتي ؟ كان كملتي اليومين عند اهلتس هم مهتمين لتس اكثر مني ؟
قربت مسكت يدينه بهدوء وقالت بصوت متذبذب : خليف والله العظيم ان اهلي غصبوني اروح لهم ! و كانوا ناويين ياخذون سيف بعد انا الي قلت لهم يتركونه عندك ولا انا الود ودي اقعد معاك هنا وانا ادري انك كنت ملاحظ اني تعبانه بس انا السبب مب انت لاني قلت لك م فيني شي
شد على يدينها وقال : اهلتس متعاملين معاي و كأني مو مهتم لتس و لا طاق لتس خبر ؟؟؟
بيان : طيب خلاص هذاني رجعت وقلت لهم ان مب انت السبب فاللي صار ! وانا اسفه بعد
خلف : طيب
بيان وهي تتمالك نفسها م تصيح وقالت : بس ذا البرود ليه ؟ ي خلف لا تسو فيني كذا تكفى والله ان قلبي يوجعني وانا اشوفك متضايق مني !! والله اني رجعت عشانك انت وسيف
زفر وهو يشوف رجفتها : بيان اسمعي ! اهلتس لا يتدخلون فينا محد رح يخرب علاقتنا الا هم اعذريني بس هذا الصدق ! انا مصدوم منهم ومن كلامهم حسسوني اني ساحب عليس و مو داري عنس و لو تشوفين كم انخصم علي و كم مره استأذنت من الشركه عشانس انتي بس ! بس اهلتس مدري من لاعب عليهم
بيان : خلاص والله كلمهم ابوي و قال لهم لا يتدخلون بس انت اهم شي مب زعلان علي !
ابتسم وحط كف يدينه على وجهها : انسي خلاص ، بس ثاني مره ان تعبتي تعلميني مو تخبين ! والله ان طاح قلبي احسب فيتس شي هذا وانتي حامل !
ابتسمت بهدوء وقالت : هذاني هنا م صار شي الحمد لله
ابتسم و فتح حضنه لها ، قربت ضمته بقوه وهي تخفي دموعها الي نزلت قالت بصوت متذبذب : والله بعد الله مالي غيرك ي الخلف !
شد عليها وقال : ي دنيتي كلها انتي !!
-
نزلت لعند البنات وهي تشوفهم متجمعين ابتسمت وقالت : اووه كلكم هنا
نيلان : ارححبي بييونن
ضحكت سُميه وقالت : مافيه بيون خلاص هالحين عندنا عييون السيف و دهر قلب الخلفف
ابتسمت بيان وقالت : خطييرر
ضحك ديم وقالت : واو واووو يجنن !!
سُميه : اف اشتقت ل ريهامي
ديم : اي بالله اشتقنا لهااا
بيان : تبون نروح لها ؟
نيلان : اايييه
سُميه : بس متى ؟ تبون بكره العصر
ديم : ايه حلو الحين الوقت متأخر
سُميه : خلاص تم وانا بعلمها
م حسوا الا بصوت ام فهد : سميوه تعالي ابوتس يبيتس
سُميه : يويلي شسويت
ضحكت بيان وقالت : روحي روحي شوفي
قامت سُميه و اتجهت للمجلس عندهم وكان ابوها و خوانها كلهم موجودين ابتسمت وقالت : سم يبه ؟
ابو فهد : اقعدي
قعدت سُميه مقابل ابوها ، زفر وقال : اسمعي هالحين انتي رافضه فيصل ، تقدم لتس صقر ولد عمار وانتي اختاري من تبين !
فز قلبها و ابتسمت بِحُب : ان شاء الله
فهد : معاتس وقت انتي بس قولي لي أو لأبوي وقت م ترتاحين علمينا
سُميه : ابشر
طلعت سُميه و هي طايره من الفرح ، طلعت و دقت على صقر و لسوء حظه جواله مغلق ، زفرت و اتجهت لعند البنات
ديم : علامتس الابتسامه شاقه وجهتس
سُميه : بدوخخ اخيرا م بغيناا
نيلان : شصارر
سُميه : صقققررر جااء و طلبني من ابوييي
ضحكت نيلان وقالت : اههاا يزينس بسس
ديم : وه يحياتيي
بيان : وانتي شقلتي
سُميه : والله لو ابوي درا اني احبه لا يذبحني قلت له بفكر عشان لا يشك
نيلان : حلو حلو
سُميه : وينه م يرد دقيت عليه
ضحكت نيلان وقالت : مداوم ب المستشفى و يحط جواله صامت وقت الشغل
سُميه : اهاا ، يوه والله ارتحت نفسياااََ
ديم : عزتي ل فيصل اخوي محد يبيه هههههههههههههههههههههههههههههههههههههههههههههههههههههههههههههه
ضحكوا البنات وقالت اميره : بعد الي سواه ب خليف زوجوه برا الجماعه لان م اظن حد بيوافق هههههههههههههههههههههههههههههههههههههههههههههههههههههههههههههه
ديم : بس عاد تغير ترا مهوب زي قبل
بيان : يوه شسالفة الصداع ناشب لناا !!
ديم : ي حبيبتي انتي توس طالعه من المستشفى ارتاحي
بيان : يوه تكفين م فيني شي بس عاد
ضحكت اميره وقالت : ايه ايه م فيها شي واضح ترا
بيان : اص اص
-
( يهلا بـ الشيوخ ، عسى ان شاء الله عجبكم البارت و معليش طولت عليكم شدوا الدعم و حطوا النجمه ❤️❤️. )