#عرس_الذيب
🖊 خولة الغريب 🖊
الفصل الثاني - رهان القبل - 🍾💋بارت50💋🍾
حبيبة:( متكية فالصالون كتتفرج و تهضر فنفس الوقت ) شفتي غير جينا على والوو .. الدار أصلا نقية و حكيم مخلي السوارت لخوتو كيضورو بالدنيا و يعطيوا لجيم تا هو ماكلتوو و يخرجوه معاهم ..!
كريمة:( ضحكات و ردات ) كيموت الصكع على الكلاب ..!
حبيبة: بزاااف عندو العمر فيهم .. نتي جيتي لقيتي غير جيم .. راه كان عندو جوج من غيرو .. واحد شيان بوليس و الثاني بيدبول ( حطات يديها على راسها ) نهار كيجي عندنا ماري كتعيط بالعداااااو
كريمة: و فين طرgهم (" داهم زعما " )
حبيبة: فرقهم على صحابوو غير باش ماري تبقى تمشي عندو و تتحرك فالدار على خاطرها ( سهات مبسمة ) عزيزة عليه بنت الهم و حتى نتي معزتك عندو بوحدها ..!
كريمة:( تكات كتسمع ليها ) بصح أ خالتي ؟؟
حبيبة: كن ما عندو عزيزة كاع ما يبزز عليك تديري الحجاب و تستري .. و كن طلقك كاع ما ردك .. راه واخا شافك مرة وحدة قبل الزواج و لكن عجبتيه و نوا معاك كل خير ..!
كريمة: وا كاع ما كان دوا معايا داك النهار فاش جيتوو لعندنا .. أنا gلت كااااع ما غتولييو مرة اخرى ..!
حبيبة: هو هكاك داير واخذ تيقارو مع كلشي ..! راك باقى ما كتعرفيه مزيان ( ضحكات كتتفكر ) فصغرو فاش كنت حاملة بمحمد أمين .. يلا مشى تا غوت عليه باه كيجي كيشنول عندي و يقولي عرفتي هذا تولديه غنهزو من رجليه و نلووحوو لهيييه و نرجع
كريمة:( ضحكات كتشوف فيها ) ههه عاوديلي عليه أ خالتي ..!
حبيبة: و فاش كنقولوو خوك هذا و يلا بكى مسكين و ما لقى شكون يعطيه ياكل ؟؟ ( ضحكات بالجهد ) كيبدا يقلب فداك العينين و يقولي .. صافي نحطو غير حدا الحسن ( كملات بتفسير ) كان عندنا مول الحانوت سميتوو الحسن ..! سيري عطيه يرضع تما و أجي عندنا للدار ..! ( ضربات يد مع يد ) ايوا ا حكيم و يلا جاو ليه لكلاب و الشفارة بغاو يسرقوه ؟ كيسكت تا يعيى و يقولي صافي أنا نخرج نحضيه نبقى حداه
كريمة: هههههه المهم ما يgعدش معاكم فالدار ( مبسمة ) كان مغيار ..!
حبيبة:( ضورات راسها ) ايييي ..! فوقما تتصوري و لدابا باقي بنفس الطبع .. كيموت بالغيرة على مو و ختو و أي وحدة عندو عزيزة .. مكيبغيش لي ينقص منهم حتى بشوية و لا هما يديرو شي حاجة ماشي تال تم ..!
سكتوو بجوج بيهم كل وحدة فاش كتفكر حتى هزات كريمة تيليفونها دخلات عند صاحبتها و بحماس سيفطاتلها مسج مكتوب ..!
كريمة: ا تعالي نgوولك ا البنت .. ياو كنت gاعدة أنا و عكوزتي هري دري بيناتنا .. ما كاين ما يتعمل gلنا نتهاودو شوية ..!
ردات عليها صاحبتها : اهلا أ كويريمة ايوا فين شاداها ؟ صوبتي السخرة ديال عبد العالي ؟؟
أنت تقرأ
عرس الذيب 🐺مكتملة🐺
Romance💎مكتملة💎 هناك قلوب عاشت وماتت وهي تنتظر فقط لحظة عطف وإحتواء ! وهناك قلوب قد غدر بها رغم أنها لم تنبض يوما إلا بالوفاء ! و قلوب من الرحمة معدومة ، و بالغدر موصومة ، ملوثة بالكذب ، لاتعرف معنى للنقاء ! 🐺 عرس الذيب ...
