الملتزم السادي ♡بالدارجة♡

الجزء 113

469❤

شمس شافت فمﻻك:اجي لهنا نتي تاليوم كيفاش ها.
مﻻك بخجل:وشنو بغيتني ندير.
شمس:ياك قلتي ديك النهار قضيتو الغرض.
مﻻك:وخفتك تمشي تجيبي ليه الضرة.
قرصاتها ومﻻك نقزات باقي لحمها كيضرها:هاويلي حي على نجيب ليك الضرة بغيتي داك الغول يعلقني من كراعي.
مﻻك:ﻻ ماشي غول حشومة عليك.
شمس:هاويلي على البقرة كيكدافع عليه.
مﻻك:ومالو ماشي راجلي.
ضربت يد مع يد:ﻻ صافي ضعتي ضعتي.
مﻻك:ﻻش ضعت.
شمس:ونتي غادقتي الصوصيط بديتي تغرعي.
مﻻك باستغراب:مكليتش صوصيط.
شمس ناضت:هاني هابطة غاع بحالي نشوف شكيديرو.
مﻻك:انمشي معاك.
شمس:جلسي لارض ليشوفني مهبطاك يبدا يغوت.
مﻻك:اويلي على يغوت.
شمس:رابصح غي كيشوفك داخلة لكوزينة كيقوليا ﻻش مخلياها تدخل.
مﻻك:اويلي مال هادا حماق.
شمس:اه راك نتي لي محمقاه وجلسي لارض مفيا لي يبدا يبكي عليا.
مﻻك:ﻻ انهبط عفاك قنطت اه بغيت نشوف جداه.
شمس:واخا وحاولي على راسك.
حركت راسها بالايجاب ولوات شالها حيت كانت حيداتو خرجو داتها لبيت الجدة كانو الناس باقين كيدخلو ويخرجو وشي وحدين عاد كيطلعو كانت الدنيا عامرة خصوصا الرجال حيت العياﻻت شي وحدين مقدوش يشوفوها ميتة شمس شداتها حداها تاتخوا الدنيا لتمشي تخلط مع الرجال وعارفة عهد ﻻشافها ايبدا يطبق داك الالتزام ديالو داز واحد من وﻻد احمد وبانو ليه عينو نيشان مشات لمﻻك لي شاداها شمس ومشا لعندهم سلم على شمس:ﻻباس اخالتي.
شمس بابتسامة:امين امتا رجعتي اولدي.
امين:عاد شي يومين راكنت اندوز عندكم توحشت عهد واسامة.
شمس:عليها جيتي لعرسو.
امين:اه حقا تانتﻻقاه ونباركليه.
شمس:ونتا مناويش تعرس.
عينو مشات نيشان لمﻻك لي كضور عويناتها فالارجاء وشافيها بضحيكة:اه الى بغا الله تخطبي ليا نتي هه.
شمس عاقت بيه وضحكت ضحكة صفرة:اييه اولدي غي وريني الدار.
جرات مﻻك عنقاتها
جنب:هادي مرت عهد.
جمع ديك الضحكة مصدوم:ها هادي.
شمس:اه هي هادي اويلي مالك.
امين:ﻻ والو غي دا وعرف اشدا باينة فيها بنت الناس.
شمس:اييه الله يرزقك شي بنية بحالها.
مد يدو ايسلم عليها:متشرفين انا ولد عم عهد.
مﻻك ممدتش يديها غاكترمش ممسوقاش ليه تحرج جا يجمعها تاجمعاتها ليه قبضة قسحاتو هز راسو لقاه عهد مبسم ليه بزز باش ميبينش غضبو من دوك الشوفات ليكان يدير فيها:امين صافا مفخباريش راك جيتي.
امين:شي يومين باش جيت.
عهد:ايوة على سﻻمتك.
طلقو وبقا كيحك فيها بﻻما يعيق عهد ضار عند مﻻك:ﻻش نضتي راك باقة عيانة
حناكها حمارو مع اتنطق تجاوبو
مع نقز ﻻخر عهد كان ايطوعو:عﻻش مالها مسكينة ياك ﻻباس.
عهد ضار شافيه زعما منيتك اولد العبد:كنضن مغتزادك ضلعة مغتنقسك الى عرفتي مالها.
امين:غي سؤال.
عهد ضار متسوقش ليه وشد مﻻك:يالله رجعي تكاي.
مﻻك:انشوف جداك.
دارها قدامو وبدا مدخلها فوسط الناس مكين ﻻسمحليا ﻻ سمحيليا داخل كيالتران كيبغيو يضورو يشوفو شكون يبداو يغوتو يقولو ابشوية غاكيبانليهم هو كيضربو الطم دخلها كانو شي رجال تسناهم خرجو ودخلو وسد لباب مﻻك مشات عند محمد بحزن:لبراكة فراسك اعمي.
محمد بشحوب كيدوز يدو على راس مو:ممشا معاك باس ابنتي.
سكتات شافت فالجدة هكاك مقداتش تصبر وبدات كتبكي قربات بشوية قبﻻت جبينها ويديها وبعدت ضارت مبقاتش قادة تشوف عهد جرها معنقها عندو ونطق محمد:خرجها اولدي وقوليهم يجيو يغسلوها.
قاليه واخا وخرجو مشا عند مو:فينوما لي ايغسلوها.
شمس:راهوما لتحت.
عهد:غوتي عليهم يغسلوها.
مشات بالزربة هبطات غوتت عليهم وهو دا مﻻك لبيتهم وسد عليهم:واصافي راعليها قلتليك بقاي هنا.
مﻻك:اهئ دابا غديوها ليوم اهئ.
عهد:اه وفاش انمشي انسد عليك بالساروت اتبقاي هنا واخا.
مﻻك:بﻻما تسد بالساروت انا انبقا هنا.
عهد:واخ ولكن ديري بهضرتي.
مﻻك:واخا شنو اندير.