#عرس_الذيب
🖊 خولة الغريب 🖊
الفصل الثاني - رهان القبل - 🍾💋بارت53💋🍾
خوف كبير انتابها و هي بوحدها .. لا حنين لا رحيم ..! و نفس الجملة كتعاود فوذنيها مرارا و تكرارا ..! بصعوبة كبيرة مدات يديها شعلات الضو فالبيت .. مطوية فبلاصتها كتحرك شفايفها بلا صوت ..!
شريفة: أعوذ بالله من الشيطان الرجيم .. أعووذ بالله من الشيطان الرجيم
رمات الغطى مرعوبة بحال يلا شي واحد غيخرجلها من تحت الناموسية و يهجم عليها ..! بانلها تيليفونها فوق الكوافوز و ناضت بالزربة جهتوو كترعد و هي كتكتب ..!
شريفة: أسية واش رجعتي للدار ؟؟
حيدات ليه الصوت و هزاتوو بين يديها كتقلب
بين حوايجها بلا عقل .. باغى تلبس عليها شي حاجة و تخرج من الدار .. هاربة من التهيئات لي كيجيوها ..!
أسية:( ردات عليها بمسج و رجعات صونات و قطعات ) باقي الحال عاد خرجت أنا و البنات .. واش نرجع ؟
شافتوو و كملات لباسها حتى سالات و مشات هزات سباطها فيد و الساك و التيليفون و فيد كتجاوب و هي مخلوعة و مترددة واش تفتح الباب و لا تبقى فبيتها مخبعة ..!
شريفة: لا غير سولتك و صافي .. أنا براسي خارجة .. المهم عنداك تتعطلي و انتابهي لراسك ..!
فتحات الباب بشووووية عاضة على شنافتها و مغمضة عينيها تا تحل و خرجات راسها كتضور فعينيها .. زاعمة كتتمشى على ريوس صبعانها بلا صوت .. ضارت فالدار كاملة ما لقات حتى حد و لانطيرفون محطوط فبلاصتوو عادي ..!
شريفة:( قلبها غيخرج من بلاصتوو بكثرة لي كيضرب ) غتحماقي نتي يلا بقيتي كل نهار على هاذ الحال .. ما فيهاش ..!
تأكدات من السوارت و الفلوس واش هازاهم و خرجات من الدار كطقطق بالطالون .. رجليها باقيين كيرجفوو من الخلعة دالحلمة و زادت كملات بهاذ التهيئات ..!
هبطات فالسانسور كتقاد فشعرها ..! غير وصلات للتحت و ضرباتها النسمة د الهوا باردة .. تبسمات كتتمشى بهدوء و ثقة فاتجاه طونوبيلتها ..!
حكيم:( بانت ليه خارجة و هو يديماري كيتسناها تزيد باش يتبعها ..! و فنفس الوقت كيهضر فأبيل ) يمَّا ..! مشغول غنقطع دابا
حبيبة: هاذ الخدمة ما غساليش خلاص و تعطينا حتى حنا وقتنا ؟ شحال و أنا كنوجد عليك لليوم
حكيم:( قاطعها ) وااا صافي أ حبيبة من الهضرة الخاوية .. ليوم ما مساليش غذا و هانا معاك حتى تجري عليا ( سكت كيضحك ) مزيانة هاذي ؟
حبيبة: ههههه و الله ما طلع لي فراسي أ الغالي ( نغزاتها كريمة ) غير توحشتك انا و شي ناس و كنا باغيينك تمشي مع مراتك لطبيب زعما و لكن ماشي مشكل ..!
حكيم:( رد بهدوء ) عرفات الجنس د البيبي ؟ شنو عندها ؟
حبيبة:( بحماس قالت ) بنيتة ان شاء الله .. الغالية بنت الغالي ..!
أنت تقرأ
عرس الذيب 🐺مكتملة🐺
Storie d'amore💎مكتملة💎 هناك قلوب عاشت وماتت وهي تنتظر فقط لحظة عطف وإحتواء ! وهناك قلوب قد غدر بها رغم أنها لم تنبض يوما إلا بالوفاء ! و قلوب من الرحمة معدومة ، و بالغدر موصومة ، ملوثة بالكذب ، لاتعرف معنى للنقاء ! 🐺 عرس الذيب ...
