للتذكير البارت الماضي
ضحك بـ احراج وقال : والله اني طحت ! خذت قلبي هالبنت ي سعود
ضربه سعود على كتفه وقال : أثقل بس و امشي للمطبخ معاي
غيث ضحك وقال : مشينا بس
-
-
<< بعد مرور يومين ، من تجهيزات العرس جاء اليوم الي كان الكل مستانس فيه يرتبون و يسوون لـ عرس اميره و سُميه ، يضحكون و يسولفون ، يجهزون قاعة العرس >>
عند اميره ب الغرفه : يمه وربي اني متوتره
بيان : ياخي احس ماني مستوعبه وشلون اميره كبرت ! تتزوجين و تخلينا ي امييرهه
ضحكت تمسح دموعها وقالت : ياخي تكفين
دخل عليهم خلف بما انهم لحالهم وقال : دهر قلبي و اميرتي ؟ يااحلو المتجمعيين
اميره قربت تضمه وقالت بحنيه : خلييف القلببب
ابتسم وقال : ياعيوني انتي
بيان ضحكت وقالت : الي يشوفكم بيقول معاد بيشوفون بعض !
اميره : احس ماني مستوعبه صدق
خلف : تتعودين ان شاء الله والله يتمم لس على خير
ابتسمت وقالت : اللهم امين
~
عنـد سُميه بـ غرفتها حولها البنات يسوون لها المكياج ، و الي تسوي لها شعرها و غيره ، زفرت وقالت : مليت
ضحكت ريهام وقالت : تراني جيت عشانس !
ابتسمت وقالت : ياكثر الححبب
الجوهره : بتحسين فينا هالحيين
نيلان : محد متحمس الا صقر
ابتسمت سُميه وقالت : يحبيبي
ضربتها الجوهره وقالت : اثقلي ي بنت
ضحكت وقالت : احبه ياخي هههههههههههههههههههههههههههههههههههههههههههههههههههههههههههههه
نيلان انفجرت ضحك وقالت : ي الوسخههه هههههههههههههههههههههههههههههههههههههههههههههههههههههههههههههه
ريهام : يهو بس عاد خلوها تحبه شتبون
ضحكت الجوهره وقالت : اخ يربي
سُميه غمزت ل الجوهره وقالت : لا اذكرتس ي جوجي كنتي م تدانين ذياب والحين غرقانننه بحببه
ابتسمت من مر طاريه وقالت : اف ياخي احبه
ضحكت سُميه وقالت : ايييه قبل شويه تقولين لي اثقل
الجوهره : احم احم
ريهام : بيانو وين
نيلان : مع زوجها و اميره
سُميه زفرت بهدوء وقالت : بنات جاني الخوف الحين
ضحكت الجوهره وقالت : قلبي سمسوم ليه ليه توس متحمسه و مستانسه
سُميه : مدري مدري
ابتسمت ريهام وقالت : تنسين توترس بعد شوي م عليه
~
عند الحريم برا
ام فهد : م هقيت بيجي اليوم الي بيروحوا منه سمسوم و اميره يعيوني هم
ابتسمت ام سلطان تدعي ل ربي وقالت : يالله عسى يتمم لهم على خير و يرزقهم الذرية الصالحة
ابتسموا و نطقوا بصوت واحد : اللهم امين
ام اسامه : امين يارب
ام خلف دخلت وقالت : هذي هي اكسسوارات البنات هنا !
ام فهد : جابتس الله جيبيها
ضحكت تمدها لها وقالت : امسكي
~
عند صقر و غيث ، الي كانوا بـ كامل حماسهم ليومهم المميز بنسبه لهم وللجميع ، ابتسم صقر وقال : غيوث تصدق اني للحين مب مستوعب اني باخذها !
