الملتزم السادي ♡بالدارجة♡

الجزء 69

♥280
ودخلو الشرطة هزوه ودارو ليه المينوط غادين مخرجينو بينما الشخص مشا لعند ايزابيﻻ وجر ليزار من السرير غطاها حيت كانو ملبسينها داكشي معري هزات فيه عينيها لمدمعين بخوف:شكون نتا.الشخص هز الكمامة غي على فمو وشافت فيه كيبان باقي صغير غي فالعشرين وتامن صوتو:انا مخابراتي غي تهدني وكيف شتي الشرطة معايا.مدات يديها بغات تحيد ليه تاعلى عينيه وحبسها بضحكة:منقدرش نوريك وجهي.جمعات يديها وكتشوفليه مع فمو لي غطاه وهزها عندو مهبطها.نرجعو للحاضر باراكة عليكم تالمن بعد وتعرفو كمالت قصتها حيت كل حدث ومعاه الديتاي ديالو.قاطع تفكيرها فماضيها الخدامة لي دخﻻت هازة بﻻطو فيه اكل قليل حطاتو وبدات كتوكلهانخليوها ونرجعو عند جايمس لي كان راكب فطائرة خاصة متوجه لعند حبيبتو ويعتق طفلو ولو اضطر يفضح عﻻقتهم المهم ميفقدهمش لكن الوقت كان ضدو بينما هو كان فمنتصف الطريق فالسما كانت اناستازيا مخدرينها بﻻ خبارها ومدخلينها لغرفة العمليات بعد عدة محاوﻻت من روز توقفهم الى انهم كينفدو الاوامر اكتافات تجلس وتجبد صليبها تدعي تطرا شي معجزة لكن هيهات هيهات القدر كان عندو كلمة اخرى من بعدما تحل لباب وخرجوها ناضت روز كتبكي لعند لطبيب وكتمنى ميكونش حيدو ليها شافها وحط يدو على كتفها:كملنا ليها غي تفيق غتحس مزيان متخافيش عليها غي الهرمونات لي كانو ماثرين عليها انها تشبث بيه.روز اكتفات تشد فمها وتخلي دموعها سايلة الطبيب خﻻها ومشا لبيروه مستغرب مخليها جلسات فالكرسي وكتفكرها فاش كانت كتهضر مع جايمس وفرحانين انهم اخيرا غيتجمعو بقات كتبكي تما والتيلي كيصوني ليها عرفاتو هو ومبغاتش تجاوبو شنو غتقوليه حلمك تﻻشى فثانية مبقاش اما جايمس فكيصوني وغيتسطا تامن لي غارد لي تما معارفين والو موصل للبرازيل تاغفر ليه الله وقلبو مزير عليه عارف.... يتبع

🖤281

عارف انه غيتصدم وواخة هكاك كيصبر راسو بلي باقي عندو وقت مشا لمشفى لي قالو ليه الغارد ودخل وجهو مخطوف مفيه ميتشاف ممسوقش انه يقد يتﻻقا مع ماثيو سول لي فالاستقبال وخبراتو بغرفتها مسولهاش غاع واش دارت الاجهاض سول غي على غرفتها طلع لطابق لي فيه تمشى شوية حتا وقف مخرج عينيه فاش بانت ليه روز جالسة فالكراسى لي حدا غرفتها كتبكي روز شافتو وهي توقف شافت فيه بعيون متاسفة وحدرات راسها كتبكي زير على يديه مغزف وعينيه كيتعمرو بالدموع تمشى باتجاه غرفتها وعينيه مضببة بسباب الدموع تخطا روز لي شداتو من دراعو بخوف:ماثيو يقد يجي فاي لحضة
.تنتر منها:ﻻماجاش انا لي غنمشي نقتلو
.ودخل عند اناستازيا لي كانت باقة ناعسة غي سد لباب نزلو دموعو ومشا جلس كيبوس فراسها ويديها وكرشها بقا مدة جالس تما حتا دخﻻت روز بالزربة:ماثيو جاي غتنوض القيامة عفاك سير
.جايمسس ناض بعصبية وعينيه باقين حمرين من اثر الدموع وجبد سﻻحو:خليه يجي هو لي شرا عداوتي وبربي حتا نقتلو تاهو
.روز طﻻت وخرجات عينيها بان ليها ماثيو قرب يوصل للغرفة وهي مباغاهمش يتﻻقاو حيت اكيد جايمس ايقتلو مفيهاش وهي خايفة على اناستازيا توقع ليها شي حاجة لخسرات خوها:عفاك امسيو جايمس غي على قبل اناستازيا
.خرجت وقفات لماثيو متقﻻه بالهضرة وجايمس بقا مزير على سﻻحو وكيشوف فاناستازيا فعﻻ ماشي فصالحو انهم يتﻻقاو دابا خاف على اناستازيا وعاد هوما فمشفى ومجايبش حماية لي يقدو يعاونوه ﻻتدخﻻت الشرطة باش يشدوهم قرب باس راسها وطاحت دمعة فوق جبينها دمعة اسى وحزن من حبيب معدب من جيهة حبيبتو ودمعة حلم اب تﻻشى قبل تاميشد طفلو بين يديه تمشا بالزربة ناحية البالكون وهو يتحل لباب كان ماثيو وروز كضور عينيها بخوف تاشافتو فين واقف مخبي بعيون حاقدة على ماثيو لي قرب جلس حداها شاد يديها زير.... يتبع