كل الامان في حُبك وكل الاماني قربك

B 27

و اليـوم الثاني تحديداََ عنـد ريهام و سُميه
سُميه : رهوم انتي تدرين ان فهد جاي هاليوم؟
شهقت وقالت : وي صحح نسيييت
ضحكت سُميه وقالت : والله اني داريه ، بطلع انا خلصي نفسس و انزلي تحت
ريهام : تمااام
-
نزلت سُميه للصاله و صادفت اميره و بيان و سعود
دخلت و دخل ورائها سالم : السلام عليكم
ردوا بصوت واحد : عليكم السلام
سعود : م بغينا اخيرا قمت ؟ و وين وليدوو
زفر وقال : شدراني فيه
اميره : شبلاك منفس ؟
صد عنها بعدم اهتمام وقال : مافيه فطور ؟
بيان : الا فيه
سُميه : بجيب لي و بجيب لكم تبون ؟
سعود : جيبي جيبي
بيان : وين نجد و أديم ؟
ضحكت اميره و أشرت على الدرج وهي تشوف نجد نازله : هذي هي نجد نزلت و أديم مدري عنها
قام سالم و جلس جمب سعود : تدري لو اني قاعد ف الديره ابرك لي
ضحك سعود وقال : والله ليتنا نروح كلنا
دقايق و قال سعود : بيان علامتس
تنهدت وقالت : ابد احاتي خليّف
ابتسم وقال : انتظري نص ساعه بالكثير و جايين
زفرت بهدوء وقالت : ان شاء الله
دخلت نجد وقالت بهدوء : السـ..لام عليكم
ردو بصوت واحد : عليكم السلام
قربت نجد و جلست جمب اميره
اميره : وين أديم ؟
نجد : حتجي بعد شوي
قامت نجد تساعد سُميه و دخلوا للصاله معاهم الفطور
جلسوا ياكلون مع سوالف و ضحك ..
سعود : سمسوم صبي شاي
زفرت سُميه وقالت : صب لنفسك !
زفر بهدوء وقال : طيب طيب
سعود : الله لو خليف موجود
ابتسمت بيان وقالت : بيجي ان شاء الله
اميره : ان شاء الله يجون ب السلامه
وليد : و سلوم علامك منكد
ناظره بهدوء وقال : ابد مب منكد
سعود : وااضح
صد بعدم اهتمام وقال : عطني الشاي
مدت له نجد الترمس ، رفع عيونه يناظرها وهو يتذكر حوار امس الي صار صد وقال : مشكوره
تنهدت وقالت : العفو
اخذ له كوب شاي و طلع للصاله و قامت نجد وراءه مسرعه دخل للمطبخ و دخلت وراءه مسكت يده و لف عليها ، قطب حاجبه بـ استغراب : شتبين ؟
نجد : إِشبك اليوم
سالم : ليه يهمتس ؟
تنهدت بضيق وقالت : سالم ترا والله انت فهمتني غلط
سالم : ويش الي فهمتس فيه غلط انتي قايله م تبيني خلاص ، لعاد ترجعين تزيدين الطين بله
تنهدت وقالت بصوت متذبذب : والله ابغاك بس لو انتَ تبغانِي ...
