#عرس_الذيب
🖊 خولة الغريب 🖊
الفصل الثاني - رهان القبل - 🍾💋بارت63💋🍾
شريفة:( ردات مخلوعة مكمشة رجليها ) علاش ؟( غلباتها البكية ) خليني غير نشرحلك بعدا راه ختك ملاك هي و كريمة لي زعموني أنا
سكتات كتطلع النفس بالزربة و الدموع بداو كيقطرو من عينيها تخلعات ديال بصح ..! و تا هو فاش شافها فداك الحالة ما قربش منها .. تكى على البيرو رجل مهزوزة و الثانية فالأرض كيضرب فيديه بالسمطة ببرود ..!
حكيم: هانا كنتسناك .. يالاه كملي نسمع ..!
شريفة:( مسحات حناكها بيدين كيرجفوو و ردات بصوت دلوع ) و ما غتضربنيش ؟ ( شافتوو غينوض و هي تحرك يديها بالزربة سرسباتلوو كلشي ..! ) ملاك هي و صاحبتها سحرولي .. هي وراتني تصويرتي مكتوب فيها شي حوايج كيخلعوو عليها داك النهار أنا مشيت احم سكرت
حكيم:( حط السمطة من يديه و ضار على البيرو كيقلب حتى جبد تيليفونوو ) اييه زيدي ..!
شريفة: و فاش قلت لها غنعلمك خافت و جابتني عند ماماك زعما تفكلي ديكشي و وقع لي وقع
حكيم:( حرك راسوو و قال مغذذ ) مزيان هاذشي .. زعما برافوو ما عندي ما نسالكم ..! ( حط صبعوو على فموو بمعنى سكتي ) وي محمد أمين .. راك فالدار ؟ حداك ملاك ..!
محمد أمين:( رد كيشوف فختوو ) ها هي حدايا بغيتيها ؟
حكيم: امم ..! غتجي نتا و ياها لعندي للخدمة فاش توصل صوني عليا نسيفطلك عبد الحق يدخلها .. يالاه تهلى ما تعطلش ( قطع عليه و رجع شاف فيها ) ها هي غتجي و غنشوفوو هاذ السحور لي رجع كيمشي لكم فالعروق ..!
شريفة:( ردات كتمسكن ) أنا و الله عمري فكرت نمشي لعند شي مشعود .. كريمة و ملاك لي زعموني باش نلقاو الشفار و بقاو عليا بالهضرة حتى ديت كريمة لعند داك الفقيه و يالاه جينا نخرجوو و شدونا .. و الله ما كنكذب عليك هي عرفات مشالي الصاك و ما بقالي حتى حاجة عليها هي و صاحبتها و ضحكات عليا بلعاني باش تغرقني
شافت فالسمطة و بلعات ريقها كتحاول تقنعوو بجميع الوسائل الممكنة واخا باينلها فعينيه غير ما كيزيد يتعصب كثر ..!
شريفة: ياك عندك الكاميرات فالبيت ..! رجعلهم و شوف شنوو وقع .. أنا و الله حتى غير مكدمة فهاذشي كامل .. خليني نمشي ا حكيم الله يستر عليك ( رمشات عينيها ببراءة و قالت و هي عاضة على فمها ) ياك أنا نوارة الحدود ديالك
حكيم:( رد باستهزاء كيعيبها ) شتي على هاذ نوارة الحدود غتاكلي و تبقي .. غير تهناي ..!
شريفة:( مصات شنافتها و قالت كتهز فكتافها ) اييوا صافي سلخني دابا قبل ما تجي ختك .. اصلا من شحال هاذي ما درت شي مساج يالاه يخفافوو عليا عظامي غير ما تحملنيش حرام عليك اويلي مالي بنت ست سنين
جالسة قداموو فالمكتب .. جامعة رجليها و حانية راسها ما كتشوفش فيه .. حناكها مزنكين و عينيها يالاه بداو يبردو من البكى و الخلعة لي كانت شاداها ..!
أنت تقرأ
عرس الذيب 🐺مكتملة🐺
Roman d'amour💎مكتملة💎 هناك قلوب عاشت وماتت وهي تنتظر فقط لحظة عطف وإحتواء ! وهناك قلوب قد غدر بها رغم أنها لم تنبض يوما إلا بالوفاء ! و قلوب من الرحمة معدومة ، و بالغدر موصومة ، ملوثة بالكذب ، لاتعرف معنى للنقاء ! 🐺 عرس الذيب ...