حك غيث شعره وقال : تصدق حتنا
ضحك اسامه وقال : ولا انا الصدق
سعود : وهذي البشوت حقكم و ثيابكم و اغراضكم
صقر : م تقصر نفداك
ابتسم وقال : م به قصور
غيث : عقبالك عقبالك ي سعيدان
شهق وقال : وين وين ! بالله انا وجه زواج اهجد بس
ضحك صقر وقال : بتجيك بنت الناس م عليك
ضحك بعدم اهميه وقال : يصير خير بس
دخل عليهم خلف وهو ماسك سيف الي كانوا بكامل كشختهم و ريحة العود الي ملت المكان : السلاام
ابتسم سعود ياخذ سيف لحضنه وقال : عليكم السلام
صقر : يالله حيه و حي ولده
ضحك وقال : الله يحييك ي الشيخ
زيد : اقول انتم خلصوا عاد وراءنا مليون شغله
غيث : جاني هم الشركه
طاح خلف يضحك وقال : م عليك فوقها رياجييل
غيث : ايه ايه رياجيل ما شاء الله هههههههههههههههههههههههههههههههههههههههههههههههههههههههههههههه
و استمروا يضحكون بين السوالف و يجهزون
~
فـ غرفة بيان ، لبست فستان بيبي بينك ، كان جميل و هادي جداََ ، من فوق عليه زي الذيل ، ماسك عليها يبرز تفاصيل جسمها ، اخذت تلبس اكسسوارات فضيه ( خواتم ، اسواره ، سلسال ) ، تركت شعرها مفتوح و اخذت معاها شنطه بسيطه لونها فضي ، مسكت ترش عطرها الهااادي ، ابتسمت وهي تشوف عطر خلف و أغراضه الي كانت على السرير ، رفعت جوالها تدق عليه و اخذ دقايق يرد عليها ، ابتسمت وقالت : خليف قلبي ؟
ابتسم وهو هايم فـ صوتها و نطقها لـ هالاسم الي يحبه منها : ياعيونه و دهر قلبه و رجعانه
ضحكت وقالت : وينك
ابتسم وقال : عند الرياجيل ليه ؟
بيان : سيوف معاك ؟
خلف : تو سعيدان خذاه
بيان : ايه زين تعال ابيك تشوف اللوك و تعطيني راايك
ضحك وقال : جايتس طيران هالحين
ضحكت وقالت : يلا انتظر
~
اما عن الجوهره لبست لها فـستان لونه اسود ، ماسك على الرقبه و له فتحه من عند الصدر ، بطلت شعرها و سوت له من تحت ويفي خفيف و هي كذلك لبست اكسسوارات فضيه ، و مكياج خفيف مناسب لـ ملامح وجهها الطفوليه ، مع شنطه فضيه صغيره ،
و اما عن ذياب ، لبس ثوب ابيض يبرز هيبته و رزانته ، رش عطره العود الي كانت ريحته تميزه عن الجميع
~
وعند ريهام الفهد ، لبست ريهام فستان ماسك على جسمها لونه ازرق غامق ، ماسك لها من فوق ، و فتحت شعرها القصير الي كان ناااعم جدا ، حطت لها مكياج مميز و حطت روج احمر و اخذت لها شنطه لونها أحمر و لبست كعب ازرق و اكسسوارات فضيه
~
و ديم لبست فستان لونه احمر ماله اكتاف ، عليه لمعه خفيفه ، لبست لها اكسسوارات فضيه مع كعب لونه احمر على أطرافه فضي و تركت شعرها مفتوح و من تحت ويفي خفيف ، و ميكب خفيف يبرز تفاصيل وجهها الجميله ! ، و محمد لابس ثوب اسود يبرز هيبته و ضخامة جسمه ، و رش عطره العود و غيرها من تفاصيل
~
بعد أذان العشاء ، قاعدين البنات بصوب و الحريم بصوب منتظرين الزفه بكامل حماسهم يسولفون و يضحكون ، نيلان : افف ياخي وينهممم
ضحكت بيان وقالت : يلا يلااا جاييين
ابتسموا من بدت زفة اميره و بدت تشتغل الاغنيه لـ أميره
" هذي هي الي حكى عنها القمر "
" و انتحرا شوفها بعيوننا "
" هذي هي الي وقفوا كل من حضر ومن حلاها "
" و صفقوا لقدومها "
" العطر و النورِ ، و الوان الزهر "
" كلها تطري لا قلنا اميره "
" ما بقى من بعدها شي ينذكر "
" ماخذه تاج الحلا من يومها "
ابتسمت بيان تمسح دموعها بـِحُب وقالت : مقدر مقدر ي بنات تجنن تجنن وشلون بنقعد بدونها اخخ