قاطعها وقال : ابشري
ابتسمت وهي تحس انه فهمها : تبشِر ب الجنه
-
بـ الحوش متجمعين كلهم م حسوا الا ب دخولية فهد و الخلف ، و بدأت الاحضان و التراحيب و كللاََ منهم يسأل عن الثاني ، ابتسم سعود وقال : في ذمتي مرحبا ثم مرحبا
خلف : البقى يبعد حيي
الجده بشرى : منورين منورين
فهد : بنورتس ي جده
غمز خلف لاميره ( بمعنى بيان وين ) ضحكت اميره و أشرت على المطبخ ، طلع مسرع وقف عند باب المطبخ يتأملها وهي تغني ، تكى على الجدار وهو هايم ابتسم وقال : يزينس و يزين صوتس
فزت بصدمه من سمعت صوته ، ابتسمت و نطت ف حضنه : والله الي مرححبااا ي دنييتي
ضحك بِحُب وقال : البقى يـدهر قلبي
ضحكت وقالت : شفت ولدك ولا
ابتسم وقال : وينه هو الحين
طلعت و طلع وراءها للغرفه ، دخل و فز سيف من شاف بيان و خلف دخلوا ابتسمت وقال : واه صحيت انت
وقف وهو يهمس : باباا
ابتسم خلف بحنيه و أخذه لحضنه : ياعين ابووك
-
و عنـد ريهام الفهد
ابتسمت ريهام وقالت : والله ذبحنا الشووق
ضحك وقال : شنسوي م صدقنا اننا جينا
ضحكت وقالت : أشك اني بولد ونت مب موجود
زفر وقال : يشوفون ولدي قبلي
ضحكت وقالت : الشكوى لله
ابتسم وهو ينسدح على رجولها : والله ي اني مشتاق لسس ، ابتسمت بحنيه وهي تلعب بشعره : مو كثري صدقني ، ابتسم وهو يبوس يدها : انفداس ي بعد حيي
-
بعد صلاة المغرب مـتجمعين بـ الحوش كلهم
ام خلف : بيان يمه وين خلف ؟
بيان : ثواني بطلع اشوفه
ام خلف : ايه زين
ام فهد : فهيدان متى راجعين ؟
فهد : والله يومين و راجعين
-
و عند بيان الي طلعت مسرعه عنـد خلف دخلت و شافته واقف قدام المرايه ( لابس ثوبه الاسود الي يبين هيبته و رزانته و يرش عطره العود ) ابتسمت وقالت : يبونك تحت ، ابتسم وقال : جايكم لبس ساعته و عدل شماغه ، قرب باسها ع خدها و نزل وهو يضحك وهي وراءه ، نزل و طلع عليهم الحوش
طارق : ارحب ي الشيخ
ابتسم وقال : البقى
جلس و جلست بيان جمبه
ام طارق : ماشاء الله ي الخلف كامل و الكامل الله
ضحكت أديم وقالت بـ جراءه : اي والله انشهد
ابتسم وقال : ي بعد حيي
قرصته بيان ع ظهره بشويش وقالت : نعم اخوي ؟
فز وقال : وشو
عضت شفايفها بغيره وقالت : ابد منو بعد حيك ؟؟
ضحك وقال : اها طيب ، ترا كلها ي بعد حيي
ناظرته وقالت : كل***
ضحك وهو يهمس : هذي نظره ولا رصاصه
م قدرت تقاوم و ضحكت : حيوان وربي
الجده بشرى : ايوا خلف و فهد وش تشتغلون؟
فهد : عسكري فريق اول نحمد الله
الجده بشرى : ماشاء الله الله يقويك ، و خلف ؟
خلف : رئيـ..
قاطعته أديم وقال : رئيس تنفيذي ؟
ناظرتها بيان وقالت : انتي خلف ولا هو ؟ يقدر يقول بنفسه م تقصرين طيب عليتس ف نفستس
همس لها بهدوء : هدي اللعب نفداس م صار شي
أديم : وي بيان شفيتس ؟
ام سلطان : انتي علامس ي أديم تدورين حرش مع بناتي ؟ ، الجده بشرى : ايه خلاص ماشاء الله عقبال الباقي ان شاء الله الله يوفقكم جميعا
ضحك طارق وقال : امين
همست ريهام لـ سُميه : مجنونه ذي تبي تستفز بيان ؟
سُميه : الظاهر كذا نظامها ام وجهين
قامت بيان و دخلت للصاله و دخلوا وراءها ريهام و اميره : بيون وش فيتس ؟
زفرت بعصبيه وقالت : لعبت ب اعصابي ذي الاديم وش ذي الحركات ، مسويه انها الي تعرف كلشي وعع بس
ريهام : سمي بالله ي بيان و اقطعي الشر اليوم الرجال رجع ذي تبي تخرب بينكم لا تهتمين لها
اميره : اي والله صادزه
اخذت لها ماء و شربت : طيب خلاص انسوا مشينا
طلعوا البنات للحوش و جلسوا كل وحده مكانها
همس خلف وقال : ليه معصبه طيب .
