#عرس_الذيب
🖊 خولة الغريب 🖊
الفصل الثاني - رهان القبل - 🍾💋بارت52💋🍾
جالسة معاها كتشوف فيها بابتسامة خجولة ..!
ملاك: حشمتيني و الله ..! راني فطرت و عاد جيت عندك ( هزات كاس دالعصير من الفطور لي طلباتلها ) سمحيلي بعدا عطلتك على شغالك ..!
شريفة:( ضحكات معاها ببشاشة و قالت ) هاذ الزين كامل يطلب يشوفني و ما نتلاقاهش ؟ ( شيراتلها بعينيها ) غير فطري ما تحشميش مني ههه ..! الطبل هو لي كياكل بوحدو .. بقيت بالجرا حتى نسيت راسي من الماكلة تال هاذ الوقت
ملاك: الله يحسن العوان ( مدات يديها كتاكل ) تانا عندي السطاج هنا كنقيل فالشموشات ما كنكمل النهار حتى كنتسالى
شريفة:( تبسمات و ردات ) واخا هكاك القرايا زوينة بزااااف .. كتخلي الناس يحتارموك و تديري بلاصتك معاهم و اباغ الناس .. نتي كتحققي أحلامك و كتوصلي لكاع ديكشي لي كنتي كتشوفيه بعيد .. غير جاهدي .. أجي فاش كتقراي بعدا ؟
ملاك: عندك الصح .. أنا عندي الدوزيام أني هاذ العام فلافاك ديكشي د الأثار و نتي شنوو كديري فحياتك ؟ باقي كاع ما تعرفنا على بعضياتنا ...
شريفة:( ردات بهدوء ) عندي مشروع خدامة عليه ما بقى والو و ندير الافتتاح ..! غيكون مطعم و لكن ماشي بحال اي ريسطوو عادي ( ضحكات ) نهار العباسية نعرض عليك و أجي عطيني رأيك
ملاك:( ارتاحت لها و عجباتها فهضرتها ) باين غيكون زوين غير من ذوقك و ان شاء الله يلا كنت باقى هنا نجي عندك ( بتساؤل ) غتكوني قريتي التسيير و الحسابات ياك ؟
شريفة:( حركات راسها بالنفي ) لا أنا ما كملتش قرايتي .. جاو ضروف و حبست فالكاطريام ..! ( قلبات وجهها لجنب كتسرح عينيها ) و غنرجع نكمل ان شاء الله غير نقاد أموري و نعرف راسي من رجلي .. واخا شرفت هههه ..!
ملاك:( ردات ) بالعكس باقى صغيرة الله يوفقك يا ربي ( صغرات عينيها ) كتباني كالم و ضريفة .. البارح خلعتيني ههه
شريفة:( ضحكاتها ) هههههه و الله أختي حتى داخلة سوق راسي و ما كنبغي نجبد حتى واحد و هاذيك لي كانت معاك واخا صاحبتك .. و لكن غنقولها لك فاص .. بحال نوعها ما يشرفنيش نعرفو و عمري فحياتي عمرت معاهم و لا نزلت لمستواهم .. ما نرضاش حتى نوقف معاهم و يشوفوني الناس
ملاك: هي كتبغي مهدي و عائلتوو ما قابلاش بيها ..! فاش شافتك معاه عقلها بغى يخرج ما فكراتش تكوني من عائلتوو و لا حتى خدامين بجوج .. مشى بالها غير للخايب ..!
شريفة: أنا ماشي سوقي فهاذشي .. و ماشي تكبر مني كنقولك هاذ الهضرة و لكن بصح مستواي بعييد على النماذج ديالها .. و بعدت من الصداع و ميكت عليها .. و لكن هي غير شافتني سكت لها ركبات فوق راسي و دلات رجليها ..! كاملين كنعرفو نسبو و نضربو و لكن كنكونطروليو راسنا .. انا نقدر نضارب فقلب داري لا غير ما شافني حد واخا ما كتهمنيش هضرة الناس و لكن انا قتلك ما نرضاهاش أنا اللولة لنفسي ..!
أنت تقرأ
عرس الذيب 🐺مكتملة🐺
रोमांस💎مكتملة💎 هناك قلوب عاشت وماتت وهي تنتظر فقط لحظة عطف وإحتواء ! وهناك قلوب قد غدر بها رغم أنها لم تنبض يوما إلا بالوفاء ! و قلوب من الرحمة معدومة ، و بالغدر موصومة ، ملوثة بالكذب ، لاتعرف معنى للنقاء ! 🐺 عرس الذيب ...