ريهام : بيون بسس مكياججس بيرووح
ضحكت وقالت : فداا فداا
بيان : بشوف وجهتس ف زفة سمسوم ان م بكيتي م اكون ام سيفووو
ضحكت وقالت : بسم الله
ابتسموا الكل وهم يناظرون جمال اميره الي كانت بـ الفعل اميره اسم على مسمى ! ، ابتسمت ام سلطان وهي تشوف أنظار الجميع لـ بنتها وقالت : استودعتك الله بنتي
ضحكت ام اسامه وقالت : ما شاء الله والله ان ينحسد على غيث خذا الزين كله
ابتسمت ام غيث وقال : ايه والله صدقتي خذا الزين كله ما شاء الله عليها ، و متى زفة زوجة ولدش صقر ؟
ام اسامه : هذي هي يزينهاا توها بتنزّف
بدا زفة سُميه و اشتغلت زفتها
" ادخلي عمري بخطوتك اليمين "
" اضوي ايامي و عتمات السنين "
" قرة عيوني بشوفك مقبله "
" يـ الملاك الليّن العذب الرزين "
ابتسمت ريهام بـ لطافه وقالت : وااه سمسومتييي
الجوهره : يناس كل وحده تقول الجمال عندي
نيلان وهي تخفي دموعها قالت بـ حُب : تبارك الرحمن
ابتسمت بيان وقالت : يارب ان تتمم لهم على خير يارب
ابتسموا بصوت واحد يقولون : امين
~
عند الرياجيل بـ المجلس ، الي بدوا بـ العرضه بـ حماس ، يبدعون فيها بـ هيبتهم و رزانتهم صافين يلعبون العرضه و اسامه الي كان يدقن اللعب بـ السيف ، زيد : والله ي ان فيهم طاقه
ضحك صالح وقال : قول ما شاء الله
ضحك زيد وقال : ما شاء الله ، شف اخوك
قطب حاجبه بصدمه وقال : منهوو
زيد : بسم الله منهو بعد سالم !
ابتسم بحنيه وقال : اخوي ؟ الا اخوي و عضيدي و عشيري جعلني افداه
ابتسم زيد وهو يشوف كثر حب صالح لـ سالم : يخليكم لبعض
ابتسم صالح وقال : امين يارب
سعود : ابك انتم ازعجتونا ياخي قوموا اللعبوا معهم ولا اسكتوا
ضحك صالح وقال : م عرفتك ي العصبي رح مع خلف
سعود : والله ذا قليل ادب سحب علي
زيد : تستاهل
قرب منهم اسامه وقال : قوموا قوموا اللعبوا يلاا
سعود وهو ياشر على زيد : شورك معاي هاه
~
اخر الليل بعد م خلصوا من كل شي ..
عنـد البنات تحديدا الي كانت المصوره تصورهم صور جماعيه مع سُميه و اميره ، بيان : اموررره تعالي ذي صوره لناا ذكررى
اميره : تممم و الف تمم
ضحكت المصوره وقالت : يلا ابتسموا
اميره : يلاا
المصوره : خلصنا يحلوه ، الحين تعالوا للـ غرفه نصوركم مع العرسان ..
اميره : يلهوويي
انفجروا البنات يضحكون وقالوا : اهخ ي اميره
المصوره : بسرعه بسرعه وحده تجيني
ام سلطان بصوت عالي : ي الاميره امشي بسرعه يلا
اميره بتوتر : ان شاء الله يمه
تقدمت اميره و دخلت للـ غرفه ، فزت من لمحت غيث الي واقف بـ هيبته و كشخته و رزانته ، ابتسمت بهدوء و التوتر لاعب فيها لعب ، دخلت و وراءها المصوره
ابتسمت المصوره من بدت تعطيهم الحركات و تصور ، مسكها من خصرها من بدت تختلط انفاسهم مع بعض ، المصوره : ايه خلصنا
ابتسمت اميره بتوتر من طلعت المصوره الغرفه الثانيه عند صقر و سُميه ، و أما عن اميره و غيث الي قعدوا يناظرون بعض يستوعبون انهم ملكوا و صاروا لـ بعض ضحك غيث وقال : وراش تطالعين كذا
اميره بتوتر : هاه يمه مدري
غيث : علامش وشو يمه
اميره : يوووه غيث اسكت التوتر اكلني
ضحك وهو يشوف رجفة يدها و قرب يمسك يدها بهدوء و ابتسم يبوس يدها وقال : و صرتي حلالييي جعلني افدااش
ابتسمت وهي معجبه فـ لهجته وقالت بهدوء : يحلوك انت ولهجتك
فز وقال : والله يحلوش انتي !