ابتسمت وقالت : انت اصبر عليي فوق
ضحك بهدوء وقال : سمي
ام سلطان ضحكت بـ استفزاز : ايه مو ناويين تزوجون أديم و تفتكون منها ؟ مزعجه الله يهديها بس
شهقت أديم وقالت : انا مزعجه حرام عليتس
نجد : وطي صوتس ترا مب لحالنا احنا
ام فهد : ماشاء الله على نجّد حظ من بياخذها عاقله تبارك الرحمن ، ضحكت ام سلطان وقالت : ل واحد من عيالنا ان شاء الله
ضحكت ام عزام : اووه نشوف ان شاء الله
فهد : استأذنكم
ام سلطان : وين يوليدي بدري
فهد : والله ي جده مصدع ودي انام ، بعد ذا المشوار م نمت شي قاعد معكم من العصر
ام فهد : زين نام وارتاح
قام و قامت وراءه ريهام : سهره ممتعه
ضحكت سُميه : بدونس م ظنتي
ضحكت وقالت : يحياتي انتي
طلعت ريهام و فهد و دخلو للغرفه بـعد تعب و مشوار
دخل للحمام ( يُكرم القارئ ) تروش و بدل ملابسه طلع و ابتسم من شاف ريهام على الكرسي تعبانه على اخر شهر من حملها ، ابتسم وقال : مشينا ننام ؟
ضحكت وقالت : بعد ذا الاسبوع تجي أفضل نومه و ف حضنكك ، ضحك وقال : ابد ابشرَي
-
فـ نص الليل الساعه 3:30
طارق : عاد انا بروح انام توصون ؟
سالم : وانا بعد صدعت
ام سلطان : ابد جعله بالعافيه
خلف : طيب وانا طالع والله النوم دخل عيني
ام خلف : ايه زين عافيه يمه
ابتسم وقال : يعافيس
طلع وسيف ف حضنه و بيان جمبه ، دخلو للغرفه و انسدح خلف على السرير و هو يلعب مع سيف : سيوف اشتقت لي ولا ؟
ابتسم سيف وهو بدا يفهم و ينطق معاهم : اي..وا
شهقت بيان من سمعته وقالت : ي روح روحيي الي يسولففف ، يقلبي والله
ضحك خلف و هو يبوسه : نفداك ي حبيب ابوك ، وانا مشتاق ل امك تدري
ضحكت بيان : عساس فاهمك هو الحين
ابتسم وهو يحطه ع سريره و قام بدل ثوبه : وانا صادز
قربت منه و ضربته على ظهره : تعال ترا م نسيت ، منو بعد حييك هاااه هااه علمنييي
ابتسم وهو يعلق شماغه و ثوبه : الحين ذا الي غيرانه منه انتي كلها ي بعد حيي م قلت لها ي دهر قلبيي
فتحت عيونها وقالت : ججرربب بس وربي اتوطاكك انت وهيي حيواننن
ضحك و قرب منها اختلطت انفاسها مع انفاسه وقال : ونتي داريه اني م بقولها الا لتس صح ولا تشكين ؟
لفت وهي النيران تشتعل بـ داخلها : ايه اشك
فتح عيونه و ضحك : افا م توقعتها منس
ضحكت و لفت له : امزح معاك عاد ادري والله
ابتسم و قرب ضمها و شدها عليه : احبتس طيب
ابتسمت بِحُب و شوقاََ لـ حُضنه و سوالفه و ضحكته : اهييمككك ي حبيبيي انتت
و انتهت سوالفهم و ناموا ✨.