~
عند صقر و سُميه
سحبها لـه من عطتهم المصوره الحركات للـ تصوير و قال صقر بهدوء : والله انتس لعبتي ب عقلي
ابتسمت سُميه وقالت : بس عاد اسكت
ابتسمت المصوره وقالت : يالله استأذنكم كم يوم و يوصلكم اللبوم بأذن الله
سُميه : حبيبي والله م تقصرين
قطب حاجبه وقال : وشو حبيبي اهجدي لا تقولينها ذي
ضحكت وقالت : انت حبيبي طيب !
ابتسم وهو دايخ فـ طريقة كلامها وقال : بس بس كثيره علي كذا
ضربته على كفته وقالت : أثقل هالحين يدخلون علينا اهلي و اهلك
ضحك يبوسها على خدها بـكل سرعه
سُميه : صقييررر
ضحك وقال : لبيييه ي امي
ابتسمت وقالت : ياخي انت ، اسكت بس
ابتسم وقال : ابشري
~
طلعوا و ركبوا كل أحد على سيارته و اتجهوا العرسان للـ فندق ، فـ بيت ابو سلطان تحديدا ( فـ غرفة بيان و خلف ) انسدحت بتعب وقالت : مالي خلق اقوم امسح هالمكياج و ابدل يوهه يربي
خلف : يلا يلا قومي نفداس و نامي بعدها
قامت بتعب وقالت : اهه يربي الصبر
ضحك وقال : شبلاتس انتي
بيان : والله ي حبيبي بنتك مدري ولدك فـ بطني و راجعه من عرس م تبيني اتعب بعد يلا بس نم ونت ساكت
خلف : ولدي ولدي ان شاء الله
شهقت وقالت : تكفى بس بيصير عندي ٢ منك !
انفجر يضحك وقال : عيالليي اكيد مني يشبهون ابوهم بعد
ابتسمت وقالت : يزين ابوهم بس
خلف : اجيتس هالحين؟
ضحكت وقالت : لا حلفت عليك تنام
ابتسم وقال : ايه زين يلا خلصي وتعالي
بيان : خلاص تم جايتك خلني ابدل ل سيوف بعد
خلف : والله سيفو ب سابع نومه مب فاضي لتس
ضحكت وقالت : يعيوني هو
-
فـ الفندق تحديدا عند غيث و اميره ، ابتسموا قاعدين مقابل بعض ، و اميره الي كانت لابسه لها بجامه حرير لونها وردي فاتح ، ابتسم غيث يتأمل برائتها وقال : والله للحين مانيب مصدق اني خذيتش
ضحكت وقالت : ي حبيبي انت عساس انا مصدقه
ابتسم يسمع ضحكتها وقال : سوالفش و جمالش و ضحكتش ارفقي بروحي ! والله انش اميره صدق
ابتسمت بخجل وقالت : لا عاد م تعودت على المدح ياخي
ضحك وقال : دامش معاي لازم تتعودين خلاص
ضحكت وقالت : ان شاء الله
~
اما عنـد سُميه و صقر
صقر : صصرتيي حلاااليي ي ام العيون السوودد
ضحكت سُميه وقالت : ايييه صرت حلاللكك ياعييوني
ضحك يضمها بـِحُب : يالبى عيونتس
ابتسمت تقعد عـ الكرسي وقالت : زين نبي ناكل شي وربي الجوع لعب فيني لعب
صقر : اي بالله صادقه دقايق بس
سُميه : ايه زين
~
اخر الليل الكل نايم بعد يوم مُتعِب ، و صباح جميل و هادئ ، طلعت ام سلطان وهي تشوف البيت هدوء مافيه حس ابدا ، نطقت بهدوء : سلطان وين ابوك و مشاري ؟
دخل عليهم مشاري وقال بصوت عالي : ههننا
ام سلطان ب عصبيه : قصر حسك نايمين النااس
ضحك وقال : عسى ماشر يمه ؟
ابو خلف : والله الشر بكبره انت
شهق وقال : افا ي سلطان انا !
ضحك ابو خلف وقال : ايه ي مشاري انت
ابو فهد : والله م هقيتها منك ي ناكر الاخوه هههههههههههههههههههههههههههههههههههههههههههههههههههههههههههههه
ام سلطان : وهي فيها اخوّه بعد
و استمروا يضحكون و يسولفون سوا عن العرس و غيره
~
فـ بيت ديم و محمد تحديداََ ، فزت على صوت محمد الي داخل يبشرها ، قامت بصدمه وقالت : حمود شبلاك !! بسم الله
دخل و الفرحه ماكلته ابتسم وقال : دييمي لقيت علاج لل عقم !!
فتحت عيونها بصدمه وقالت : كذاب
محمد : قسم بالله
ابتسمت وهي باقي مو مستوعبه الشي ، ضحك وهو ياخذها لـ حضنه : بتصيرين امم قرييباا ي الدييمي
ضحكت وقالت : ان شاء الله يارب ، تعال تعال علمني كلشي من البدايه
ابتسم و قعد قدامها يختصر لها الموضوع و غيره
~
و أما ريهام الفهد الي صحوا على صياح لينا ، زفر فهد وهو يستغفر : وراتس ي ابوي وراتس
فتحت ريهام عيونها تطالعهم ضحكت بخفه وهي تشوف حنان فهد ل بنتهم رغم انه كان منزعج من صياحها بشده ، و رجعت قفلت عيونها من حست ان فهد بيشوفها
اخذ فهد لينا على حضنه و بدا ينومها بهدوء ، بعد م نومها قام لبس ملابسه و اتجه للـ دوام
~
فـ الشركه تحديدا
مسعود : لا تدرون قد ايش انا فرحان ل غيث هههههههههههههههههههههههههههههههههههههههههههههههههههههههههههههه
ضحك مُلهم وقال : الله يتمم له على خير ان شاء الله
ردوا بصوت واحد : امين يارب
لؤي : يعني وش الوضع هالحين لا مدير الشركه ولا المدير الثاني هنا بنقعد هنا كذا !
ضحك احمد وقال : حلوه ذي المدير الثاني لا يسمعك خليف
لؤي : م بيسمعني بس اذا انت صرت نقال علوم و علمته بيسمعني
انفجر مُلهم ضحك وقال : احمدوووه طلع نقال علوم
احمد : لا تشوهون سمعتي لو سمحتوا
ضحك مسعود وقال : ايه ايه بنستر عليك لا تخاف
احمد : بارك الله فيك
لؤي : ذا شفيه كلام كأنه جد ؟
ضحك احمد وقال : مكثر جلسات معاهم
انفجروا كلهم يضحكون و كملوا ضحك على أحمد
مسعود : بروح اخذ لي قهوه تبون ؟
مُلهم : اي بالله
مسعود : ابشر
احمد : بروح اخذ لي فره ف الشركه تجون معاي ؟
نط لؤي وقال : والله يويلنا غيوث حاط الشركه تحت أمرنا و حنا من راح غيث وحنا قاعدين حنا نسولف و نضحك
احمد : امش امش معاي ، مُلهموه رح شف الوضع مع آدم تحت كيف وانا بروح الطابق الثالث و لؤي اقعد شف الطابق ذا وشلون
لؤي : ابد قدام
-
يُتبع
-
( احم احم ادري اني سحبت بس شسوي الدراسه اكلتني اكل يناس 😔😔. ، والله قاعده احاول أطول البارتات على قد م اقدر بس شسوي والله ذا البارت قليل فـ حقكم ، حطوا النجمه و شدوا الدعم م باقي شي على الـ 17k ✨✨. )
أنت تقرأ
كل الامان في حُبك وكل الاماني قربك
Randomرواية كل الامان في حُبك وكل الاماني قربك للكاتبة : رهف القحطاني ✍🏻 - ثاني إنطلاقه لي 🤎. - ترقبوا معنا الروايه ✨.