-
اليوم الثاني تحديداََ فـ بيت محمد و ديم
محمد : ديمّي وينس
فزت وقالت : هااه هنا
محمد : اللبسي بنطلع نفطر برا
ابتسمت وقالت : تممم ، اصبر بس
طلعت غرفتها مسرعه اخذت لها شور سريع و طلعت تفرفر بين ملابسها و لبست لها بلـوفر سماوي مع بنطلون ابيض و ربطت شعرها و حطت الشال عليه لبست اكسسواراتها و رشت عطرها الهادي و نزلت ل محمد مسرعه ، و أما عن محمد لبس تيشيرت ابيض مع بنطلون اسود و لبس الكاب حقه و ساعته و رش عطره العود و ركب للسياره و اتجهوا للمطعم
-
و عند بيان الخلف
صحت بيان و قامت تفرفر عـ جوالها قفلته و اخذت سيف ترضـع له ، خلصت منه و حطته ب سريره بهدوء ابتسمت وهي تشوف خلف بسابع نومه ، همست بهدوء : خليف ، فز وهو يهمهم : همم
ضحكت وقال : قم الوقت
صد و كمل نوم ابتسمت وهي تلعب بـ شعره : خليف قلبي قم قم الوقت متأخر
ابتسم وهو يحس بـ الراحه من تلعب بـ شعره : نفدا يدس الي تلعب بـشعري
ضحكت و وخرت يدها تبي تقهره : طيب كمل نوم
زفر وقال : كملي طيب
ابتسمت و انسدحت وهي تكمل و رجعت نامت معاه بدون م تحس بـنفسها
-
بـ الصاله تحت
ام سلطان : ماشاء الله البيت هدوء
الجده بشرى : محد قام كلهم نايمين
ام سلطان : اي والله حتى الحريم نايمين
ضحكت بشرى وقالت : ايه والله ، بقولتس نصحيهم و نخلي ريهام ترتاح
ام سلطان : ليه ريهام ترتاح و الباقي م يرتاحون
بشرى : ريهام حامل مهوب زين عليها تتعب نفسها ف الطبخ و ذي الأمور ، و بيان توها ب الشهر الثاني م عليها شي ، ام سلطان : ايه ادري عن بناتي انا بس خلهم ينامون شوي م بيصير شي منها لنا الهدوء و لهم الراحه
الجده بشرى : خلاص زين نشوف كيف بعدين
-
العصر تحديداََ الكُـل متجمع بـ الصاله تحت
ام سلطان : ي بناتي تجهزوا و اكشخوا جاينا ضيوف
ام فهد : منهو جاينا ؟؟؟
ام طارق : ام دلال من جماعتنا حتجي اليوم
ام فهد : ايه زين
طلعت ام فهد تعلم البنات الي متجمعين بـ الصاله الي فوق ،
-
عند بيان و خلف بـ الغرفه تحديداََ
دخل للغرفه و ابتسم من شاف كشختها و جمالها ، لابسه توب ابيض كت يبرز تفاصيل جسمها ، مع بنطلون ابيض
و كعب لونه رمادي ، لبست اكسسوارتها الذهبيه و جلست قدام المرايه وهي حمرة شفايف لونها أحمر
ابتسم يتكي على الجدار يتأمل جمالها الي يطير مخه : شذا الزين كله ؟
ابتسمت وقالت : صدق حلو ؟
قرب منها و قال : كلشي عليتس حلو نفداس
ابتسمت بحنيه وقالت : يعيوني والله
خلف : نازله هالحين ؟
جلست وقالت : شوي اخلص شعري و بنزل
خلف : ايه زين
قرب انسدح جمب سيف يلعب معاه و كملت بيان كشختها ، و الباقي كذلك
-
يُتبع
-
( ارحبوا ي شيّوخ قلبي شحالكم عساكم بخير وصحة وسلامة ، معليش والله اختفيت فتره بس الظروف و غيره البارتات ذي الفتره قصيره ان شاء الله بحاول اطولها و هذا الي قدرت عليه لنا لقاء آخر شدوا دعمكم ي شيوخي عشان نكمل مع بعض 💗. )